سینیٹر مراد سعید کا استعفیٰ بے وقت کی راگنی ہے، تحریک انصاف کو پھر ورغلایا جا رہا ہے، عبدالقدیر خاموش
اشاعت کی تاریخ: 19th, February 2026 GMT
سرپرست اعلیٰ جمعیت اہل حدیث کا کہنا ہے کہ دانشمندی کا تقاضا ہے کہ پی ٹی آئی پارلیمنٹ کا حصہ رہے، چیف جسٹس از خود کارروائی کے تحت عمران خان کے ساتھ بدسلوکی ، ملاقات نہ ہونے کا نوٹس لیں۔ اسلام ٹائمز ۔ جمعیت اہل حدیث پاکستان کے سرپرست اعلیٰ اور اے آر ڈی کے سابق سیکرٹری جنرل قاضی عبدالقدیر خاموش نے کہا ہے کہ تحریک انصاف کے سینیٹر مراد سعید کا استعفیٰ بے وقت کی راگنی اور فضول اقدام ہے، لگتا ہے کہ تحریک انصاف کو پھر ورغلایا جا رہا ہے، جیسے پہلے خیبر پختونخواہ اور پنجاب اسمبلی تحلیل کر کے مشکلات پیدا کی گئی تھیں کہ اپنی آواز بلند کرنے کا پی ٹی آئی کے پاس کوئی فورم ہی موجود نہ تھا، دانش مندی اور حالات کا تقاضا ہے کہ پی ٹی آئی پارلیمنٹ کا حصہ رہے۔ انہوں نے کہا کہ استعفے کسی صورت دانشمندانہ فیصلہ نہیں ہوگا، سابق وزیر اعظم عمران خان کا علاج حکومت کی ذمہ داری ہے، اسے ہر صورت پورا کیا جانا چاہیے، اس حوالے سے ہسپتال منتقل کرنا اور طبی سہولیات دینا، اس کا استحقاق ہے اور حکومت کا فیصلہ قابل تحسین ہے۔
لاہور میں کارکنوں سے گفتگو کرتے ہوئے انہوں نے کہا علاج سے کسی بھی قیدی یا شہری کو محروم نہیں کیا جا سکتا، بانی پی ٹی آئی کو قید تنہائی میں رکھنے کا فیصلہ قابل مذمت ہے، جس کی ذمہ داری حکومت پر عائد ہوتی ہے۔ ان کا کہنا تھا عدلیہ کو بھی اپنا کردار ادا کرنا چاہیے، سپریم کورٹ کے چیف جسٹس از خود کارروائی کے تحت عمران خان کے ساتھ بدسلوکی اور ملاقات نہ ہونے کا نوٹس لیں۔
انہوں نے کہا افسوسناک بات ہے کہ عدلیہ بھی اپنا آئینی کردار حقیقی معنوں میں ادا نہیں کر رہی، عدلیہ کا حکومتی تیور دیکھ کر فیصلے کرنا انصاف کے تقاضوں کے خلاف ہے، عدلیہ کو اپنی اتھارٹی منوانی چاہیے۔
ذریعہ
ذریعہ: Islam Times
پڑھیں:
پنجاب کے وزیر تعلیم رانا سکندر حیات کا اسکولوں میں خود پڑھانے کا اعلان
لاہور : پنجاب کے وزیر تعلیم رانا سکندر حیات نے ٹیچر بننے کا اعلان کردیا۔رانا سکندر حیات نے ستمبر کے پہلے ہفتے سے انگلش اور کیمسٹری سمیت دیگر مضامین کی تدریس کا اعلان کیا۔انہوں نے کہا کہ لاہور میں ستمبر کے پہلے ہفتے سے کلاس کو پڑھاناشروع کروں گا، انگلش اور کیمسٹری میرے پسندیدہ مضمون ہیں لہٰذا ان ہی مضامین سے شروع کروں گا۔وزیر تعلیم نے کہنا ہےکہ پرائمری اسکولوں میں انگلش اور ہائی اسکولوں میں کیمسٹری سے آغاز کروں گا جب کہ انگلش اور کیمسٹری کے علاؤہ دیگرمضامین کی بھی تدریس کروں گا۔انہوں نے مزید کہا کہ ہر ہفتے کسی ایک اسکول میں بغیر پیشگی اطلاع پڑھانے جاؤں گا، اساتذہ کی عزت کرتا ہوں، استاد بن کر فخر محسوس کروں گا۔ان کا کہنا تھا کہ اس اقدام سے تعلیمی معیار کو جانچ کر تدریسی کمزوریاں دور کرنے میں مدد ملے گی۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار