راولپنڈی میں شہری سے بدسلوکی: دو ٹریفک اہلکار معطل
اشاعت کی تاریخ: 18th, February 2026 GMT
data-id="863a0a8" data-element_type="widget" data-e-type="widget" data-widget_type="theme-post-content.default">
راولپنڈی:صوبائی شہر راولپنڈی میں ٹریفک پولیس اہلکاروں کی جانب سے ایک شہری کے ساتھ مبینہ بدسلوکی کا واقعہ سامنے آنے کے بعد محکمہ پولیس نے فوری کارروائی کرتے ہوئے دو اہلکاروں کو معطل کر دیا ہے، حکام نے نوٹس لیتے ہوئے معاملے کی تحقیقات شروع کر دی ہیں۔
پولیس حکام کے مطابق واقعہ شہر کے علاقے جھنڈا چیچی میں قائم ٹریفک چوکی پر پیش آیا جہاں تعینات اہلکاروں نے ایک موٹرسائیکل سوار شہری کو روکا، اہلکار شہری سے تلخ لہجے میں بات کرتے ہیں، اسے دھکے دیتے ہیں اور اس کی موٹرسائیکل قبضے میں لینے کی کوشش کرتے ہیں۔ ویڈیو منظرعام پر آنے کے بعد شہری حلقوں اور سوشل میڈیا صارفین کی جانب سے شدید ردعمل سامنے آیا اور اہلکاروں کے رویے کو غیر پیشہ ورانہ قرار دیا گیا۔
واقعے پر ردعمل دیتے ہوئے چیف ٹریفک آفیسر فرحان اسلم نے فوری طور پر انکوائری کا حکم جاری کیا اور ابتدائی شواہد کی بنیاد پر دونوں اہلکاروں کو معطل کرنے کا اعلان کیا، شہریوں کے ساتھ بدسلوکی کسی صورت برداشت نہیں کی جائے گی اور ملوث اہلکاروں کے خلاف محکمانہ قواعد کے مطابق سخت کارروائی کی جائے گی۔
سی ٹی او نے مزید کہا کہ ٹریفک پولیس کا بنیادی مقصد شہریوں کی سہولت اور قانون کی پاسداری کو یقینی بنانا ہے، اس لیے اہلکاروں کو ہدایت دی گئی ہے کہ وہ ڈیوٹی کے دوران صبر، تحمل اور پیشہ ورانہ رویہ اختیار کریں۔ انہوں نے یقین دہانی کرائی کہ تحقیقات شفاف انداز میں مکمل کی جائیں گی اور اگر مزید اہلکار بھی ملوث پائے گئے تو ان کے خلاف بھی کارروائی ہوگی۔
مقامی شہریوں اور سماجی حلقوں نے واقعے پر تشویش کا اظہار کرتے ہوئے مطالبہ کیا ہے کہ پولیس اہلکاروں کی تربیت اور نگرانی کے نظام کو مزید مؤثر بنایا جائے تاکہ مستقبل میں ایسے واقعات کی روک تھام ہو سکے۔
ذریعہ
ذریعہ: Jasarat News
پڑھیں:
ڈرائیونگ لائسنس سے متعلق بڑا فیصلہ، اہم شرط بھی ختم
حکومتِ پنجاب نے ٹریفک نظام کو جدید خطوط پر استوار کرتے ہوئے شہریوں کے لیے ایک بہترین اور زبردست سہولت والے اقدام کا اعلان کیا ہے۔
حکومتی فیصلے کے مطابق اب صوبے بھر میں گاڑی یا موٹر سائیکل چلانے والوں کو ہر وقت پلاسٹک یا کاغذی ڈرائیونگ لائسنس اپنے ساتھ رکھنے کی ضرورت نہیں ہوگی، بلکہ ان کے موبائل فون میں موجود ’ای ڈرائیونگ لائسنس‘ کو قانونی طور پر مکمل قابل قبول قرار دے دیا گیا ہے۔
ڈی ایل آئی ایم ایس کا جدید ڈیجیٹل نظامپنجاب ٹریفک پولیس کے اعلیٰ حکام کے مطابق یہ نیا اور پیپر لیس نظام ’ڈرائیونگ لائسنس انفارمیشن مینجمنٹ سسٹم (ڈی ایل آئی ایم ایس) کے تحت کام کرے گا۔
یہ بھی پڑھیں:پنجاب میں 16 تا 18 سال کے بچوں کے ڈرائیونگ لائسنس کا اجرا شروع
اس اسمارٹ ڈیجیٹل اقدام کا بنیادی مقصد روایتی کاغذی کارروائی اور لائسنس گم ہونے یا گھر بھول جانے کے باعث شہریوں کو چالان کے خوف سے نجات دلانا اور ٹریفک کے پورے نظام کو تیز رفتار اور مؤثر بنانا ہے۔
موبائل فون پر لائسنس دکھائیں اور چالان سے بچیںنئے قوانین کے تحت اب سڑک پر موجود ٹریفک وارڈنز اور اہلکاروں کے لیے موبائل اسکرین پر دکھایا جانے والا ڈیجیٹل لائسنس ہی حتمی اور درست تصور کیا جائے گا۔
پولیس کے اعلیٰ حکام نے سخت ہدایات جاری کرتے ہوئے واضح کیا ہے کہ اگر کوئی بھی ٹریفک اہلکار، شخص یا ادارہ اس ڈیجیٹل لائسنس کو تسلیم کرنے سے انکار کرے، تو شہری اس کے خلاف فوری طور پر قانونی شکایت درج کروا سکتے ہیں۔
شکایت کے لیے واٹس ایپ نمبر اور ہیلپ لائن جاریٹریفک پولیس پنجاب نے شہریوں کی سہولت اور کسی بھی قسم کی بدتمیزی یا انکار کی صورت میں فوری ایکشن کے لیے درج ذیل رابطے فراہم کیے ہیں، سرکاری ہیلپ لائن نمبر1787 جبکہ آفیشل واٹس ایپ نمبر 03184642936 ہوگا۔
مزید پڑھیں:دبئی کا ڈرائیونگ لائسنس پاکستان میں نہیں چلے گا، ٹریفک پولیس نے اوورسیز پاکستانی کا چالان کردیا
پولیس حکام کا کہنا ہے کہ تمام متعلقہ اداروں اور اہلکاروں کے لیے ای لائسنس کو قبول کرنا لازمی ہوگا اور اس حکم کی خلاف ورزی کرنے والوں کے خلاف سخت محکمانہ کارروائی کی جائے گی۔
ڈاؤن لوڈ کرنے کا طریقہ کارشہری اپنا پورٹیبل ای ڈرائیونگ لائسنس انتہائی آسانی سے حاصل کر سکتے ہیں۔ اس کے لیے انہیں پنجاب حکومت کی آفیشل ویب سائٹ https://dlims.punjab.gov.pk/elicense پر جانا ہوگا، جہاں وہ اپنا شناختی کارڈ نمبر اور دیگر مطلوبہ معلومات درج کر کے اپنا لائسنس دیکھ اور پی ڈی ایف فارمیٹ میں موبائل میں محفوظ کر سکتے ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
پورٹیبل ٹریفک پولیس پنجاب ڈاؤن لوڈ ڈرائیونگ ڈی ایل آئی ایم ایس شہری لائسنس موبائل فون ہیلپ لائن
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ