حیدرآباد ڈسٹرکٹ بارایسوسی ایشن کے انتخابات، عابد حسین چانگ بھی میدان میں آگئے
اشاعت کی تاریخ: 19th, February 2026 GMT
data-id="863a0a8" data-element_type="widget" data-e-type="widget" data-widget_type="theme-post-content.default">
حیدرآباد(اسٹاف پورٹر) حیدرآباد ڈسٹرکٹ بار ایسوسی ایشن کے سالانہ انتخابات میں لائبریری سیکریٹری کے عہدے کے لیے ایڈووکیٹ عابد حسین چانگ باضابطہ طور پر میدان میں اتر گئے۔ ان کی امیدواری کے ساتھ ہی بار ایسوسی ایشن میں انتخابی سرگرمیاں تیز ہو گئی ہیں جبکہ قانونی حلقوں میں بھی سیاسی ہلچل بڑھ گئی ہے۔ انتخابی مہم کے دوران وکلاء کے اجتماع سے خطاب کرتے ہوئے ایڈووکیٹ عابد حسین چانگ نے کہا کہ بار ایسوسی ایشن کی لائبریری صرف کتابوں کا ذخیرہ نہیں بلکہ وکلاء کے علم، تحقیق اور پیشہ ورانہ قوت کا اہم مرکز ہے۔ انہوں نے کہا کہ مضبوط وکالت اور بہتر انصاف مضبوط لائبریری کے بغیر ممکن نہیں۔ اس لیے ضروری ہے کہ لائبریری کو دور جدید کے تقاضوں سے ہم آہنگ کیا جائے۔ ایڈووکیٹ عابد حسین چانگ نے اپنے خطاب میں کہا کہ منتخب ہونے کی صورت میں لائبریری کو جدید قانونی کتب، حال ہی میں رپورٹ ہونے والے کیسز، لیگل جرنلز اور ریفرنس میٹریل سے آراستہ کیا جائے گا جبکہ وکلاء کو ڈیجیٹل لائبریری اور آن لائن لیگل ڈیٹا بیس تک رسائی فراہم کرنے کے لیے بھی اقدامات کیے جائیں گے۔ انہوں نے مزید کہا کہ لائبریری کو منظم، پرامن اور ہر وکیل کے لیے مفید بنانا ان کی اولین ترجیح ہو گی۔
ذریعہ
ذریعہ: Jasarat News
کلیدی لفظ: عابد حسین چانگ کہا کہ
پڑھیں:
گلگت بلتستان انتخابات کو متنازع بنانے کی ہر کوشش جمہوریت کے خلاف ہے، حلیم عادل شیخ
صدر پی ٹی آئی سندھ نے کہا کہ عوامی مینڈیٹ کو متنازع بنانے اور اس پر اثر انداز ہونے کی کوششوں نے جمہوری عمل کو نقصان پہنچایا، آج بھی عوام عمران خان کے بیانیے اور قیادت پر بھرپور اعتماد کا اظہار کر رہے ہیں اور پاکستان تحریک انصاف ملک کی مقبول ترین سیاسی جماعت ہے۔ اسلام ٹائمز۔ پاکستان تحریک انصاف سندھ کے صدر حلیم عادل شیخ نے کہا ہے کہ گلگت بلتستان کے آئندہ انتخابات کو متنازع بنانے کی کسی بھی کوشش سے گریز کیا جائے اور انتخابی عمل کو مکمل طور پر شفاف، غیر جانبدار اور منصفانہ بنایا جائے۔ انہوں نے کہا کہ گلگت بلتستان کے عوام کو اپنا ووٹ آزادانہ طور پر استعمال کرنے کا مکمل حق حاصل ہے اور کسی قسم کی مداخلت یا دباؤ جمہوری اقدار کے منافی ہوگا۔ حلیم عادل شیخ نے کہا کہ ملک میں سیاسی استحکام کا راستہ صرف آزاد، شفاف اور غیر جانبدار انتخابات سے ہو کر گزرتا ہے، عوامی مینڈیٹ پر ڈاکہ ڈالنے کی روایت نے ماضی میں پاکستان کو سیاسی اور معاشی بحرانوں سے دوچار کیا، اس لیے ضروری ہے کہ عوام کے فیصلے کا مکمل احترام کیا جائے۔ انہوں نے کہا کہ 8 فروری 2024ء کے عام انتخابات میں عوام نے اپنا واضح فیصلہ دیا تھا، تاہم عوامی مینڈیٹ کو متنازع بنانے اور اس پر اثر انداز ہونے کی کوششوں نے جمہوری عمل کو نقصان پہنچایا، آج بھی عوام عمران خان کے بیانیے اور قیادت پر بھرپور اعتماد کا اظہار کر رہے ہیں اور پاکستان تحریک انصاف ملک کی مقبول ترین سیاسی جماعت ہے۔
حلیم عادل شیخ نے مطالبہ کیا کہ پاکستان تحریک انصاف کو گلگت بلتستان میں انتخابی مہم چلانے کے مساوی اور آئینی حقوق فراہم کیے جائیں تاکہ تمام سیاسی جماعتوں کو یکساں مواقع میسر آ سکیں۔ انہوں نے کہا کہ انتخابی عمل کو ہر قسم کے دباؤ، جانبداری اور غیر ضروری مداخلت سے پاک رکھا جائے تاکہ عوام اپنی مرضی کے نمائندوں کا انتخاب کر سکیں۔ انہوں نے کہا کہ گلگت بلتستان کے عوام باشعور ہیں اور وہ اپنے ووٹ کی طاقت سے حقیقی نمائندوں کا انتخاب کریں گے، عوام کا فیصلہ ہی جمہوریت اور پاکستان کے روشن مستقبل کی بنیاد ہے۔ انہوں نے اس امید کا اظہار کیا کہ پاکستان تحریک انصاف گلگت بلتستان کے انتخابات میں عوامی حمایت کے ساتھ بھرپور کامیابی حاصل کرے گی۔ حلیم عادل شیخ نے مزید کہا کہ سیاسی استحکام کے بغیر معاشی ترقی، سرمایہ کاری اور عوامی خوشحالی ممکن نہیں، لہذا تمام متعلقہ حکام اس امر کو یقینی بنائیں کہ انتخابات مکمل طور پر شفاف اور منصفانہ ہوں اور عوام کے مینڈیٹ کا ہر صورت احترام کیا جائے۔
وزارت آئی ٹی نے 1.67 ارب روپے سے زاید کے فنڈز طلب کرلیے