آزاد کشمیر میں چیف الیکشن کمشنر کے نام کی منظوری
اشاعت کی تاریخ: 18th, February 2026 GMT
آزاد جموں و کشمیر میں چیف الیکشن کمشنر کی تقرری کی منظوری دے دی گئی ہے۔ ذرائع کے مطابق سابق چیف جسٹس ہائیکورٹ غلام مصطفیٰ مغل کو بطور چیف الیکشن کمشنر آزاد جموں و کشمیر تعینات کرنے کی منظوری دی گئی ہے۔
ذرائع کا کہنا ہے کہ چیف الیکشن کمشنر کی تقرری سے متعلق سمری پر چیئرمین کشمیر کونسل اور وزیر اعظم پاکستان شہباز شریف نے دستخط کر دیے ہیں۔ منظوری کے بعد سمری وزارت امورِ کشمیر کے ذریعے صدر آزاد کشمیر کے دفتر کو ارسال کر دی گئی ہے۔
مزید پڑھیں: نئے آئی جی آزاد کشمیر لیاقت علی کی سادہ کپڑوں میں کوہالہ آمد، ناکے پر پولیس اہلکار پہچان نہ سکے
تقرری کا پس منظرچیف الیکشن کمشنر کی تعیناتی کے لیے 3 نام چیئرمین کشمیر کونسل کو بھجوائے گئے تھے، جن میں سے جسٹس (ر) غلام مصطفیٰ مغل کے نام کی منظوری دی گئی۔
جسٹس غلام مصطفیٰ مغل اس سے قبل بھی آزاد کشمیر میں چیف الیکشن کمشنر کے فرائض انجام دے چکے ہیں اور طویل عرصہ عدالتی خدمات سرانجام دیتے رہے ہیں۔
پیشہ ورانہ زندگی30 جنوری 2002ء کو آزاد کشمیر ہائیکورٹ کے جج مقرر ہوئے۔
4 جنوری 2010ء کو آزاد کشمیر ہائیکورٹ کے چیف جسٹس بنے۔
18 فروری 2016ء کو چیف الیکشن کمشنر آزاد کشمیر مقرر کیے گئے۔
2016ء کے عام انتخابات ان کی نگرانی میں شفاف اور منصفانہ قرار دیے گئے۔
30 مارچ 2017ء کو آزاد جموں و کشمیر سپریم کورٹ کے جج تعینات ہوئے۔
مزید پڑھیں: اوورسیز کشمیر کانفرنس: 16 فروری کو آزاد کشمیر میں عام تعطیل کا اعلان
ہائیکورٹ اور سپریم کورٹ میں اہم اور تاریخی فیصلوں کے باعث ان کی پیشہ ورانہ ساکھ مستحکم رہی ہے۔ عدالتی اصلاحات اور انصاف تک عوامی رسائی کے لیے ان کی خدمات کو نمایاں قرار دیا جاتا ہے۔
ابتدائی زندگی اور تعلیمغلام مصطفیٰ مغل 25 دسمبر 1955ء کو مظفرآباد کے گاؤں بلگران میں پیدا ہوئے۔ انہوں نے اسلامیہ کالج مظفرآباد اور پنجاب یونیورسٹی سے قانون کی تعلیم حاصل کی اور 1980ء کی دہائی میں وکالت سے اپنے عملی کیریئر کا آغاز کیا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
آزاد جموں و کشمیر آزاد کشمیر چیف الیکشن کمشنر سابق چیف جسٹس ہائیکورٹ غلام مصطفیٰ مغل.
ذریعہ
ذریعہ: WE News
کلیدی لفظ: چیف الیکشن کمشنر سابق چیف جسٹس ہائیکورٹ غلام مصطفی مغل چیف الیکشن کمشنر غلام مصطفی کی منظوری کو آزاد
پڑھیں:
خیبر پختونخوا میں بلدیاتی انتخابات مرحلہ وار ہونے کا امکان
الیکشن کمیشن نے 23 اضلاع میں حلقہ بندیاں مکمل کرلیں جبکہ مزید اضلاع میں حلقہ بندیوں کا سلسلہ جاری ہے۔ الیکشن کمیشن جلد خیبر پختونخوا حکومت سے انتخابات کی حتمی تاریخ مانگے گا۔ اسلام ٹائمز۔ الیکشن کمیشن نے کے پی کے میں مرحلہ وار بلدیاتی انتخابات کروانے پر کام شروع کر دیا، صوبے میں بلدیاتی انتخابات 2 مراحل میں ہونے کا امکان ہے۔ الیکشن کمیشن نے 23 اضلاع میں حلقہ بندیاں مکمل کرلیں جبکہ مزید اضلاع میں حلقہ بندیوں کا سلسلہ جاری ہے۔ الیکشن کمیشن جلد خیبر پختونخوا حکومت سے انتخابات کی حتمی تاریخ مانگے گا۔ ذرائع کے مطابق الیکشن کمیشن رواں ماہ کے آخر میں مرحلہ وار بلدیاتی انتخابات کرانے کا حتمی فیصلہ کرے گا، بلدیاتی اداروں کی مدت مارچ اور جون 2026 میں مکمل ہو چکی ہے۔
الیکشن کمیشن نے 23 اضلاع میں الیکشنز کروانے کے لیے تیار ہے، اناضلاع میں بلدیاتی الیکشنز کی تاریخ سے متعلق سمری تاحال خیبر پختونخوا کابینہ میں زیر التوا ہے۔ کے پی کابینہ کے کل کے اجلاس میں سمری سے متعقل فیصلہ متوقع ہے، چیف سیکرٹری کے پی کے 28 جولائی تک الیکشن کمیشن کو آگاہ کریں گے۔
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا