محکمہ داخلہ پنجاب نے کالعدم و غیر رجسٹرڈ تنظیموں کی فہرست جاری کر دی
اشاعت کی تاریخ: 20th, February 2026 GMT
محکمہ داخلہ پنجاب نے کالعدم تنظیموں اور غیر رجسٹرڈ خیراتی اداروں کی تازہ فہرست جاری کرتے ہوئے شہریوں کو خبردار کیا ہے کہ انسدادِ دہشت گردی ایکٹ 1997 کے تحت کالعدم تنظیموں کو کسی بھی قسم کی مالی معاونت فراہم کرنا جرم ہے۔
یہ بھی پڑھیں: صوبے میں 8 ہزار سے زائد این جی اوز کو رجسٹر کیا جا چکا، محکمہ داخلہ پنجاب کے اجلاس میں بریفنگ
ترجمان محکمہ داخلہ کے مطابق شہری غیر رجسٹرڈ اور کالعدم خیراتی اداروں کو زکوٰۃ، خیرات اور عطیات ہرگز نہ دیں۔ دہشتگردی اور ریاست مخالف سرگرمیوں میں ملوث تنظیموں کی معاونت کرنے والے افراد قانون کے شکنجے میں آئیں گے۔
بیان میں کہا گیا ہے کہ پنجاب میں فلاحی و خیراتی اداروں کے لیے پنجاب چیریٹی کمیشن سے رجسٹریشن لازمی ہے لہٰذا شہری اپنی زکوٰۃ اور عطیات صرف کمیشن سے رجسٹرڈ اداروں کو ہی دیں۔
تمام رجسٹرڈ اداروں کی تصدیق ان کے سرٹیفکیٹ پر موجود کیو آر کوڈ کے ذریعے کی جا سکتی ہے۔ شہری اس امر کو یقینی بنائیں کہ ان کی امداد دہشتگردوں کے بجائے مستحق افراد تک پہنچ رہی ہے۔
ترجمان کے مطابق کالعدم تنظیموں میں لشکر جھنگوی، سپاہ محمد پاکستان، جیش محمد، لشکر طیبہ، سپاہ صحابہ پاکستان، تحریک جعفریہ پاکستان، القاعدہ، تحریک طالبان پاکستان، بلوچستان لبریشن آرمی، داعش، جماعت الاحرار، جماعت الدعوۃ، فلاح انسانیت فاؤنڈیشن، تحریک لبیک پاکستان سمیت دیگر تنظیمیں شامل ہیں۔ مکمل فہرست محکمہ داخلہ پنجاب اور نیشنل کاؤنٹر ٹیررازم اتھارٹی (نیکٹا) کی ویب سائٹس پر دستیاب ہے۔
مزید پڑھیے: قربانی کی کھالیں کالعدم تنظیموں کو ہرگز نہ دیں، محکمہ داخلہ پنجاب کا انتباہ
شہری کسی بھی کالعدم تنظیم کی جانب سے چندہ جمع کرنے کی اطلاع ٹال فری نمبر 0800-11111 یا ہیلپ لائن 042-99213871 پر دیں، جبکہ رجسٹرڈ اداروں کی تصدیق کے لیے پنجاب چیریٹی کمیشن کے واٹس ایپ نمبر 0313-4995564 پر 24 گھنٹے پیغام بھیجا جا سکتا ہے۔
ترجمان محکمہ داخلہ پنجاب نے عوام سے اپیل کی ہے کہ دھوکہ دہی، دہشتگردی یا ریاست مخالف سرگرمیوں میں ملوث تنظیموں کی فوری اطلاع متعلقہ حکام کو دیں اور ذمہ دار شہری ہونے کا ثبوت دیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
کالعدم تنظیمیں کالعدم خیراتی اداروں کو زکوٰۃ محکمہ داخلہ پنجاب.
ذریعہ
ذریعہ: WE News
کلیدی لفظ: کالعدم تنظیمیں کالعدم خیراتی اداروں کو زکو ۃ محکمہ داخلہ پنجاب محکمہ داخلہ پنجاب کالعدم تنظیموں خیراتی اداروں
پڑھیں:
محکمہ موسمیات نے تیزہواؤں اور گرج چمک کیساتھ بارش کی پیش گوئی کردی
اسلام آباد(ڈیلی پاکستان آن لائن)محکمہ موسمیات نے وفاقی دارالحکومت سمیت ملک کے بیشتر حصوں میں بارش کی پیش گوئی کردی۔رپورٹ کے مطابق بدھ کے روزاسلام آباد اور گردونواح میں مطلع جزوی ابر آلود رہنے کے علاوہ تیزہواؤں/آندھی چلنے اور گرج چمک کے ساتھ بارش (بعض مقامات پر تیز بارش / ژالہ باری )کی توقع ہے۔ خیبرپختونخواکے بیشتر اضلاع دیر، چترال، سوات، کوہستان، مالاکنڈ، باجوڑ، شانگلہ، بٹگرام، بونیر، کوہاٹ، بنوں، ڈیرہ اسماعیل خان، مہمند، خیبر، وزیرستان، اورکزئی، مانسہرہ، ایبٹ آباد، ہری پور، پشاور، مردان، ہنگو اور کرم میں کہیں کہیں تیز ہواؤں اور گرج چمک کےساتھ وقفے وقفے سے بارش (بعض مقامات پر موسلادھار بارش اور ژالہ باری ) کا امکان ہے۔
وفاقی بجٹ کب پیش کیا جائےگا؟ ارکان پارلیمنٹ نے بتا دیا
پنجاب کے بیشتر اضلاع راولپنڈی، مری، گلیات، اٹک، چکوال، جہلم، منڈی بہاؤالدین، گجرات، گوجرانوالہ، حافظ آباد، وزیرآباد، لاہور، شیخوپورہ، سیالکوٹ، نارووال، ساہیوال، جھنگ، ٹوبہ ٹیک سنگھ، ننکانہ صاحب، چنیوٹ، فیصل آباد، اوکاڑہ، قصور، خوشاب، سرگودھا، بھکر ، میانوالی، بہاولپور، بہاولنگر، ڈیرہ غازی خان، ملتان، خانیوال، لودھراں، مظفرگڑھ، راجن پور، رحیم یار خان اور لیہ میں کہیں کہیں تیز ہواؤں/آندھی اورگرج چمک کے ساتھ بارش (بعض مقامات پر تیز بارش اور ژالہ باری )کی توقع ہے۔بلوچستان کے بیشتر اضلاع میں موسم گرم اورخشک جبکہ جنوبی اضلاع میں شدیدگرم رہنے کی توقع۔تاہم شمال مشرقی اضلاع میں مطلع جزوی ابر آلود رہنے کے علاوہ کوئٹہ، ژوب، شیرانی، زیارت، چمن، قلعہ عبداللہ، قلعہ سیف اللہ، بارکھان ، ڈیرہ بگٹی ، نصیر آباد، کوہلو، موسیٰ خیل، خضدار اور گردونواح میں چند مقامات پر تیز ہواؤں/آندھی اورگرج چمک کے ساتھ بارش کا امکان ہے۔
بارشوں اور گلیشیئرز کے پگھلاؤ کے باعث شمالی علاقوں میں لینڈ سلائیڈنگ کا خطرہ، این ڈی ایم اے کا الرٹ جاری
سندھ کے بیشتر اضلاع میں موسم شدید گرم اور خشک رہے گا ۔ تاہم بالائی سندھ (سکھر، لاڑکانہ، جیکب آباد، دادو، گھوٹکی، کشمور، شکارپور) میں تیز ہواؤں/آندھی اورگرج چمک کے ساتھ بارش کا امکان ہے۔کشمیر اور گلگت بلتستان میں مطلع جزوی ابر آلود رہنے کے علاوہ تیز ہواؤں اور گرج چمک کے ساتھ بارش کا امکان ہے۔ آج زیادہ سے زیادہ درجہ حرارت نوکنڈی، سبی 48، دالبندین 47اور دادو میں 45 ڈگری سینٹی گریڈ ریکارڈ کیا گیا۔
مزید :
وزارت آئی ٹی نے 1.67 ارب روپے سے زاید کے فنڈز طلب کرلیے