ہیوسٹن میں رمضان المبارک 1447 ہجری کا آغاز: پہلی تراویح ادا کی گئی، پہلا روزہ آج رکھا جائے گا
اشاعت کی تاریخ: 18th, February 2026 GMT
ہیوسٹن میں رمضان المبارک 1447 ہجری کا آغاز: پہلی تراویح ادا کی گئی، پہلا روزہ آج رکھا جائے گا WhatsAppFacebookTwitter 0 18 February, 2026 سب نیوز
ہیوسٹن، (شاہ خالد خان ریذیڈنٹ ایڈیٹر یو ایس اے)اسلامی ہجری تقویم کے مطابق رمضان المبارک 1447 ہجری کا آغاز ہو چکا ہے۔ اسلامک سوسائٹی آف گریٹر ہیوسٹن (ISGH) اور ہیوسٹن مون سائٹنگ کمیٹی کے مشترکہ اعلان کے مطابق منگل کی رات 17 فروری 2026 کو رمضان کی پہلی تراویح کی نماز ادا کی گئی۔
ISGH نے گلوبل مون سائٹنگ رپورٹس کی بنیاد پر یہ اعلان کیا کہ چونکہ مقامی طور پر چاند نظر نہیں آیا، اس لیے رمضان کا آغاز منگل کی رات سے ہوا۔ نتیجتاً آج بدھ 18 فروری کو رمضان کا پہلا روزہ رکھا جائے گا۔ شہر بھر کی مساجد میں تراویح کی نماز رات کے اوقات میں ادا کی گئی، جہاں ہزاروں مسلمانوں نے شرکت کی اور رمضان کی آمد پر اللہ کی حمد و ثنا کی۔
مسجد اسلامیہ (Madrasah Islamiah Houston)، جو شارپس ٹاؤن ایریا میں 6665 Bintliff Dr پر واقع ہے، نے بھی پہلی تراویح کی نماز کا اہتمام کیا۔ یہ مسجد قرآن کی تعلیم، حفظ قرآن کے پروگرامز، اسلامی کلاسز اور کمیونٹی سروسز کے لیے مشہور ہے۔ مسجد میں سحری کے خصوصی انتظامات کیے گئے تاکہ روزہ داران رات گئے تک سحری کرکے روزہ کی تیاری کر سکیں۔
ہیوسٹن کے لیے نماز کے اوقات (Muslim Hands USA، AlAdhan اور ISGH کیلنڈر کے مطابق):
فجر (سحری کا آخری وقت): 5:38 AM مغرب (افطار کا وقت): 6:13 PMرمضان المبارک کی آمد پر ہیوسٹن کی مسلم کمیونٹی میں خوشی اور روحانی جوش پایا جاتا ہے۔ لوگ تراویح، تہجد، قرآن کی تلاوت اور خیرات میں مصروف ہیں۔
روزانہ مستند اور خصوصی خبریں حاصل کرنے کے لیے ڈیلی سب نیوز "آفیشل واٹس ایپ چینل" کو فالو کریں۔
WhatsAppFacebookTwitter پچھلی خبرامریکی اداروں پر روسی حملے، یوکرین کا سخت ردِعمل امریکی اداروں پر روسی حملے، یوکرین کا سخت ردِعمل ایران امریکا مذاکرات میں بڑی پیش رفت، کیا معاہدہ قریب ہے؟ ایران کا بڑا دعویٰ سامنے آگیا فلسطینیوں کی جبری بے دخلی کسی صورت قبول نہیں، پاکستان کا دو ٹوک مؤقف احسن اقبال کی ڈھاکہ میں بنگلادیشی وزیراعظم طارق رحمان سے ملاقات، دورہ پاکستان کی دعوت دی عمران خان نے مجھ سے کہا تھا یہ لوگ مجھے ماردیں گے، عظمی خان ائیر کرافٹ کیریئر سے زیادہ خطرناک وہ ہتھیار ہے جو اسے سمندر میں غرق کرسکتا ہے: آیت اللہ خامنہ ایCopyright © 2026, All Rights Reserved
رابطہ کریں ہماری ٹیم.
ذریعہ
ذریعہ: Daily Sub News
کلیدی لفظ: رمضان المبارک پہلی تراویح ادا کی گئی کا آغاز
پڑھیں:
فراری کی پہلی الیکٹرک کار متعارف، رونمائی کے فوراً بعد تنقید کا طوفان
پُرتعیش گاڑیاں بنانے والی عالمی شہرت یافتہ کمپنی فراری کی پہلی مکمل الیکٹرک گاڑی منظرِ عام پر آتے ہی شدید تنقید کی زد میں آ گئی، جس کے اثرات کمپنی کی مارکیٹ پوزیشن پر بھی نمایاں طور پر دیکھے جا رہے ہیں۔
’لُوچے‘نامی اس نئی الیکٹرک گاڑی کو معروف ڈیزائنر سر جونی آئیو کے تخلیقی وژن کے تحت تیار کیا گیا ہے۔ اطالوی زبان میں ’لُوچے‘ کا مطلب ’روشنی‘ ہے۔ تاہم، گاڑی کا ڈیزائن اور مجموعی تصور صارفین اور ناقدین کی توقعات پر پورا نہ اتر سکا۔
فراری کی تاریخ میں پہلی بار متعارف کرائی گئی پانچ نشستوں والی اس الیکٹرک گاڑی کو غیرمعمولی کارکردگی کے ساتھ پیش کیا گیا ہے۔
کمپنی کے مطابق یہ گاڑی محض ڈھائی سیکنڈ میں صفر سے 96 کلومیٹر فی گھنٹہ کی رفتار حاصل کر سکتی ہے۔ اس کی قیمت 6 لاکھ 40 ہزار ڈالر، یعنی پاکستانی کرنسی میں تقریباً 18 کروڑ روپے رکھی گئی ہے۔
گاڑی کی تقریبِ رُونمائی میں اٹلی کی اہم شخصیات سمیت ملک کے صدر اور عیسائی برادری کے روحانی پیشوا پوپ لیو کو بھی مدعو کیا گیا تھا۔ تاہم، شاندار تقریب کے باوجود مارکیٹ کا ردِعمل فراری کے لیے حوصلہ افزا ثابت نہ ہو سکا۔
رونمائی کے صرف ایک دن بعد ہی کمپنی کے شیئرز کی قیمت میں آٹھ فی صد تک کمی ریکارڈ کی گئی، جسے سرمایہ کاروں کی مایوسی اور مارکیٹ کے منفی ردِعمل کی علامت قرار دیا جا رہا ہے۔
دوسری جانب ناقدین، سرمایہ کاروں اور بعض سیاسی شخصیات نے بھی گاڑی کے ڈیزائن اور تصور پر سوالات اٹھائے ہیں، جبکہ سوشل میڈیا پر اس کے منفرد انداز کو لے کر ملا جلا ردِعمل سامنے آ رہا ہے۔
ماہرین کا کہنا ہے کہ الیکٹرک گاڑیوں کی بڑھتی ہوئی عالمی مارکیٹ میں فراری کا یہ قدم تاریخی ضرور ہے، مگر کمپنی کو روایتی اسپورٹس کار کے شوقین صارفین کو قائل کرنے کے لیے مزید محنت کرنا پڑ سکتی ہے۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ