پاک انڈس اے آئی ویک منظم، جبکہ انڈیا اے آئی سمٹ تنازعات اور بد انتظامی کی نذر
اشاعت کی تاریخ: 19th, February 2026 GMT
خطے میں منعقد ہونے والی 2 بڑی مصنوعی ذہانت کانفرنسوں کا موازنہ اس وقت زیر بحث ہے جب پاکستان میں منعقدہ ’پاک انڈس اے آئی ویک‘ کو منظم اور ہموار انتظامات پر سراہا جا رہا ہے، جبکہ دہلی میں ہونے والی انڈیااے آئی امپیکٹ سمٹ (India AI Impact Summit) کو بدانتظامی اور تنازعات کا سامنا کرنا پڑا۔
مزید پڑھیں: چینی روبوٹ کو اپنی ایجاد ظاہر کرنے پر بھارتی کمپنی کی عالمی سطح پر سُبکی
بھارت میں سمٹ کے آغاز پر طلبا کو رجسٹریشن کے باوجود داخلے سے روکے جانے، صبح 7 بجے سے قطاروں میں لگنے، گیٹس اچانک بند کیے جانے اور انٹرنیٹ سروس متاثر ہونے کی شکایات سامنے آئیں۔ سوشل میڈیا پر بھی انتظامی مسائل موضوع بحث بنے اور دوسرے روز بھارتی آئی ٹی وزیر اشونی ویشنو کو عوامی معذرت کرنا پڑی۔
India’s AI Summit or Modi PR Show
Chinese Robot Passed Off as Indian Innovation pic.
— Congress (@INCIndia) February 18, 2026
اسی دوران ایک نیا تنازع اس وقت کھڑا ہوا جب گلگوٹیاس یونیورسٹی (Galgotias University) کی پروفیسر نہا سنگھ نے چینی کمپنی Unitree Robotics کے تیار کردہ “Go2” روبو ڈاگ کو اپنی یونیورسٹی کی ایجاد قرار دیا۔ ویڈیو وائرل ہونے کے بعد سوشل میڈیا صارفین نے روبوٹ کی اصل شناخت کرلی، جس پر یونیورسٹی کو وضاحت دینا پڑی اور معاملہ سمٹ کی ساکھ پر اثر انداز ہوا۔
pic.twitter.com/6locYz5QaL
— Galgotias University (@GalgotiasGU) February 18, 2026
دوسری جانب پاکستان میں منعقدہ اے آئی ایونٹ کے دوران نہ کسی انخلا کی خبر سامنے آئی، نہ طلبا کے پھنسنے کی شکایات، نہ وائی فائی کی ناکامی اور نہ ہی عوامی معذرت کی ضرورت پیش آئی۔ سیشنز بروقت منعقد ہوئے، مندوبین کو باقاعدہ داخلہ ملا اور پالیسی مباحث ہی سرخیوں میں رہے۔
مزید پڑھیں: چینی روبوٹ کو اپنی ایجاد ظاہر کرنے پر بھارتی یونیورسٹی کو اے آئی امپیکٹ سمٹ سے باہر کر دیا گیا
تجزیہ کاروں کے مطابق جہاں بھارت کو لاجسٹکس اور تنازعات کا سامنا رہا، وہیں پاکستان نے پیچیدہ انتظامات کو مؤثر انداز میں سنبھال کر آپریشنل صلاحیت کا مظاہرہ کیا۔ مبصرین کا کہنا ہے کہ کسی بھی عالمی ٹیکنالوجی ایونٹ میں انتظامی شفافیت اور پیشہ ورانہ نظم و نسق ہی اصل کامیابی کا پیمانہ ہوتے ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
Galgotias University India AI Impact Summit Unitree Robotics انڈیا اے آئی سمٹ بھارتی آئی ٹی وزیر اشونی ویشنو پاک انڈس اے آئی ویک
ذریعہ
ذریعہ: WE News
کلیدی لفظ: انڈیا اے آئی سمٹ بھارتی آئی ٹی وزیر اشونی ویشنو پاک انڈس اے آئی ویک اے آئی
پڑھیں:
چیک ریپبلک میں فوجی ہیلی کاپٹر گر کر تباہ؛ ایک فوجی ہلاک اور 4 زخمی
چیک ریپبلک کے مشرقی حصے میں ایک فوجی ہیلی کاپٹر گر کر تباہ ہوگیا جس کے نتیجے میں ایک فوجی ہلاک جبکہ تین دیگر زخمی ہو گئے۔
عالمی خبر رساں ادارے کے مطابق چیک وزارتِ دفاع اور فوج کی جانب سے جاری بیان میں کہا گیا ہے کہ حادثہ بدھ کے روز نامیشت ناد اوسلاوو ایئر فورس بیس پر پیش آیا جو دارالحکومت پراگ سے تقریباً 180 کلومیٹر جنوب مشرق میں واقع ہے۔
حادثے کا شکار ہونے والا ہیلی کاپٹر UH-1Y Venom تھا، جس میں مجموعی طور پر 5 فوجی اہلکار سوار تھے۔ حادثے میں ایک اہلکار موقع پر ہی جان کی بازی ہار گیا جبکہ تین زخمیوں کو فوری طور پر قریبی اسپتال منتقل کیا گیا۔
مقامی میڈیا رپورٹس کے مطابق ہیلی کاپٹر معمول کی فوجی تربیتی سرگرمی کے سلسلے میں پرواز کر رہا تھا، تاہم حکام نے ابھی تک اس کی باضابطہ تصدیق نہیں کی۔ حادثے کی وجوہات جاننے کے لیے فوج نے خصوصی تحقیقاتی ٹیم تشکیل دیدی ہیں۔
چیک حکام کا کہنا ہے کہ اس بات کا جائزہ لے رہے ہیں، آیا حادثہ تکنیکی خرابی، موسمی حالات یا انسانی غلطی کے باعث پیش آیا۔ تحقیقات کے نتائج سے میڈیا کو آگاہ کیا جائے گا۔
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا