مریم نواز کا مری میں رین واٹر ہارویسٹنگ منصوبے کے پہلے مرحلے کی تکمیل پر اظہار اطمینان
اشاعت کی تاریخ: 18th, February 2026 GMT
پاکستان مسلم لیگ (ن) کے صدر نواز شریف اور وزیر اعلیٰ پنجاب مریم نواز کی زیرصدارت اعلیٰ سطحی اجلاس مری میں منعقد ہوا جس میں مری ڈیویلپمنٹ پلان اور دیگر ترقیاتی منصوبوں کا تفصیلی جائزہ لیا گیا۔
اجلاس کے دوران جاری اسکیموں کی پیش رفت اور آئندہ اقدامات پر اہم مشاورت کی گئی۔
مزید پڑھیں: ’رمضان نگہبان کارڈ‘: وزیراعلیٰ پنجاب مریم نواز نے عوام کے لیے بڑا اعلان کردیا
وزیر اعلیٰ پنجاب نے مری میں رین واٹر ہارویسٹنگ منصوبے کے پہلے مرحلے کی تکمیل پر اطمینان کا اظہار کرتے ہوئے متعلقہ حکام کی کارکردگی کو سراہا۔
دوسری جانب وزیر اعلیٰ کی آمد کے موقع پر مال روڈ پر سکیورٹی کے سخت انتظامات کیے گئے تھے۔
مسلم لیگی کارکنان، سیاحوں اور شہریوں کی بڑی تعداد نے قیادت کا استقبال کیا اور نعرے بازی کی۔ مریم نواز اور نواز شریف نے ہاتھ ہلا کر عوامی پذیرائی کا جواب دیا۔
دورے کے دوران نواز شریف گاڑی سے اتر کر کارکنان اور سیاحوں میں گھل مل گئے، مصافحہ کیا اور شکریہ ادا کیا۔ متعدد شہریوں اور بچوں نے وزیر اعلیٰ کے ہمراہ تصاویر بھی بنوائیں۔
مزید پڑھیں: رمضان میں مہنگائی کرنے والوں کیخلاف کارروائی کا انتباہ، پیرافورس دوکان سیل کرے گی، مریم نواز
واضح رہے کہ جنید صفدر بھی اس موقع پر وزیر اعلیٰ پنجاب کے ہمراہ موجود تھے جبکہ نواز شریف اور مریم نواز گزشتہ دو روز سے مری میں قیام پذیر ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews اظہار اطمینان مری اجلاس مریم نواز وزیراعلٰی پنجاب وی نیوز.
ذریعہ
ذریعہ: WE News
کلیدی لفظ: اظہار اطمینان مری اجلاس مریم نواز وی نیوز وزیر اعلی نواز شریف مریم نواز
پڑھیں:
پنجاب کے وزیر تعلیم رانا سکندر حیات کا اسکولوں میں خود پڑھانے کا اعلان
لاہور : پنجاب کے وزیر تعلیم رانا سکندر حیات نے ٹیچر بننے کا اعلان کردیا۔رانا سکندر حیات نے ستمبر کے پہلے ہفتے سے انگلش اور کیمسٹری سمیت دیگر مضامین کی تدریس کا اعلان کیا۔انہوں نے کہا کہ لاہور میں ستمبر کے پہلے ہفتے سے کلاس کو پڑھاناشروع کروں گا، انگلش اور کیمسٹری میرے پسندیدہ مضمون ہیں لہٰذا ان ہی مضامین سے شروع کروں گا۔وزیر تعلیم نے کہنا ہےکہ پرائمری اسکولوں میں انگلش اور ہائی اسکولوں میں کیمسٹری سے آغاز کروں گا جب کہ انگلش اور کیمسٹری کے علاؤہ دیگرمضامین کی بھی تدریس کروں گا۔انہوں نے مزید کہا کہ ہر ہفتے کسی ایک اسکول میں بغیر پیشگی اطلاع پڑھانے جاؤں گا، اساتذہ کی عزت کرتا ہوں، استاد بن کر فخر محسوس کروں گا۔ان کا کہنا تھا کہ اس اقدام سے تعلیمی معیار کو جانچ کر تدریسی کمزوریاں دور کرنے میں مدد ملے گی۔
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا