عمران خان ڈیل نہیں کریں گے، صحت پر سیاست بند ہونی چاہیے: فیصل چوہدری
اشاعت کی تاریخ: 18th, February 2026 GMT
معروف قانون دان فیصل چوہدری نے کہا ہے کہ عمران خان سے متعلق ڈیل کی خبریں ’اوور ریٹڈ‘ ہیں اور وہ کسی بھی غیر مشروط سمجھوتے پر تیار نہیں ہوں گے۔ اگر کوئی ڈیل کرنی ہوتی تو 3سال پہلے کی جا سکتی تھی، موجودہ حالات میں ایسا کوئی امکان نظر نہیں آتا۔
یہ بھی پڑھیں: عمران خان ڈیل کے بجائے 500 سال جیل میں رہنے کو تیار ہیں، فواد چوہدری
وی نیوز کے پروگرام صحافت اور سیاست میں گفتگو کرتے ہوئے فیصل چوہدری کا کہنا تھا کہ ڈیل کے لیے بنیادی شرط ضمانت ہوتی ہے۔ تاہم، عمران خان اپنے مؤقف سے پیچھے ہٹنے کو تیار نہیں۔
’جیل کا عرصہ گزارنے، اہلیہ اور خاندان کے مشکلات برداشت کرنے اور انتخابی عمل مکمل ہونے کے بعد یوٹرن لینا سیاسی طور پر نقصان دہ ہو سکتا ہے‘۔
فیصل چوہدری نے کہا کہ عمران خان کی صحت کے حوالے سے تشویش موجود ہے۔ بینائی متاثر ہونے، دانتوں اور آنکھوں کے مسائل کے علاوہ ٹینیٹس جیسی شکایات بھی سامنے آئی ہیں۔
’صحت کے معاملے کو سیاسی رنگ نہیں دینا چاہیے اور اگر ضرورت ہو تو انہیں اسپتال منتقل کیا جانا چاہیے‘۔
مزید پڑھیے: بیرون ملک یا بنی گالہ، عمران خان کی ڈیل ہوگئی؟ مریم نواز کا کھڑاک، سابق آرمی چیف بارے افسوسناک خبر
ان کا کہنا تھا کہ عمران خان ایک بین الاقوامی شناخت رکھتے ہیں، اس لیے ان سے متعلق کسی بھی معاملے کے عالمی سطح پر اثرات مرتب ہو سکتے ہیں، جسے پیش نظر رکھنا ضروری ہے۔
فیصل چوہدری نے پاکستان تحریک انصاف کی موجودہ قیادت پر تنقید کرتے ہوئے کہا کہ پارٹی کے اندر واضح حکمت عملی نظر نہیں آتی۔ مختلف رہنماؤں کے بیانات میں تضاد اور دھڑے بندی نے پارٹی کو نقصان پہنچایا ہے، جس کا براہ راست اثر عمران خان پر پڑ رہا ہے۔
انہوں نے کہا کہ جذباتی فیصلوں اور غیر مربوط احتجاجی سیاست سے نتائج حاصل نہیں ہوتے۔ اگر قیادت خود منظم نہ ہو تو کارکن متحرک نہیں ہوتے۔
مزید پڑھیں: عمران خان مذاکرات کے دشمن، کیا اسٹیبلشمنٹ سے ڈیل ناکام ہوگئی؟
قانونی ٹیم سے متعلق سوال پر فیصل چوہدری کا کہنا تھا کہ چند وکلا کور ٹیم میں شامل ہیں جبکہ باقی زیادہ تر سیاسی وکلا ہیں۔
انہوں نے دعویٰ کیا کہ عمران خان کے خلاف مقدمات سیاسی نوعیت کے ہیں اور ان کی قانونی بنیاد کمزور ہے، تاہم عدالتوں میں درخواستیں التوا کا شکار ہیں جس سے انصاف کے عمل پر سوالات اٹھ رہے ہیں۔
فیصل چوہدری نے کہا کہ ملک اس وقت معاشی، آئینی اور گورننس کے بحران سے دوچار ہے اور سیاسی استحکام کے لیے سنجیدہ مکالمہ ناگزیر ہے۔ ان کے بقول عمران خان کو کسی نہ کسی صورت باہر آنا چاہیے تاکہ سیاسی عمل آگے بڑھ سکے، چاہے اسے کچھ لوگ ڈیل کا نام ہی کیوں نہ دیں۔
انہوں نے کہا کہ وہ عمران خان کی ذات پر سیاست کرنے کے بجائے منظم حکمت عملی اپنائے، نرم لہجے کے رہنماؤں کو آگے لائے اور کارکنوں کی قدر کرے کیونکہ پارٹی کا اصل سرمایہ کارکن ہی ہوتے ہیں۔
یہ بھی پڑھیے: پی ٹی آئی کی موجودہ قیادت کے ہوتے ہوئے عمران خان رہا نہیں ہوسکتے، فیصل چوہدری
فیصل چوہدری نے مزید کہا کہ سیاسی قیادت سنجیدگی کا مظاہرہ کرے گی اور ملک کو جاری بحرانوں سے نکالنے کے لیے عملی اقدامات کیے جائیں گے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
پاکستان تحریک انصاف عمران خان عمران خان ڈیل عمران خان کی صحت قانون دان فیصل چوہدری.
ذریعہ
ذریعہ: WE News
کلیدی لفظ: پاکستان تحریک انصاف عمران خان ڈیل عمران خان کی صحت قانون دان فیصل چوہدری فیصل چوہدری نے عمران خان کی کہ عمران خان نے کہا کہ کے لیے
پڑھیں:
آبنائے ہرمز میں ہر حملے کے بدلے ایک پل یا پاور پلانٹ تباہ کریں گے، ٹرمپ کی ایران کو نئی دھمکی
واشنگٹن(ڈیلی پاکستان آن لائن)امریکی صدر ڈونلڈ ٹرمپ نے ایران کو نئی دھکمی دیتے ہوئے خبردار کیا ہے کہ اگر ایران نے آبنائے ہرمز سے گزرنے والے کسی بھی جہاز کو نشانہ بنایا تو امریکہ اس کے جواب میں ایران کا ایک پل یا ایک پاور پلانٹ تباہ کر دے گا۔سوشل میڈیا پلیٹ فارم ٹروتھ سوشل پر جاری اپنے بیان میں ڈونلڈ ٹر مپ نے لکھا کہ آج سے اگر اسلامی جمہوریہ ایران آبنائے ہرمز میں کسی بھی جہاز پر میزائل، راکٹ، ڈرون یا کسی بھی دوسرے ہتھیار سے حملہ کرتا ہے تو امریکہ اس کے بدلے میں ایران کا ایک پل یا ایک پاور پلانٹ تباہ کرے گا، جن میں تہران کے اندر یا اس کے قریب واقع تنصیبات بھی شامل ہو سکتی ہیں۔ خیال رہے کہ یہ پہلا موقع نہیں جب ڈونلڈ ٹرمپ نے ایران کے شہری بنیادی ڈھانچے کو نشانہ بنانے کی دھمکی دی ہو۔ گزشتہ ہفتے ایک انٹرویو میں بھی انہوں نے کہا تھا کہ اگر ایران مذاکرات کی میز پر نہیں آیا تو امریکا اس کے تمام پل تباہ کر دے گا۔
پاکستانی تاجروں نے چین کو 60ہزار ٹن چاول برآمد کرنے کے آرڈرز حاصل کرلئے
مزید :
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا