پولیس اور قانون نافذ کرنیوالے ادارے عوامی اعتماد جیتیں، بنگلہ دیشی وزیر داخلہ کی ہدایت
اشاعت کی تاریخ: 19th, February 2026 GMT
بنگلہ دیش کے وزیر داخلہ صلاح الدین احمد نے پولیس اور دیگر قانون نافذ کرنے والے اداروں پر زور دیا ہے کہ وہ جلد از جلد عوام کی توقعات پر پورا اترتے ہوئے شہریوں کا اعتماد حاصل کریں۔
نومنتخب وزیر داخلہ نے یہ بات جمعرات کو بنگلہ دیش سیکریٹریٹ میں وزارت داخلہ کے تحت مختلف شعبہ جات اور اداروں کے سربراہان کے ساتھ تبادلہ خیال کے دوران کہی۔
صلاح الدین احمد نے کہا کہ تقریباً ڈیڑھ دہائی کے بعد ایک شفاف انتخاب کے ذریعے ایک سیاسی حکومت قائم ہوئی ہے، جس نے عوام کی توقعات کو بلند کر دیا ہے۔
یہ بھی پڑھیں: طارق رحمان بنگلہ دیش کے نئے وزیراعظم بن گئے، ممکنہ کابینہ کے نام بھی سامنے آگئے
انہوں نے حکومت کے انتخابی منشور پر فوری عمل درآمد اور پولیس و دیگر سیکیورٹی فورسز میں جمہوری اصلاحات کو ترجیح دینے کی ضرورت پر زور دیا۔
’ہم وزارت داخلہ کے تحت اداروں کو دوبارہ مضبوط کرنا چاہتے ہیں اور اخلاقی معیار کو بہتر بنا کر عوام کا اعتماد حاصل کرنا چاہتے ہیں۔‘
انہوں نے مزید کہا کہ یہ اہداف حاصل کرنے کے لیے ضروری عملہ بھرتی کرنا ہوگا، جس کے لیے وزارت خزانہ سے بجٹ کی منظوری لینا ضروری ہوگا۔
مزید پڑھیں: بنگلہ دیش ایئرلائنز کے چیئرمین عہدے سے فارغ، وجہ کیا بنی؟
صلاح الدین احمد نے پولیس اور دیگر قانون نافذ کرنے والے اداروں کی ترقی کے لیے جامع اور جدید کاری منصوبے کی اہمیت پر بھی زور دیا۔
انہوں نے حکام کو ہدایت کی کہ وہ اصلاحات کی ترجیحات اور موثر نفاذ کے لیے سفارشات اور تجاویز تیار کریں۔
اس اجلاس میں دلاور حسین، سیکریٹری وزارت داخلہ، انسپکٹر جنرل آف پولیس بہارالعالم، اور مختلف شعبہ جات اور اداروں کے سربراہان کے علاوہ سینیئر وزارت کے افسران بھی موجود تھے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اعتماد بنگلہ دیش سیکریٹریٹ صلاح الدین احمد وزارت داخلہ وزیر داخلہ.
ذریعہ
ذریعہ: WE News
کلیدی لفظ: بنگلہ دیش سیکریٹریٹ صلاح الدین احمد وزارت داخلہ وزیر داخلہ صلاح الدین احمد وزارت داخلہ وزیر داخلہ بنگلہ دیش کے لیے
پڑھیں:
وفاقی آئینی عدالت: پولٹری فیڈ ملز سے 4 فیصد اضافی ٹیکس کی وصولی غیرقانونی قرار
اسلام آباد (ڈیلی پاکستان آن لائن) بجٹ سے چند روز قبل ہی آئینی عدالت سے حکومت کو ریونیو کی مد میں بڑا جھٹکا، وفاقی آئینی عدالت نے پولٹری فیڈ ملز سے 4 فیصد اضافی ٹیکس کی وصولی غیرقانونی قرار دے دی۔
نجی وی چینل دنیا نیوز کے مطابق وفاقی آئینی عدالت نے غیر رجسٹرڈ پولٹری فارمز کو فیڈ سپلائی کرنے سے متعلق اہم فیصلہ جاری کر دیا۔ جسٹس عامر فاروق کی سربراہی میں دو رکنی بنچ نے فیصلہ جاری کیا۔
وفاقی آئینی عدالت نے اپنے فیصلے میں کہا کہ ٹیکس قانون کے سیکشن 31 اے میں ابہام ہے، حکومت نے غیررجسٹرڈ پولٹری فارمز کو فیڈسپلائی کرنے پر مل مالکان پر اضافی ٹیکس عائد کیا، اضافی ٹیکس سال 2024 کے فنانس ایکٹ کی مد میں وصول کیا جا رہا تھا۔
لاہور ائیرپورٹ اغواء کیس کا ڈراپ سین، غیرملکی خاتون دوست کے ساتھ رضامندی سے گئی
فیصلے میں کہا گیا کہ قانون کے مطابق پولٹری فارمز کو ٹیکس سے مستثنیٰ قرار دیا گیا ہے، قانون کے مطابق استثنی ملنے پر پولٹری فارمز رجسٹریشن کے پابند نہیں ہیں، قانون غیررجسٹرڈ پولٹری فارمز کو مکمل تحفظ فراہم کرتا ہے۔
وفاقی آئینی عدالت نے فیصلے میں مزید لکھا کہ رجسٹریشن کی قانونی پابندی نہ ہونے پر پولٹری فارمز اور فیڈ ملز کو سزا نہیں دی جا سکتی۔
وفاقی آئینی عدالت نے لاہور ہائیکورٹ کا فیصلہ کالعدم قرار دے دیا۔ لاہور ہائیکورٹ نے پولٹری فیڈ ملز سے 4 فیصد اضافی ٹیکس کی وصولی کو درست قرار دیا تھا۔ پولٹری فیڈ ملز مالکان نے اضافی ٹیکس کی وصولی کیخلاف عدالت سے رجوع کیا تھا۔
ڈیل مکمل جھوٹ ہے ، پی ٹی آئی کوئی ڈیل نہیں کررہی، عمران خان کو خاموش کروانے کے لیے قید تنہائی میں رکھاگیا ہے،علیمہ خان
مزید :
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ