تفتان میں ایل پی جی ٹینکر دھماکا، ایک شخص جاں بحق، اسسٹنٹ کمشنر سمیت کئی زخمی
اشاعت کی تاریخ: 19th, February 2026 GMT
data-id="863a0a8" data-element_type="widget" data-e-type="widget" data-widget_type="theme-post-content.default">
بلوچستان کے سرحدی شہر تفتان میں رات گئے پیش آنے والے ایک ہولناک واقعے نے علاقے کو لرزا کر رکھ دیا، جہاں کسٹم ہاؤس کے قریب کھڑے ایل پی جی ٹینکر میں اچانک آگ بھڑک اٹھی اور بعد ازاں زور دار دھماکا ہو گیا۔
خوفناک واقعے کے نتیجے میں ایک شخص جان کی بازی ہار گیا جبکہ اسسٹنٹ کمشنر نعیم شاہوانی سمیت کم از کم 6 افراد جھلس کر زخمی ہو گئے۔
ریسکیو ذرائع کے مطابق ابتدائی اطلاعات کے مطابق ٹینکر میں گیس کے اخراج یا کسی تکنیکی خرابی کے باعث آگ لگی جو دیکھتے ہی دیکھتے شدت اختیار کر گئی۔ امدادی ٹیمیں اور ضلعی انتظامیہ موقع پر پہنچ کر آگ پر قابو پانے کی کوششوں میں مصروف تھیں کہ اسی دوران ٹینکر میں دھماکا ہو گیا۔
دھماکے کی شدت اتنی زیادہ تھی کہ اس کی آواز دور دراز علاقوں تک سنی گئی اور شعلے آسمان سے باتیں کرنے لگے۔
اطلاعات کے مطابق آگ نے تقریباً ایک درجن گوداموں کو اپنی لپیٹ میں لے لیا جبکہ قریبی رہائشی علاقے میں شدید خوف و ہراس پھیل گیا۔
ممکنہ خطرات کے پیش نظر رات گئے قریبی آبادی کو خالی کروا لیا گیا۔ زخمیوں کو فوری طور پر طبی امداد کے لیے اسپتال منتقل کیا گیا، جہاں بعض کی حالت تشویشناک بتائی جا رہی ہے اور انہیں کوئٹہ ریفر کرنے کی تیاری کی گئی۔
ریسکیو آپریشن میں ضلعی انتظامیہ، پولیس اور فرنٹیئر کور کی ٹیموں نے مشترکہ طور پر حصہ لیا۔ حکام کے مطابق آگ پر بڑی حد تک قابو پا لیا گیا ہے تاہم مکمل طور پر بجھانے اور کولنگ کے عمل میں وقت درکار ہے۔
.
ذریعہ
ذریعہ: Jasarat News
کلیدی لفظ: کے مطابق
پڑھیں:
میٹا اے آئی سمیت چیٹ بوٹس کے ذریعے سوشل میڈیا اکاؤنٹس ہیک ہونے کا خطرہ، ماہرین کی وارننگ
سائبر سیکیورٹی ماہرین نے خبردار کیا ہے کہ مصنوعی ذہانت یا اے آئی پر مبنی چیٹ بوٹس کے خلاف ایک نئے قسم کے سائبر حملے سامنے آئے ہیں جن کے ذریعے ہیکرز سوشل میڈیا اکاؤنٹس اور ذاتی معلومات تک غیر مجاز رسائی حاصل کر سکتے ہیں۔
یہ بھی پڑھیں: دنیا بھر کی اہم شخصیات کے انسٹاگرام اکاؤنٹس ہیک ہونے کا انکشاف، میٹا نے سب بتادیا
ماہرین کے مطابق جدید بڑی زبان کے ماڈلز(ایل ایل ایمز) جن میں میٹا اے آئی سمیت دیگر اے آئی چیٹ بوٹس شامل ہیں کو ایک تکنیک پرومپٹ انجیکشن‘ کے ذریعے دھوکا دیا جا سکتا ہے۔ اس طریقے میں حملہ آور چیٹ بوٹس کے حفاظتی نظام کو بائی پاس کرتے ہوئے انہیں ایسے احکامات پر عمل کرنے پر آمادہ کرتے ہیں جو عام حالات میں ممکن نہیں ہوتے۔
سائبر سیکیورٹی ماہر بروس شنائر کے مطابق ہیکرز اس مقصد کے لیے ’پرولیج ایسکلیشن‘ نامی حکمت عملی استعمال کرتے ہیں جس کے تحت اے آئی ماڈل کو ایسی فرضی شخصیت اختیار کرنے پر قائل کیا جاتا ہے جو حفاظتی قواعد کو نظر انداز کر دے یوں چیٹ بوٹ کی محدود صلاحیتیں وسیع ہو جاتی ہیں۔
رپورٹ کے مطابق حملہ آور یہ خفیہ ہدایات بظاہر بے ضرر مواد، جیسے ای میلز، ویب سائٹس یا آن لائن پیغامات میں شامل کرتے ہیں۔ اگر چیٹ بوٹ ان ہدایات کو قبول کر لے تو ہیکرز کو صارف کے منسلک اکاؤنٹس اور ڈیجیٹل سروسز تک رسائی حاصل ہو سکتی ہے۔
مزید پڑھیے: اوپن اے آئی نے ’سورا‘ ایپ لانچنگ کے چند ماہ بعد ہی اچانک کیوں بند کردی؟
ماہرین کا کہنا ہے کہ ایک بار چیٹ بوٹ کے متاثر ہونے کے بعد اسے ذاتی معلومات چرانے، حساس ڈیٹا باہر منتقل کرنے یا صارف کے اکاؤنٹس تک غیر مجاز رسائی حاصل کرنے جیسے اقدامات کے لیے استعمال کیا جا سکتا ہے۔
سائبر سیکیورٹی ماہرین نے خبردار کیا ہے کہ خطرہ اس وقت مزید بڑھ جاتا ہے جب صارفین اے آئی ٹولز کو اپنی ای میل، کیلنڈر یا دیگر ذاتی سروسز تک رسائی دے دیتے ہیں کیونکہ اس سے حملہ آوروں کے لیے نقصان دہ سرگرمیوں کے نئے راستے کھل سکتے ہیں۔
مزید پڑھیں: ’کوئی پڑھے نہ پڑھے اے آئی تو پڑھے گی‘: قدیم زمانوں کے محبت نامے، خفیہ تحریریں آشکار
ماہرین کے مطابق ہیکرز کا حتمی مقصد مالی فراڈ، شناختی معلومات کی چوری اور دیگر نقصان دہ سرگرمیوں کو انجام دینا ہوتا ہے۔ ان کا کہنا ہے کہ یہ رجحان ظاہر کرتا ہے کہ مستقبل میں مصنوعی ذہانت کی اپنی استدلالی صلاحیتیں بھی صارفین کے خلاف استعمال کی جا سکتی ہیں جس سے روایتی سائبر سیکیورٹی اقدامات کو مؤثر بنانا مزید مشکل ہو جائے گا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اے آئی مصنوعی ذہانت ہیکنگ
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ