شہید بینظیر آباد میں رمضان کے دوران ذخیرہ اندوزوں کے خلاف کریک ڈاؤن کا اعلان
اشاعت کی تاریخ: 18th, February 2026 GMT
data-id="863a0a8" data-element_type="widget" data-e-type="widget" data-widget_type="theme-post-content.default">
شہید بینظیر آباد: رمضان المبارک کے موقع پر شہریوں کو مہنگائی کے بوجھ سے بچانے کے لیے کمشنر شہمیر خان بھٹو نے شہر بھر میں اشیائے خوردونوش کی قیمتوں پر کڑی نظر رکھنے اور ذخیرہ اندوزوں کے خلاف سخت کارروائی کرنے کا اعلان کیا ہے۔
حکام نے واضح کیا ہے کہ ناجائز منافع خوری اور ذخیرہ اندوزی کسی صورت برداشت نہیں کی جائے گی اور قانون کے مطابق بلا امتیاز کارروائی عمل میں لائی جائے گی۔
کمشنر کی ہدایت کے مطابق تمام دکاندار سرکاری نرخ نامہ نمایاں جگہ پر آویزاں کریں تاکہ صارفین کو خریداری کے وقت شفافیت حاصل ہو۔ انتظامیہ رمضان کے دوران مارکیٹوں میں مسلسل موجود رہے گی تاکہ اشیائے ضروریہ کی دستیابی یقینی بنائی جا سکے اور مقررہ نرخوں پر فروخت کو یقینی بنایا جا سکے۔
شہر کے شہریوں سے اپیل کی گئی ہے کہ وہ زائد قیمت وصول کرنے یا ذخیرہ اندوزی کی کسی بھی شکایت فوری طور پر متعلقہ حکام تک پہنچائیں، تاکہ بروقت اور مؤثر کارروائی ممکن ہو۔
انتظامیہ نے کہا ہے کہ رمضان کے دوران عوام کو ریلیف فراہم کرنا اولین ترجیح ہے اور اس سلسلے میں کسی بھی قسم کی کوتاہی یا غفلت قبول نہیں کی جائے گی۔
کمشنر شہمیر خان بھٹو نے مزید کہا کہ اس اقدام کا مقصد نہ صرف قیمتوں کو مستحکم رکھنا بلکہ شہریوں میں اعتماد اور اطمینان قائم کرنا بھی ہے، تاکہ روزہ دار شہری رمضان کے بابرکت مہینے میں بلا خوف و خطر ضروری اشیاء خرید سکیں اور کسی قسم کی منافع خوری یا ذخیرہ اندوزی کا شکار نہ ہوں۔
ذریعہ
ذریعہ: Jasarat News
کلیدی لفظ: رمضان کے
پڑھیں:
ایران کے شہید سپریم لیڈر علی خامنہ ای کی تدفین مشہد میں ہوگی، تیاریاں شروع
ایران کے شہید سپریم لیڈر آیت اللہ سید علی خامنہ ای کی تدفین تین بڑے شہروں ایران، قم اور مشہد میں نماز جنازہ کے بعد مشہد میں امام رضا کے مزار میں ہوگی، جس کے لیے حکام کی جانب سے تیاریاں شروع کی گئی ہیں۔
ایرانی میڈیا کی رپورٹ کے مطابق ایران کے دارالحکومت تہران کے سماجی و ثقافتی امور کے نائب محمد امین توکلی زادہ نے بتایا کہ شہید سپریم لیڈر آیت اللہ علی خامنہ کی تدفین کے لیے تیاریاں جاری ہیں اور صرف دارالحکومت تہران میں ڈیڑھ سےدو کروڑ (15 سے 20 ملین) لوگوں کے لیے تیاریاں جاری ہیں۔
انہوں نے کہا کہ ہم دنیا کے انتہائی استکبار مخالف رہنما، امریکا اور اسرائیل کے خلاف جنگ کے عظیم کمانڈر اور ایران کے عظیم قابل تقلید رہنما کے جنازے میں شریک ہو رہے ہیں۔
امین توکلی زادہ نے کہا کہ مختلف صوبوں کی جانب سے جنازے کی میزبانی کے لیے درخواستیں کی گئی ہیں اور تدفین ممکنہ طور پر ذوالحج کے اختتام اور محرم کے شروع میں ہوگی۔
انہوں نے کہا کہ تہران میں نماز جنازے کا پروگرام تقریباً 24 گھنٹوں تک جاری رہے گا، ہم شیعہ مسلمانوں کا ایک بہت بڑا اجتماع دیکھیں گے اور یہاں تک کہ تمام مسلمانوں کا ایک عظیم اجتماع ہوگا۔
رپورٹ میں بتایا گیا کہ آیت اللہ علی خامنہ ای کی نماز جنازے میں ہمسایہ ممالک بشمول پاکستان، افغانستان، بھارت، بنگلہ دیش اور کشمیر سے بڑی تعداد میں سوگواروں کی شرکت کا امکان ہے۔
یاد رہے کہ ایران کے سابق سپریم لیڈر آیت اللہ علی خامنہ ای 28 فروری کو امریکا اور اسرائیل کے حملے میں شہید ہوگئے تھے جب ایران پر اچانک حملہ کیا گیا تھا اور بم باری کے نتیجے میں آیت اللہ علی خامنہ ای کے علاوہ ان کے خاندان کے چند انتہائی قریبی ارکان سمیت پاسداران انقلاب کے اعلیٰ کمانڈرز بھی شہید ہوگئے تھے۔
امریکا اور اسرائیل کے اس حملے میں مناب میں لڑکیوں کے ایک اسکول پربھی بم باری کی گئی تھی، جس کے نتیجے میں اسکول کی بچیوں سمیت 165 افراد شہید ہوگئے تھے، جبکہ ایران نے جواب میں اسرائیل اور خطے کے ممالک میں قائم امریکی اڈوں پر حملے شروع کیے تھے۔
پاکستان کی ثالثی میں اپریل میں امریکا اور ایران نے جنگ بندی پر اتفاق کیا اور دونوں اطراف سے حملے روک دیے گئے تاہم ایران نے آبنائے ہرمز کا کنٹرول اپنے پاس رکھا جبکہ امریکا نے ناکہ بندی کی جو تاحال جاری ہے لیکن مخصوص جہازوں کو گزرنے کی اجازت دی جاتی ہے۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ