استحصال کا خاتمہ اور مساوات ریاست کی ذمے داری ہے: صدر زرداری
اشاعت کی تاریخ: 20th, February 2026 GMT
صدرِ مملکت آصف زرداری نے کہا ہے کہ استحصال کا خاتمہ اور مساوات ریاست کی ذمے داری ہے۔
انہوں نے عالمی یومِ سماجی انصاف پر جاری کیے گئے پیغام میں کہا ہے کہ آئینِ پاکستان سماجی انصاف کی ضمانت دیتا ہے، کمزور طبقات کا تحفظ اولین ترجیح ہے۔
صدرِ مملکت آصف علی زرداری نے کہا ہے کہ بےنظیر انکم سپورٹ پروگرام کا بجٹ 716 ارب روپے تک پہنچ گیا ہے، 1 کروڑ گھرانوں کو مالی معاونت فراہم کی جا رہی ہے۔
کشمیری عوام کو اپنے ہی وطن میں بے اختیار بنانے کی کوشش کی جا رہی ہے: آصف زرداری
انہوں نے کہا ہے کہ صحت، تعلیم اور خوراک تک رسائی یقینی بنانے کے لیے پُرعزم ہیں، بزرگوں، خواتین، خصوصی افراد اور نوجوانوں کے لیے خصوصی اقدامات پر توجہ ہے۔
صدرِ مملکت نے کہا ہے کہ صوبائی حکومتوں کے فلاحی پروگرام وفاقی کوششوں کا حصہ ہیں۔
ان کا کہنا ہے کہ مہنگائی اور موسمیاتی تبدیلی بڑے چیلنجز ہیں، وسائل کے مؤثر استعمال اور اصلاحات کی ضرورت ہے۔
صدرِ مملکت نے مزید کہا ہے کہ سماجی انصاف پائیدار ترقی کا بنیادی ستون ہے، ہم اقوامِ متحدہ کے موضوع ’شمولیت کو بااختیار بنانا‘ کی حمایت کرتے ہیں۔
انہوں نے یہ بھی کہا ہے کہ کشمیر اور فلسطین میں بنیادی حقوق کی پامالی پر تشویش ہے، انصاف منتخب نہیں ہو سکتا، عالمی برادری کو کردار ادا کرنا ہو گا کیوں کہ منصفانہ معاشرہ ہی امن اور خوش حالی کی بنیاد ہے۔
.
ذریعہ
ذریعہ: Jang News
کلیدی لفظ: نے کہا ہے کہ
پڑھیں:
صدر زرداری کی اٹلی کے صدر ور عوام کو یومِ جمہوریہ پر مبارکباد
اسلام آباد (اُردو پوائنٹ اخبارتازہ ترین - این این آئی۔ 02 جون2026ء) صدر مملکت آصف علی زرداری نے اٹلی کے صدر سرجیو میتاریلا اور اٹلی کے عوام کو یومِ جمہوریہ پر مبارکباد دیتے ہوئے اس یقین کا اظہار کیا ہے کہ آنے والے برسوں میں پاکستان اور اٹلی کے درمیان دوطرفہ تعلقات مزید فروغ پائیں گے۔(جاری ہے)
منگل کو ایوانِ صدر کے پریس ونگ کے مطابق صدر مملکت نے اپنے تہنیتی پیغام میں کہا کہ پاکستان اٹلی کے ساتھ اپنے دیرینہ دوستانہ تعلقات کو انتہائی قدر کی نگاہ سے دیکھتا ہے جو کہ باہمی اعتماد، تعاون اور امن و خوشحالی کے لیے مشترکہ عزم پر مبنی ہیں۔
انہوں نے اس یقین کا اظہار کیا کہ آنے والے برسوں میں یہ دوطرفہ تعلقات مزید فروغ پائیں گے۔ صدر آصف علی زرداری نے کہا کہ پاکستان یورپی یونین کے ساتھ اپنے روابط کو بہت اہمیت دیتا ہے اور بین الاقوامی تعاون، مذاکرات اور امن و استحکام کے فروغ کے لیے یورپی یونین میں اٹلی کے تعمیری کردار کو انتہائی سراہتا ہے۔ انہوں نے باہمی دلچسپی کے شعبوں میں پاکستان اور یورپی یونین کے تعلقات کو مزید مستحکم کرنے کے لیے پاکستان کے عزم کا اعادہ کیا۔
وزارت آئی ٹی نے 1.67 ارب روپے سے زاید کے فنڈز طلب کرلیے