پاکستان اور امریکا کا روزویلٹ ہوٹل سے متعلق اہم معاہدہ
اشاعت کی تاریخ: 19th, February 2026 GMT
پاکستان اور امریکا نے نیویارک میں واقع روزویلٹ ہوٹل کے مستقبل سے متعلق ایک اہم معاہدہ کر لیا ہے، جس کے تحت ہوٹل کی دیکھ بھال، مرمت اور ممکنہ ترقی کے لیے دونوں ممالک مل کر کام کریں گے۔
یہ بھی پڑھیں: نیویارک میں روز ویلٹ ہوٹل کا مستقبل کیا ہوگا؟ حکومت نے غور شروع کردیا
اس سلسلے میں دونوں حکومتوں کے درمیان مفاہمت کی یادداشت پر دستخط کیے گئے۔ امریکا کی جانب سے امریکی جنرل سروسز ایڈمنسٹریشن کے ایڈمنسٹریٹر ایڈورڈ سی فورسٹ اور پاکستان کی جانب سے وفاقی وزیر خزانہ سینیٹر محمد اورنگزیب نے معاہدے پر دستخط کیے، جبکہ وزیراعظم شہباز شریف بھی اس موقع پر موجود تھے۔
حکام کے مطابق اس معاہدے کا مقصد روزویلٹ ہوٹل کی موجودہ حالت، اس کی مرمت اور مستقبل میں بہتر استعمال کے امکانات کا جائزہ لینا ہے، تاکہ اس سے پاکستان کو زیادہ سے زیادہ مالی فائدہ حاصل ہو سکے۔
یہ بھی پڑھیں: نیویارک انتظامیہ کا پی آئی اے روز ویلٹ ہوٹل کے ساتھ معاہدہ ختم کرنے کا اعلان
معاہدے کے تحت دونوں ممالک روزویلٹ ہوٹل سے متعلق تکنیکی، تجارتی اور اقتصادی پہلوؤں کا مشترکہ جائزہ لینے کے لیے ایک باقاعدہ اور وقت مقررہ فریم ورک قائم کریں گے، جس کا مقصد شفافیت کو یقینی بنانا اور باہمی مفادات کے مطابق پیش رفت کو آگے بڑھانا ہے۔
حکام کے مطابق مین ہیٹن میں واقع روزویلٹ ہوٹل کی اہم تجارتی حیثیت اور نیویارک کے پیچیدہ بلدیاتی اور زوننگ قوانین کے پیش نظر ادارہ جاتی تعاون سے عملدرآمد کے خطرات کم ہوں گے، ریگولیٹری عمل میں وضاحت آئے گی اور اس اثاثے کی زیادہ سے زیادہ قدر حاصل کرنے میں مدد ملے گی۔
یہ بھی پڑھیں: ڈونلڈ ٹرمپ کے نامزد کردہ بھارتی نژاد وزیر کا روز ویلٹ ہوٹل سے متعلق بڑا دعویٰ، معاملہ کیا ہے؟
حکومت کا کہنا ہے کہ روزویلٹ ہوٹل نیویارک کے اہم علاقے مین ہیٹن میں واقع ہے، اس لیے اس کی ترقی سے نہ صرف پاکستان کو معاشی فائدہ ہوگا بلکہ پاکستان اور امریکا کے درمیان اقتصادی تعلقات بھی مزید مضبوط ہوں گے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news امریکا پاکستان روز ویلٹ ہوٹل معاہدہ.
ذریعہ
ذریعہ: WE News
کلیدی لفظ: امریکا پاکستان روز ویلٹ ہوٹل معاہدہ
پڑھیں:
خیبرپختونخوا میں تیز ہواؤں کے ساتھ بارش، مختلف واقعات میں 20 سے زیادہ افراد زخمی
خیبرپختونخوا کے مختلف اضلاع میں تیز ہواؤں کے ساتھ ہلکی بارش کا سلسلہ جاری ہے، جبکہ ریسکیو 1122 نے صوبے بھر میں اپنی تمام ضلعی ٹیموں کو ہائی الرٹ کردیا ہے۔
ترجمان ریسکیو 1122 بلال احمد فیضی کے مطابق خراب موسمی صورتحال کے باعث ضلع بنوں کے مختلف علاقوں میں اب تک 20 سے زیادہ افراد زخمی ہو چکے ہیں۔
زخمیوں کو فوری طبی امداد فراہم کرتے ہوئے مختلف اسپتالوں میں منتقل کر دیا گیا ہے، جہاں ان کی حالت خطرے سے باہر بتائی جاتی ہے۔
ترجمان نے بتایا کہ مردان، پشاور اور دیگر اضلاع میں بھی آندھی اور تیز ہواؤں کے باعث متعدد ایمرجنسی واقعات رپورٹ ہوئے ہیں۔
پشاور کے مختلف مقامات پر درخت گرنے کی اطلاعات موصول ہوئی ہیں، جس کے بعد ریسکیو 1122 کی امدادی ٹیمیں رکاوٹیں ہٹانے اور شہریوں کے تحفظ کو یقینی بنانے کے لیے سرگرم عمل ہیں۔
بلال احمد فیضی نے کہا کہ ریسکیو 1122 کی تمام ضلعی ٹیمیں کسی بھی ہنگامی صورتحال سے نمٹنے کے لیے تیار ہیں۔
انہوں نے شہریوں سے اپیل کی کہ کسی بھی ایمرجنسی کی صورت میں فوری طور پر ریسکیو 1122 سے رابطہ کریں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews بارش تیز ہوائیں خیبرپختونخوا زخمی وی نیوز
وزارت آئی ٹی نے 1.67 ارب روپے سے زاید کے فنڈز طلب کرلیے