پاکستان کے لائیوسٹاک کسانوں کیلئے انقلابی اقدام، پہلی جینڈر سورٹڈ اسٹرا لیب کا قیام
اشاعت کی تاریخ: 21st, February 2026 GMT
اوکاڑہ (نیوز ڈیسک) پاکستان کے لائیوسٹاک کسانوں کیلئے ایک تاریخی اور انقلابی اقدام کے تحت ملک کی پہلی جینڈر سورٹڈ اسٹرا لیب قائم کر دی گئی ہے۔ گرین کارپوریٹ لائیوسٹاک انیشیٹو (جی سی ایل آئی) کی جانب سے یہ جدید لیب ضلع اوکاڑہ میں قائم کی گئی ہے، جس کا مقصد پاکستان کے لائیوسٹاک سیکٹر کو جدید سائنسی بنیادوں پر استوار کرنا ہے۔
ذرائع کے مطابق جی سی ایل آئی پاکستان میں لائیوسٹاک شعبے کی جینیاتی بہتری، جدید بریڈنگ ٹیکنالوجی، کارپوریٹ فارمنگ اور ویلیو ایڈیشن کے ذریعے اسے ایک پائیدار اور منافع بخش صنعت میں تبدیل کرنے کیلئے عملی اقدامات کر رہا ہے۔ نئی قائم کی گئی جینڈر سورٹڈ اسٹرا لیب کے ذریعے کسانوں کو مناسب قیمت پر معیاری جینڈر سورٹڈ اسٹرا فراہم کیا جا رہا ہے۔
جینڈر سورٹڈ اسٹرا ٹیکنالوجی کی بدولت کسان مصنوعی افزائش نسل کے دوران جانور کی جنس کا انتخاب کر سکتے ہیں۔ ماہرین کے مطابق ڈیری فارمنگ میں مادہ جانوروں کی زیادہ اہمیت کے باعث یہ ٹیکنالوجی دودھ کی پیداوار میں تیزی سے اضافہ ممکن بناتی ہے، جبکہ بیف سیکٹر میں نر جانوروں کے انتخاب سے گوشت کی پیداوار میں نمایاں بہتری آتی ہے۔
واضح رہے کہ اس سے قبل پاکستان میں جینڈر سورٹڈ اسٹرا بیرون ملک سے درآمد کیا جاتا تھا جو مہنگا ہونے کے ساتھ ساتھ محدود پیمانے پر دستیاب تھا۔ جی سی ایل آئی کے اس اقدام کے بعد یہ سہولت عام کسانوں کو باآسانی میسر آ رہی ہے، جس سے لائیوسٹاک سیکٹر میں جینیاتی بہتری اور معاشی ترقی کی نئی راہیں کھل گئی ہیں۔
اعلیٰ معیار کے اسٹرا کی فراہمی کیلئے جی سی ایل آئی نے امریکہ، برازیل، آسٹریلیا اور دیگر ممالک سے اعلیٰ خصوصیات کے حامل دنیا کے نامور بریڈنگ بیل درآمد کیے ہیں۔ دودھ دینے والے جانوروں اور گوشت پیدا کرنے والے جانوروں کیلئے الگ الگ نسلوں کے جینڈر سورٹڈ اسٹرا کسانوں کو فراہم کیے جا رہے ہیں۔
کسانوں نے جی سی ایل آئی کے اس اقدام کو بھرپور انداز میں سراہتے ہوئے کہا ہے کہ اس جدید سہولت سے نہ صرف ان کی پیداوار میں اضافہ ہوگا بلکہ آمدن میں بھی نمایاں بہتری آئے گی۔ ماہرین کے مطابق یہ منصوبہ پاکستان کے لائیوسٹاک شعبے کو جدید خطوط پر استوار کرنے کی جانب ایک اہم سنگِ میل ثابت ہوگا۔
.
ذریعہ
ذریعہ: Daily Mumtaz
کلیدی لفظ: پاکستان کے لائیوسٹاک جینڈر سورٹڈ اسٹرا جی سی ایل آئی
پڑھیں:
خطے میں تنازعات کے پُرامن حل کیلئے کوششیں جاری رکھیں گے: اسحاق ڈار
اسحاق ڈار---فائل فوٹونائب وزیرِ اعظم اسحاق ڈار نے کہا ہے کہ امریکا ایران تنازع میں پاکستان کی ثالثی کوششوں کو یورپی یونین کی جانب سے سراہا گیا ہے، پاکستان خطے میں امن، سفارت کاری اور تنازعات کے پُرامن حل کے لیے اپنی کوششیں جاری رکھے گا۔
یورپی یونین کی رہنما کایا کالاس کے ساتھ مشترکہ پریس کانفرنس میں انہوں نے کہا کہ آخری یورپی یونین وزٹ 7 سال پہلے ہوا تھا، ہم پچھلے سال بھارت پاکستان جنگ اور ایران امریکا تنازع کے دوران قریبی رابطے میں رہے، آج ہم نے مشترکہ طور پر اسٹریٹیجیک مذاکرات کی صدارت کی، ہم نے پچھلے سال نومبر میں مشترکہ اسٹریٹیجیک مذاکرات کیے تھے، امریکا ایران تنازع کے دوران یورپی یونین کے تعاون کا مشکور ہوں۔
اسحاق ڈار نے کہا کہ ہم نے سیکیورٹی ایشوز اور دہشت گردی کے امور پر بھی بات کی، فتنہ الخوارج اور فتنہ الہندوستان کی افغانستان میں موجودگی پر بھی بات کی، پاکستان اور یورپی یونین کے تعلقات میں مثبت پیشرفت جاری ہے، کایا کالاس کا دورہ اس کا واضح ثبوت ہے۔
یورپی یونین کی خارجہ امور اور سیکیورٹی پالیسی کی سربراہ نے امریکا ایران تنازع کے حل کے لیے پاکستان کےثالثی اقدامات کی تعریف کر دی۔
ان کا کہنا ہے کہ پاکستان اور یورپی یونین کے درمیان آٹھواں اسٹریٹجک ڈائیلاگ اعلیٰ ترین ادارہ جاتی مکالمہ ہے، پاکستان اور یورپی یونین کے درمیان تجارت، سرمایہ کاری اور ترقیاتی تعاون کے فروغ پر اتفاق ہوا، جی ایس پی پلس فریم ورک کے تحت پاکستان اور یورپی یونین کا تجارتی تعاون دونوں فریقوں کے لیے فائدہ مند ہے، اسلام آباد میں پاکستان یورپی یونین بزنس فورم کا انعقاد دو طرفہ اقتصادی تعلقات کے فروغ میں اہم پیش رفت ہے۔
نائب وزیرِ اعظم نے کہا کہ مقبوضہ کشمیر تنازع کا حل کشمیری عوام کی خواہشات اور اقوامِ متحدہ کی قراردادوں کے مطابق ہونا چاہیے، انڈس واٹرز معاہدہ برقرار ہے، حالیہ عدالتی فیصلے نے پاکستان کے مؤقف کی تائید کی ہے، افغان سر زمین سے دہشت گرد عناصر کی پاکستان میں کارروائیاں بدستور ہماری بڑی تشویش ہیں، پاکستان اور یورپی یونین نے دو طرفہ تعلقات کو جامع اور باہمی مفاد پر مبنی شراکت داری میں تبدیل کرنے کے عزم کا اعادہ کیا ہے۔
وزارت آئی ٹی نے 1.67 ارب روپے سے زاید کے فنڈز طلب کرلیے