60 ارب روپے کے بجٹ جیسی فلم اے آئی کی مدد سے صرف 1 دن میں تیار، ویڈیو وائرل
اشاعت کی تاریخ: 20th, February 2026 GMT
جرمنی کی ایک اے آئی ویڈیو پروڈکشن کمپنی ’دی ڈور برادرز‘ نے ایک سائنس فکشن شارٹ فلم کا ٹریلر ریلیز کرتے ہوئے یہ دعویٰ کیا ہے کہ اس فلم کو اے آئی کی مدد سے صرف ایک دن میں تیار کیا گیا ہے۔
’دی ڈور برادرز‘ نے سوشل میڈیا ویب سائٹ ایکس پر اپنی نئی سائنس فکشن فلم کا 3 منٹ کا ٹیزر شیئر کیا ہے۔
فلم کا ٹریلر شیئر کرتے ہوئے کیپشن میں لکھا ہے کہ ہم نے 200 ملین ڈالرز یعنی تقریباً 60 ارب روپے کے بجٹ جیسی فلم کو اے آئی کی مدد سے صرف 1 دن میں تیار کر لیا ہے۔
View this post on InstagramA post shared by Dr.
اس سائنس فکشن شارٹ فلم کا ٹریلر سوشل میڈیا پر تیزی سے وائرل ہو رہا ہے اور ’دی ڈور برادرز‘ کی جانب سے کیے گئے دعوے نے ناصرف انٹرٹینمنٹ انڈسٹری میں بلکہ ہالی ووڈ کے فلم پروڈیوسرز اور ڈیجیٹل کری ایٹرز میں بھی بحث چھیڑ دی ہے۔
اس شارٹ فلم کو اسٹوڈیو نے اپنے’ڈور لیبز‘ پلیٹ فارم کے ٹولز استعمال کرتے ہوئے بنایا ہے۔
سوشل میڈیا پر وائرل اس فلم کے ٹریلر میں سنیماٹک کیمرہ موشن اور بڑے شہر کے مناظر جیسے عناصر شامل کیے گئے ہیں۔
اس طرح کے مناظر کو فلموں میں شامل کرنے کے لیے عموماً مہینوں کی محنت اور سیکڑوں ویژیول ایفیکٹس آرٹسٹس کی ضرورت ہوتی ہے۔
صارفین کی جانب سے فلم کے وائرل ویڈیو کلپ پر ملے جلے ردِعمل کا اظہار کیا جا رہا ہے۔
کچھ صارفین نے اے آئی کی مدد سے بنائی گئی ویڈیو کے حقیقت کے قریب تر ہونے پر تعریف کی ہے جبکہ کچھ صارفین نے غیر حقیقی طبیعیات، کردار کی گہرائی میں کمی اور کہانی میں جان نہ ہونے جیسے مسائل کی نشاندہی کی ہے۔
ذریعہ
ذریعہ: Daily Mumtaz
کلیدی لفظ: اے ا ئی کی مدد سے فلم کا
پڑھیں:
مومنہ اقبال کے شوہر کون، تفصیلات سامنے آگئیں
پاکستانی اداکارہ مومنہ اقبال کے شوہر حمزہ حبیب کی تفصیلات سامنے آگئی ہیں۔ پاکستان کے مقبول ڈراموں میں اداکاری کے جوہر دکھانے والی مومنہ اقبال حال ہی میں رشتہ ازدواج میں منسلک ہوئی ہیں۔ لاہور میں ان کی دعائے خیر ، مہندی ، مایوں اور نکاح کی تقریبات منعقد ہو چکی ہیں جن کی تصاویر اور ویڈیوز سوشل میڈیا پر خوب وائرل ہیں۔ میڈیا رپورٹس کے مطابق مومنہ اقبال کے دلہا حمزہ حبیب کا تعلق لاہور سے ہے، وہ کامیاب اور مالی طور پر مستحکم کاروباری شخصیت ہیں تاہم وہ ہمیشہ میڈیا کی نظروں سے دور رہے۔ حالیہ دنوں میں مومنہ اقبال کو (ن ) لیگی ایم پی اے ثاقب چدھڑ کی جانب سے مبینہ ہراسانی اور دھمکیوں کے معاملے پر حمزہ حبیب اپنی اہلیہ کی حمایت میں سامنے آنے کے بعد خبروں کا مرکز بن گئے۔ حمزہ حبیب کے مطابق ان کی اور مومنہ اقبال کی منگنی خاندانوں کی باہمی رضامندی سے ہوئی جب کہ دونوں خاندانوں کے درمیان دیرینہ دوستانہ تعلقات بھی ہیں۔ جوڑے نے مئی 2026 کے آخر میں ایک نجی تقریب میں نکاح کیا تھا۔ اس سے قبل اداکارہ مومنہ اقبال نے اپنی سوشل میڈیا سٹوری کے ذریعے انکشاف کیا تھا کہ ایک بااثر سیاسی شخصیت کی جانب سے انہیں اور ان کی فیملی کو جان سے مارنے کی دھمکیاں دی جارہی ہیں۔ جس پر نیشنل سائبر کرائم انویسٹی گیشن ایجنسی اپنی تحقیقات کررہی ہے۔
وزارت آئی ٹی نے 1.67 ارب روپے سے زاید کے فنڈز طلب کرلیے