افغان ناظم الامور کو طلب، پاکستان کا دہشت گردی پر سخت احتجاج
اشاعت کی تاریخ: 19th, February 2026 GMT
data-id="863a0a8" data-element_type="widget" data-e-type="widget" data-widget_type="theme-post-content.default">
اسلام آباد: پاکستان نے سرحد پار دہشت گردی کے معاملے پر سخت سفارتی اقدام اٹھاتے ہوئے افغان ناظم الامور کو دفتر خارجہ طلب کر کے باضابطہ احتجاج ریکارڈ کرایا اور افغان سرزمین پاکستان کے خلاف استعمال ہونے پر تشویش کا اظہار کیا۔
ترجمان دفتر خارجہ کے مطابق یہ قدم حالیہ دہشت گرد حملے کے تناظر میں اٹھایا گیا جس میں سکیورٹی فورسز کے اہلکار شہید ہوئے، 16 فروری کو باجوڑ میں ہونے والے حملے پر افغان حکومت کو ڈی مارش دیا گیا، جس میں واضح کیا گیا کہ اس واقعے میں 11 پاکستانی فوجی جوان شہید ہوئے اور اس حملے کی ذمہ داری کالعدم تحریک طالبان پاکستان نے قبول کی۔
دفتر خارجہ کے مطابق پاکستان نے اس بات پر گہری تشویش ظاہر کی ہے کہ ٹی ٹی پی کی قیادت افغانستان میں موجود ہے اور وہاں سے باآسانی سرگرم عمل ہے، افغان عبوری حکومت نے ماضی میں یقین دہانیاں کرائی تھیں کہ اس کی سرزمین کسی دوسرے ملک کے خلاف استعمال نہیں ہونے دی جائے گی، پاکستان کو اب تک ایسے کوئی ٹھوس اور قابلِ تصدیق اقدامات نظر نہیں آئے جو ان وعدوں کی عملی عکاسی کرتے ہوں۔
ترجمان نے زور دیا کہ افغانستان اپنی حدود میں سرگرم تمام دہشت گرد گروہوں کے خلاف مؤثر کارروائی کرے اور بین الاقوامی ذمہ داریوں کو پورا کرے، پاکستان نے واضح کیا ہے کہ وہ اپنی قومی سلامتی اور شہریوں کے تحفظ کے لیے ہر ممکن اقدام کرنے کا حق محفوظ رکھتا ہے۔
ذریعہ
ذریعہ: Jasarat News
کلیدی لفظ: پاکستان نے
پڑھیں:
اہم ٹیلیفونک رابطہ، پاکستان سعودی عرب کے ساتھ کھڑا، سہیل آفریدی پر الزام، مریم نواز اور بلاول کے ایک دوسرے پر تابڑ توڑ حملے
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news بشریٰ بی بی بلاول بھٹو زرداری پاکستان سعودی عرب سہیل آفریدی مریم نواز
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا