واٹس ایپ میں صارفین کا دیرینہ مطالبہ پورا، گروپس کے لیے اہم اور کارآمد فیچر متعارف
اشاعت کی تاریخ: 20th, February 2026 GMT
data-id="863a0a8" data-element_type="widget" data-e-type="widget" data-widget_type="theme-post-content.default">
میٹا کی زیر ملکیت دنیا کی مقبول ترین میسجنگ ایپلیکیشن واٹس ایپ نے بالآخر صارفین کے طویل عرصے سے کیے جانے والے مطالبے کو عملی جامہ پہنا دیا ہے اور گروپ چیٹس کے لیے ایک نہایت اہم اور کارآمد فیچر متعارف کرا دیا ہے، جس کے تحت اب نئے شامل ہونے والے افراد بھی گروپ میں ہونے والی حالیہ گفتگو سے فوری طور پر باخبر ہو سکیں گے۔
واٹس ایپ کی جانب سے جاری کردہ تفصیلات کے مطابق اس نئے فیچر کو ’’گروپ چیٹ ہسٹری شیئرنگ‘‘ کا نام دیا گیا ہے، جس کا مقصد یہ ہے کہ کسی بھی گروپ میں شامل ہونے والے نئے ممبر کو ابتدائی مراحل میں پیش آنے والی الجھن اور لاعلمی سے بچایا جا سکے۔ اس سہولت کے ذریعے گروپ کے پرانے اور متحرک اراکین اب حالیہ پیغامات اور میڈیا فائلز نئے افراد کے ساتھ شیئر کر سکیں گے تاکہ وہ جاری گفتگو کا پس منظر سمجھ سکیں اور بغیر کسی رکاوٹ کے بات چیت میں شامل ہو جائیں۔
کمپنی کے مطابق یہ فیچر اینڈرائیڈ اور آئی او ایس دونوں صارفین کے لیے مرحلہ وار متعارف کرایا جا رہا ہے اور آئندہ چند ہفتوں میں بتدریج تمام صارفین تک پہنچ جائے گا، اس نئی سہولت کے بعد گروپ ایڈمنز کو نئے شامل ہونے والوں کو بار بار پرانے پیغامات فارورڈ کرنے کی زحمت نہیں اٹھانا پڑے گی کیونکہ یہ عمل اب خودکار انداز میں انجام دیا جا سکے گا۔
واٹس ایپ کے مطابق اب اگر کوئی فرد کسی گروپ کا حصہ بنتا ہے تو پرانے اراکین اس کے ساتھ گزشتہ 14 دنوں کے دوران ہونے والی گفتگو میں سے 25 سے 100 پیغامات تک شیئر کر سکیں گے۔ یہ آپشن مکمل طور پر صارفین کی صوابدید پر ہوگا، یعنی اگر گروپ کے منتظم یا ممبرز چاہیں تو ہی چیٹ ہسٹری شیئر کی جا سکے گی۔ اس طرح پرائیویسی کے تقاضوں کو بھی مدنظر رکھا گیا ہے اور صارفین کو مکمل کنٹرول فراہم کیا گیا ہے۔
واٹس ایپ کا کہنا ہے کہ نئے ممبرز کے ساتھ شیئر کیے جانے والے یہ پیغامات چیٹ اسکرین پر ایک مختلف رنگ میں ظاہر ہوں گے، تاکہ انہیں بآسانی پہچانا جا سکے اور یہ واضح رہے کہ یہ پیغامات پرانی گفتگو کا حصہ ہیں۔ اس کے علاوہ جب بھی چیٹ ہسٹری شیئر کی جائے گی تو گروپ کے تمام اراکین کو نوٹیفکیشن کے ذریعے آگاہ کیا جائے گا اور بتایا جائے گا کہ کس رکن نے یہ پیغامات نئے ممبر کے ساتھ شیئر کیے ہیں۔
ماہرین کے مطابق یہ نیا فیچر نہ صرف بڑے گروپس کے لیے بے حد مفید ثابت ہوگا بلکہ تعلیمی، دفتری اور پیشہ ورانہ نوعیت کے واٹس ایپ گروپس میں بھی رابطے کو مزید مؤثر بنانے میں اہم کردار ادا کرے گا۔ اس سہولت کے ذریعے نئے شامل ہونے والے افراد کو بار بار سوالات کرنے یا پس منظر جاننے کے لیے دوسروں پر انحصار نہیں کرنا پڑے گا، یوں گروپ کمیونیکیشن پہلے سے کہیں زیادہ ہموار اور منظم ہو جائے گی۔
واٹس ایپ کی جانب سے اس پیش رفت کو صارفین کے تجربے کو بہتر بنانے کی ایک بڑی کوشش قرار دیا جا رہا ہے، جو اس بات کی غمازی کرتی ہے کہ کمپنی بدلتی ہوئی ڈیجیٹل ضروریات کے مطابق اپنی سروسز میں مسلسل بہتری لا رہی ہے۔
ذریعہ
ذریعہ: Jasarat News
کلیدی لفظ: یہ پیغامات شامل ہونے واٹس ایپ کے مطابق کے ساتھ شیئر کی کے لیے جا سکے
پڑھیں:
فراری کی پہلی الیکٹرک کار متعارف، رونمائی کے فوراً بعد تنقید کا طوفان
پُرتعیش گاڑیاں بنانے والی عالمی شہرت یافتہ کمپنی فراری کی پہلی مکمل الیکٹرک گاڑی منظرِ عام پر آتے ہی شدید تنقید کی زد میں آ گئی، جس کے اثرات کمپنی کی مارکیٹ پوزیشن پر بھی نمایاں طور پر دیکھے جا رہے ہیں۔
’لُوچے‘نامی اس نئی الیکٹرک گاڑی کو معروف ڈیزائنر سر جونی آئیو کے تخلیقی وژن کے تحت تیار کیا گیا ہے۔ اطالوی زبان میں ’لُوچے‘ کا مطلب ’روشنی‘ ہے۔ تاہم، گاڑی کا ڈیزائن اور مجموعی تصور صارفین اور ناقدین کی توقعات پر پورا نہ اتر سکا۔
فراری کی تاریخ میں پہلی بار متعارف کرائی گئی پانچ نشستوں والی اس الیکٹرک گاڑی کو غیرمعمولی کارکردگی کے ساتھ پیش کیا گیا ہے۔
کمپنی کے مطابق یہ گاڑی محض ڈھائی سیکنڈ میں صفر سے 96 کلومیٹر فی گھنٹہ کی رفتار حاصل کر سکتی ہے۔ اس کی قیمت 6 لاکھ 40 ہزار ڈالر، یعنی پاکستانی کرنسی میں تقریباً 18 کروڑ روپے رکھی گئی ہے۔
گاڑی کی تقریبِ رُونمائی میں اٹلی کی اہم شخصیات سمیت ملک کے صدر اور عیسائی برادری کے روحانی پیشوا پوپ لیو کو بھی مدعو کیا گیا تھا۔ تاہم، شاندار تقریب کے باوجود مارکیٹ کا ردِعمل فراری کے لیے حوصلہ افزا ثابت نہ ہو سکا۔
رونمائی کے صرف ایک دن بعد ہی کمپنی کے شیئرز کی قیمت میں آٹھ فی صد تک کمی ریکارڈ کی گئی، جسے سرمایہ کاروں کی مایوسی اور مارکیٹ کے منفی ردِعمل کی علامت قرار دیا جا رہا ہے۔
دوسری جانب ناقدین، سرمایہ کاروں اور بعض سیاسی شخصیات نے بھی گاڑی کے ڈیزائن اور تصور پر سوالات اٹھائے ہیں، جبکہ سوشل میڈیا پر اس کے منفرد انداز کو لے کر ملا جلا ردِعمل سامنے آ رہا ہے۔
ماہرین کا کہنا ہے کہ الیکٹرک گاڑیوں کی بڑھتی ہوئی عالمی مارکیٹ میں فراری کا یہ قدم تاریخی ضرور ہے، مگر کمپنی کو روایتی اسپورٹس کار کے شوقین صارفین کو قائل کرنے کے لیے مزید محنت کرنا پڑ سکتی ہے۔
وزارت آئی ٹی نے 1.67 ارب روپے سے زاید کے فنڈز طلب کرلیے