بلوچستان اسمبلی میں صوبائی و قومی اسمبلی کی نشستیں بڑھانے کی قرارداد پیش
اشاعت کی تاریخ: 20th, February 2026 GMT
صوبائی اسمبلی کی نشستیں 85 کرنے اور قومی اسمبلی میں بلوچستان کی نشستیں 28 تک بڑھانے کی قرارداد پیش کی گئی ہے۔ اسلام ٹائمز۔ صوبہ بلوچستان کی اسمبلی میں صوبائی اسمبلی اور قومی اسمبلی کی نشستیں بڑھانے کی قرارداد پیش کی گئی ہے۔ جمعیت علماء اسلام کے رکن اسمبلی اصغر ترین کی جانب سے پیش کردہ قرارداد کے متن کے مطابق بلوچستان پاکستان کا سب سے بڑا اور وسائل سے مالامال صوبہ ہونے کے باوجود مسائل کی وجہ سے متاثرہ اور پسماندہ صوبہ ہے۔ صوبہ ملک کے کل رقبے کا 44 فیصد حصہ رکھتا ہے، اس لئے اس کی حقیقی نمائندگی میں اضافہ ناگزیر ہے۔ قرارداد میں کہا گیا ہے کہ صوبے کی اصل نمائندگی بڑھانے سے مسائل کے حل میں مدد ملے گی۔ وفاقی حکومت سے رجوع کیا جائے کہ کثیر آبادی اور وسیع رقبے کو مدنظر رکھتے ہوئے صوبائی اسمبلی کی نشستیں 65 سے بڑھا کر 85 اور قومی اسمبلی میں بلوچستان کی نشستیں 20 سے بڑھا کر 28 کرنے کے لئے اقدامات کئے جائیں۔
.
ذریعہ
ذریعہ: Islam Times
کلیدی لفظ: اسمبلی کی نشستیں قومی اسمبلی اسمبلی میں
پڑھیں:
کاوا مینز والی بال چیمپئن شپ: قومی ٹیم نے دوسرے روز بنگلا دیش کو شکست دے دی
کاوا مینز والی بال چیمپئن شپ کے دوسرے روز بھی پاکستان کا جادو سر چڑھ کر بولا، قومی ٹیم نے بنگلادیش کو کسی بھی مرحلے پر سنبھلنے کا موقع نہ دیا اور مسلسل تین سیٹ جیت کر 0-3 سے شاندار فتح اپنے نام کر لی۔
پاکستان نے آغاز سے ہی جارحانہ کھیل پیش کرتے ہوئے پہلا سیٹ 16-25 سے جیتا، دوسرے سیٹ میں بھی سبز ہلالی پرچم بلند رکھا اور 17-25 سے کامیابی سمیٹی۔
تیسرے سیٹ میں بنگلادیش نے بھرپور مزاحمت کی، مگر پاکستانی کھلاڑیوں نے اعتماد اور مہارت کا شاندار مظاہرہ کرتے ہوئے 22-25 سے فتح حاصل کی اور میچ بغیر کوئی سیٹ گنوائے تین صفر سے اپنے نام کر لیا۔
قومی ٹیم کی یہ مسلسل دوسری فتح کاوا چیمپئن شپ میں پاکستان کے مضبوط عزائم کا واضح اعلان ہے جبکہ شاندار کارکردگی نے ٹائٹل کی دوڑ میں پاکستان کو مزید مضبوط امیدوار بنا دیا۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار