سرمد کھوسٹ کی فلم ’لالی‘ ، پاکستان کی پہلی مکمل فیچر فلم نے عالمی سینما میں دھوم مچا دی
اشاعت کی تاریخ: 20th, February 2026 GMT
پاکستانی فلمساز اور اداکار سرمد کھوسٹ کی نئی فلم لالی کا ورلڈ پریمیئر 76ویں برلن انٹرنیشنل فلم فیسٹیول میں ہوا۔ فلمساز نے اس لمحے کو ان لوگوں کے ساتھ شیئر کیا جنہوں نے اس فلم کو حقیقت میں بدلنے میں مدد کی۔
برلن کے فیسٹیول کے پینوراما سیکشن میں دکھائی جانے والی لالی نے ایک تاریخی سنگ میل عبور کیا کیونکہ یہ فیسٹیول میں پیش ہونے والی پہلی مکمل پاکستانی فیچر فلم ہے۔ اگرچہ پہلے برلن فیسٹیول میں پاکستانی پروڈکشن فلمیں پیش کی گئی ہیں لیکن کبھی بھی کوئی ایسی فلم جو مکمل طور پر مقامی ٹیلنٹ، کہانی اور پروڈکشن پر مبنی ہو مرکزی اسٹیج پر نہیں آئی تھی۔
View this post on Instagram
A post shared by Lali (@lalibykhoosatfilms)
سوشل میڈیا پر پریمیئر کی تصاویر اور ویڈیوز نے یہ تاثر دیا کہ یہ کوئی معمولی اسکریننگ نہیں بلکہ پاکستانی آزاد فلم ساز کمیونٹی کی مشترکہ کامیابی کا جشن تھا۔ اداکار، اسسٹنٹ ڈائریکٹرز، پروڈیوسرز اور دیگرعملہ جن میں ایگزیکٹو پروڈیوسر طوبیٰ صدیقی بھی شامل تھیں ریڈ کارپٹ پر ایک ساتھ نظر آئے اور پاکستانی تخلیقی صلاحیتوں کی بھرپور نمائندگی کی۔
یہ بھی پڑھیں: ’اپنی مبارکباد واپس لے لیں، میرا نام ستارہ امتیاز کی لسٹ سے غائب ہے‘ سرمد کھوسٹ
ہالی ووڈ رپورٹر کے مطابق فلم کی کہانی زبا نامی ایک نوجوان عورت کے گرد گھومتی ہے جو سجاول سے شادی کے بعد زندگی کے نئے مرحلے میں قدم رکھتی ہے۔ سجاول ایک غیر محفوظ شخصیت کا مالک ہے جس کی فکر اور حسد جلد ہی جنون میں بدل جاتی ہے۔ مامیا شاہ جعفر نے فلم میں زیبا کا کردار ادا کیا ہے جو شوہر کی سابقہ محبتوں کے پراسرار انتقال کی وجہ سے ’بدقسمت دلہن‘ کے طور پر جانی جاتی ہے۔
پریمیئر کے موقع پر مامیا شاہ جعفر نے سوشل میڈیا پر جذباتی پیغام دیتے ہوئے کہا کہ ’شکر گزار ہونا کم ہے۔ برلن فیسٹیول کا تجربہ لاجواب اور نشہ آور ہے‘۔
یہ بھی پڑھیں: سرمد کھوسٹ کی فلم ’زندگی تماشا‘ آج یوٹیوب پر ریلیز کی جائے گی
فلم کے انتخاب کا اعلان 5 فروری کو کیا گیا تھا جبکہ فیسٹیول 12 سے 22 فروری تک جاری ہے۔ پریس اور انڈسٹری سکریننگ 14 فروری کو ہوئی اور لالی کے مزید سکریننگز فیسٹیول کے اختتامی دنوں تک جاری رہیں گی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
برلن انٹرنیشنل فلم فیسٹیول پاکستانی فلم سرمد کھوسٹ فلم لالی.
ذریعہ
ذریعہ: WE News
کلیدی لفظ: برلن انٹرنیشنل فلم فیسٹیول پاکستانی فلم سرمد کھوسٹ سرمد کھوسٹ
پڑھیں:
عالمی منڈی میں خام تیل کی قیمتیں بے قابو، فی بیرل 100 ڈالر سے متجاوز
تازہ اعداد و شمار کے مطابق برطانوی خام تیل (برینٹ) 100.56 ڈالر فی بیرل میں فروخت ہو رہا ہے، جبکہ امریکی خام تیل (ڈبلیو ٹی آئی) کی قیمت بڑھ کر 92.05 ڈالر فی بیرل تک پہنچ گئی ہے۔ اسلام ٹائمز۔ ایران پر امریکی جارحیت کے بعد عالمی توانائی منڈی میں خام تیل کی قیمتوں میں نمایاں اضافہ ریکارڈ کیا گیا، جبکہ برطانوی خام تیل 100 ڈالر فی بیرل کی سطح عبور کر گیا۔ تازہ اعداد و شمار کے مطابق برطانوی خام تیل (برینٹ) 100.56 ڈالر فی بیرل میں فروخت ہو رہا ہے، جبکہ امریکی خام تیل (ڈبلیو ٹی آئی) کی قیمت بڑھ کر 92.05 ڈالر فی بیرل تک پہنچ گئی ہے۔
دوسری جانب متحدہ عرب امارات کا مربن خام تیل 108 ڈالر فی بیرل میں فروخت ہونے لگا ہے، جو عالمی منڈی میں توانائی کی بڑھتی ہوئی بے یقینی کی عکاسی کرتا ہے۔ادھر قدرتی گیس کی قیمت بھی بڑھ کر 2.95 ڈالر فی ایم ایم بی ٹی یو (MMBtu) ہو گئی ہے، جس سے عالمی توانائی مارکیٹ میں کشیدگی کے اثرات مزید نمایاں ہو رہے ہیں۔
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا