ساتھیوں کی فائرنگ سے لاہور میں ڈاکو ہلاک، 3 اہلکار زخمی، فیصل آباد ، 3 زخمی گرفتار
اشاعت کی تاریخ: 20th, February 2026 GMT
لاہور؍ فیصل آباد (نامہ نگار+ نمائندہ خصوصی) سی سی ڈی ڈی سٹی کوتوالی کے ساتھ مبینہ پولیس مقابلے میں ایک ڈاکو ہلاک تین اہلکار زخمی ہوگئے۔ پولیس ترجمان کا کہنا ہے کہ سی سی ڈی کی ٹیم نے ناکے پر موٹرسائیکل سوار تین افراد کو رکنے کا اشارہ کیا، جنہوں نے پولیس پر فائرنگ کر دی۔ فائرنگ کی زد میں آ کر مبشر عرف مبشری مارا گیا، جو قتل، اقدام قتل، اغوا برائے تاوان اور ڈکیتی جیسے سنگین جرائم میں ملوث تھا۔ تھانہ سٹی جڑانوالہ پولیس 30 مقدمات میں ریکارڈ یافتہ زیر حراست ڈاکو شاہد ریاض کو ریکوری کے لیے لے جا رہی تھی، تین ملزموں نے ساتھی ملزم کو چھڑانے کی کوشش، دو طرفہ فائرنگ کے دوران ملزم شاہد ریاض اپنے ہی ساتھیوں کی گولی لگنے سے زخمی ہو گیا۔ تھانہ ڈجکوٹ پولیس ٹیم نے 132 موڑ کے قریب موٹرسائیکل سوار چار مشکوک افراد کو روکنے کی کوشش کی تو انھوں نے پولیس پر فائرنگ کر دی۔ دو طرفہ فائرنگ کے دوران دو ملزم اپنے ہی ساتھیوں کی گولیاں لگنے سے زخمی ہو گئے جبکہ دو ملزم فرار ہو گئے۔ زخمی ملزموں کی شناخت نوید اور عاقب کے نام سے ہوئی ہے جو ڈکیتی و راہزنی سمیت سنگین مقدمات میں پولیس کو مطلوب تھے۔
ذریعہ
ذریعہ: Nawaiwaqt
پڑھیں:
لاہور میں وین ڈرائیور سے بدتمیزی ٹریفک وارڈن کو مہنگی پڑ گئی
لاہور میں نجی کوریئر کمپنی کی وین کے ڈرائیور سے بدتمیزی کرنے پر ٹریفک وارڈن کو معطل کر دیا گیا۔
سی ٹی او لاہور سید عبدالرحیم شیرازی نے فوری ایکشن لیتے ہوئے واقعے کی تحقیقات کے لیے ایس پی صدر کو انکوائری کا حکم دے دیا۔
ٹریفک پولیس افسر کا کہنا تھا کہ انکوائری رپورٹ کی روشنی میں مزید کارروائی ہوگی، شہریوں سے حسنِ سلوک پر کوئی سمجھوتہ نہیں کیا جائے گا۔
سی ٹی او لاہور نے ٹریفک پولیس میں نظم و ضبط اور عوامی احترام اولین ترجیح قرار دیتے ہوئے کہا کہ اختیارات کے ناجائز استعمال کی اجازت نہیں دی جائے گی، انکوائری مکمل ہونے پر حقائق عوام کے سامنے لائے جائیں گے۔
شہری کے مطابق ٹریفک وارڈن نے رکنے کا اشارہ کیا لیکن اشارہ نظر نہیں آیا، تاہم آگے جا کر رکا جس پر ٹریفک وارڈن نے گاڑی کے اندر سوار ہو کر تشدد کا نشانہ بنایا اور گالم گلوچ کی۔ موقع پر وارڈن نے آن لائن چالان بھی جمع کروایا۔
وزارت آئی ٹی نے 1.67 ارب روپے سے زاید کے فنڈز طلب کرلیے