رمضان میں بڑی خوشخبری، امہ ویلفیئر ٹرسٹ کی جانب سے کروڑوں روپے کے امدادی چیکس تقسیم
اشاعت کی تاریخ: 20th, February 2026 GMT
کراچی: امہ ویلفیئر ٹرسٹ نے رمضان افطار پروجیکٹ 2026 کے تحت 600 سے زائد مستحق مرد و خواتین میں 2 کروڑ 27 لاکھ 25 ہزار روپے مالیت کے امدادی چیکس تقسیم کر دیے۔ ہر مستحق فرد کو 37 ہزار 500 روپے کے حساب سے مالی معاونت فراہم کی گئی۔
اس کے علاوہ 100 مستحق خاندانوں کو رمضان المبارک کے لیے فوڈ پیکیجز بھی دیے گئے، جبکہ ہزاروں بیواؤں اور ضرورت مند خاندانوں میں رمضان راشن کی مرحلہ وار تقسیم کا سلسلہ جاری ہے تاکہ ماہِ صیام میں سحری اور افطار کی بنیادی ضروریات باعزت طریقے سے پوری کی جا سکیں۔
ٹرسٹ کے ترجمان کے مطابق رمضان فوڈ پیکیج میں آٹا، چاول، کوکنگ آئل، چینی، دالیں، روح افزا اور دیگر ضروری اشیائے خوردونوش شامل ہیں، جو ایک خاندان کی ایک ماہ کی ضروریات کو مدنظر رکھتے ہوئے تیار کیا گیا ہے۔ امدادی سرگرمیاں صرف کراچی تک محدود نہیں بلکہ سندھ اور بلوچستان کے دور دراز علاقوں تک بھی پھیلائی جا رہی ہیں۔
ٹرسٹ کے وائس چیئرمین حاجی عبدالرزاق بیلی نے اس موقع پر کہا کہ ادارہ بیوہ خواتین کی کفالت، یتیم بچوں کی تعلیم، علاج و معالجہ، روزگار کی فراہمی، سستا دسترخوان، سستا اسٹور اور رمضان ریلیف پروگرامز سمیت مختلف فلاحی منصوبوں پر کام کر رہا ہے۔
انہوں نے بتایا کہ ادارہ سو فیصد ڈونیشن پالیسی پر عمل کرتا ہے، جس کے تحت عطیات کی مکمل رقم براہِ راست مستحقین تک پہنچائی جاتی ہے۔
انہوں نے اہلِ خیر سے اپیل کی کہ رمضان المبارک کے بابرکت مہینے میں اس فلاحی مشن کا حصہ بنیں تاکہ زیادہ سے زیادہ ضرورت مند خاندانوں کی مدد کی جا سکے۔
.
ذریعہ
ذریعہ: Express News
پڑھیں:
کراچی: شارع فیصل پر لین کی خلاف ورزی پر پہلے روز کتنے چالان ہوئے؟
کراچی (ڈیلی پاکستان آن لائن) کراچی میں یکم جون سے شارع فیصل پر لین کی خلاف ورزی پر فیس لیس چالان کے آغاز ہوگیا اور پہلے روز 11 گیٹیگریز کی سواریوں کے فیس لیس چالان ہوئے۔
نجی ٹی وی چینل ایکسپریس نیوز کے مطابق لین کی خلاف ورزی پر پہلے دن مجموعی طور پر 96 چالان ہوئے۔
بڑی بس 2، کوسٹر 2، ڈبل کیبن 1 اور گاڑی کے 9 چالان کیے گئے جبکہ منی بس 6، منی ٹرک 3 اور سوزوکی پک اپ کے 21 چالان ہوئے۔
اسی طرح موٹر سائیکل پر 43، ٹرک 3، وین 4 اور واٹر ٹینکر پر 2 چالان ہوئے۔ رپورٹ کے مطابق تمام چالان اپنی لین سے ہٹ کر دوسری لین میں چلانے پر ہوئے، فرسٹ لین میں آہستہ چلانے پر بھی فیس لیس چالان کیا گیا۔
ایف آئی اے نے جعلی دستاویزات پر بیرون ملک جانے والی 2 خواتین کو آف لوڈ کر دیا ، 2 ایجنٹ گرفتار
مزید :
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ