الخدمت کے 50سال ،اہل کراچی زکوٰۃ،صدقات وعطیات الخدمت کو دیں ، نوید علی بیگ
اشاعت کی تاریخ: 19th, February 2026 GMT
data-id="863a0a8" data-element_type="widget" data-e-type="widget" data-widget_type="theme-post-content.default">
کراچی ( پ ر) چیف ایگزیکٹو الخدمت کراچی نوید علی بیگ نے کہا ہے کہ الخدمت کے 50سال خدمت کی روشن مثال ہیں،اہل کراچی ،اہل پاکستان اور بیرون ملک مقیم پاکستانی اپنی زکوٰ ۃ، صدقات، فطرہ اور عطیات الخدمت کو دیں۔ الخدمت زلزلوں ،سیلابوں اور ،طوفانی بارشوں اور کورونا جیسی قدرتی آفات میں ہمیشہ قوم کے شانہ بشانہ رہی ہے اور اس نے ملک وقوم کی بھر پور خدمت کی ہے۔یہ بات انہوں نے گزشتہ روز اپنے ایک بیان میں کہی۔انہوں نے کہا کہ الخدمت خدمت کے پچاسویں سال میں داخل ہو چکی ہے ،ہم 2026 ء میں بھی خدمت کے نئے ریکارڈقائم کرنے کے لیے پرعزم ہیں ،انہوں نے کہا کہ الخدمت کے 8 شعبے زندگی کے تمام شعبوں میں خدمت کا کام کر ر ہے ہیں، ہر شعبہ کام اور وسعت کے اعتبار سے نہایت اہم ہے۔الخدمت کا فری آئی ٹی کورسز پروگرام بنو قابل اب ملک بھر میں پھیل چکا ہے ،بنو قابل سے ملک بھر کے 24 شہروں کے نوجوان مستفید ہو رہے ہیں ،12 لاکھ نوجوان اس پروگرام سے جڑ چکے ہیں۔اس تعداد کو ان شااللہ اس سال 2ملین تک لے کر جائیں گے۔ نئی نسل اس پروگرام سے اپنی زندگیاں سنوار رہی ہے ،نوجوان اور ان کے خاندانوں کو اس پروگرام کے ثمرات مل رہے ہیں۔انہوں نے اہل کراچی کو رمضان المبارک کی مبارک باد دی اور کہا کہ رمضان المبارک رحمتوں ،برکتوں اور عظمت والا مہینہ ہے،اس ماہ میں سنت کا ثواب فرض کے برابر اور فرض کا ثواب 70نیکیوں کی صورت میں ملتا ہے ،دنیا بھرمیں اہل خیر اور اہل ایمان الخدمت پر اعتماد کرتے ہیں اور اس کے کاموں کو قدر کی نگاہ سے دیکھتے ہیں۔انہوں نے اہل کراچی ،اہل پاکستان اور وبیرون ملک پاکستانیوں سے اپیل کی کہ وہ اپنی زکوٰ ۃ ،صدقات ،فطرہ اور عطیات الخدمت کو دیں۔
ذریعہ
ذریعہ: Jasarat News
کلیدی لفظ: اہل کراچی انہوں نے خدمت کے
پڑھیں:
کراچی: زیادتی کی شکار غیرملکی خاتون نے ملزم کو معاف کردیا
کراچی کے علاقے ڈیفنس میں زیادتی کا شکار غیر ملکی خاتون نے ملزم کو معاف کردیا۔ جوڈیشل مجسٹریٹ جنوبی ملزم کے جسمانی ریمانڈ میں چار روز کی توسیع کردی۔
کراچی میں درخشاں تھانے کی حدود میں امریکی خاتون سے زیادتی کے مقدمے کی سماعت جوڈیشل مجسٹریٹ جنوبی کی عدالت میں ہوئی پولیس نے گرفتار ملزم جیسپر عرف آدی محمود کو عدالت میں پیش کیا۔
متاثرہ خاتون نے عدالت میں زیر دفعہ 164 کا بیان ریکارڈ کروایا، متاثرہ خاتون نے ملزم کو معاف کرنے کا بیان دیا۔
پولیس کا کہنا ہے کہ مقدمہ میں ملوث ملزم آدی محمود کو گرفتار کرلیا ہے، ملزم تھانا درخشاں میں گزشتہ ڈیڑھ ماہ سے صفائی کا کام کر رہا تھا۔
خاتون نے بیان میں کہا کہ پولیس افسر نے اس کا دستخط شدہ بیان جلادیا، پولیس افسر نے کہا کہ مقدمہ درج کروائیں ورنہ ہمارے لیے مشکل ہوجائے گی۔
متاثرہ خاتون نے کہا کہ ملزم کی زندگی خراب نہیں کرنا چاہتی۔
عدالت نے متاثرہ خاتون کا بیان کیس کا حصہ بنادیا جبکہ عدالت نے ملزم جیسپر کے جسمانی ریمانڈ میں چار روز کی توسیع کردی۔
عدالت نے تفتیشی افسر کو ملزم کی عمر کے تعین سے متعلق رپورٹ پیش کرنے کی ہدایت کی۔
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا