پاکستانی فنکاروں کی وینٹیج ویسپا پر سعودی قیادت کی رنگین ٹرک آرٹ
اشاعت کی تاریخ: 19th, February 2026 GMT
اسلام آباد کی ایک چھوٹی ورکشاپ میں پاکستانی فنکار محمد اعجاز اللہ مغل اور غلام شبیر نے ہاتھ سے تیار شدہ وینٹیج اطالوی ویسپا اسکُوٹر پر سعودی عرب کے کنگ سلمان اور ولی عہد محمد بن سلمان کی تصویریں اور مملکت کے مشہور مقامات کی رنگین جھلکیاں پینٹ کی ہیں۔
یہ بھی پڑھیں: پشاور کی خوبصورتی دوبالا کرتا ہوا ٹرک آرٹ
یہ اسکُوٹر بعد میں سعودی عرب کے شہر الخُبَر میں ایک پاکستانی ریسٹورنٹ میں نمائش کے لیے بھیجا جائے گا۔
فنکاروں کے مطابق یہ پراجیکٹ پاکستان اور سعودی عرب کے عوامی تعلقات کی علامت ہے۔ مغل نے کہا کہ سعودی عرب میں میں اکثر پاک سعودیہ فرینڈشپ لکھ کر لوگوں کو تحفے دیتا تھا، اور وہ اردو کے نستعلیق خطوط میں لکھی بات کو عربی میں سمجھ کر گرمجوشی سے قبول کرتے تھے۔
وینٹیج ویسپا اور پاکستانی ٹرک آرٹ کا امتزاجمحمد اعجاز اللہ مغل کے مطابق وینٹیج ویسپا منتخب کرنے کی وجہ 2 روایات کو جوڑنا تھا، کلاسک اطالوی اسکُوٹر اور پاکستان کی ہاتھ سے تیار شدہ ٹرک آرٹ۔ انہوں نے کہا، ’اب اس ٹرک آرٹ کی بدولت مجھے کچھ کہنے کی ضرورت نہیں، یہ خود بولے گا،’پاک سعودیہ فرینڈشپ زندہ باد۔‘
پاکستانی ٹرک آرٹ اپنی روشن رنگوں، شعری خطاطی اور نفیس تصویروں کے لیے مشہور ہے۔ یہ ابتدائی طور پر مال برداری کی گاڑیوں پر بنایا جاتا تھا اور اب بین الاقوامی سطح پر نمائشوں اور عوامی انسٹالیشنز میں دیکھا جا رہا ہے۔
سعودی عرب میں متوقع ردعملغلام شبیر نے بتایا کہ وہ 2009 سے 2022 تک سعودی عرب میں کام کر چکے ہیں، اور توقع کرتے ہیں کہ اسکُوٹر کی نمائش پر سعودی عوام بہت متوجہ ہوں گے۔ انہوں نے کہا، وہ شاہ سلمان سے بہت محبت کرتے ہیں۔ وہ جب یہ تصویر دیکھیں گے تو یہ ان کے لیے ایک نئی طرز اور نیا کام ہوگا۔‘
ان کا کہنا ہے کہ ہر چھوٹی تفصیل جیسے درخت، پتے، جانور اور پرندے بڑے احتیاط سے بنائے گئے ہیں۔ اس اسکُوٹر کا مقصد محض فنکارانہ کمیشن نہیں بلکہ دونوں ممالک کے عوام کے درمیان دوستانہ تعلقات کو بھی مضبوط کرنا ہے۔
یہ بھی پڑھیں: موٹر سائیکل سے موبائل کوَر تک پر ٹرک آرٹ، ’ یہ ہمارا ورثہ ہے‘
انہوں نے کہا، ’وہ پاکستانیوں سے بہت محبت کرتے ہیں اور پاکستانی بھی سعودی عرب کو اپنا دوسرا گھر سمجھتے ہیں۔ خدا کرے جب یہ وہاں جائے تو لوگوں کی بڑی تعداد اسے دیکھنے آئے گی۔‘
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news پاکستان ٹرک آرٹ سعودیہ شاہ سلمان محمد بن سلمان ورکشاپ ویسپا.
ذریعہ
ذریعہ: WE News
کلیدی لفظ: پاکستان سعودیہ شاہ سلمان ورکشاپ ویسپا اسک وٹر کے لیے نے کہا
پڑھیں:
سعودی عرب کی ابراہیمی معاہدے میں شمولیت تاریخی قدم ہوگا، نیتن یاہو کا ٹرمپ کی شرط پر ردعمل
نیتن یاہو - فوٹو: فائلاسرائیلی وزیراعظم بن یامین نیتن یاہو نے امریکی صدر ڈونلڈ ٹرمپ کے سعودی عرب پر سول جوہری معاہدے کےلیے ابراہیمی معاہدے میں شمولیت کی شرط سے متعلق ردِ عمل دے دیا۔
برطانوی خبر رساں ادارے رائٹرز کی رپورٹ کے مطابق ایکس (سابقہ ٹوئٹر) پر جاری ایک بیان میں اسرائیلی وزیراعظم کا کہنا تھا کہ سعودی عرب کا ’ابراہیمی معاہدے‘ میں شامل ہونا مشرقِ وسطیٰ میں امن و سلامتی کے لیے تاریخی اور عظیم پیش رفت ہوگی۔
خیال رہے کہ نیتن یاہو کی جانب سے یہ بیان امریکی صدر ڈونلڈ ٹرمپ کے اس اعلان کے بعد سامنے آیا جس میں انہوں نے امریکہ اور سعودی عرب کے درمیان ہونے والے سول جوہری معاہدے کا ذکر کیا تھا۔
اپنے بیان میں امریکی صدر کا کہنا تھا کہ امریکی محکمہ توانائی اور سعودی عرب کے درمیان سول جوہری معاہدہ منظور کرلیا جائے گا۔
صدر ٹرمپ نے واضح طور پر یہ شرط رکھی تھی کہ امریکہ اور سعودی عرب کے درمیان یہ سول جوہری معاہدہ اسی صورت ممکن ہوگا جب سعودی عرب باضابطہ طور پر ’ابراہیمی معاہدے‘ کا حصہ بنے گا۔
تاہم یہ علم میں رہے کہ اپنے بیان میں اسرائیلی وزیراعظم نے امریکہ اور سعودی عرب کے اس سول جوہری معاہدے کا براہِ راست کوئی تذکرہ نہیں کیا۔
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا