دبئی میں کم عمر بچے کو موٹر بائیک چلانے پر 50 ہزار درہم جرمانہ
اشاعت کی تاریخ: 21st, February 2026 GMT
دبئی (ویب ڈیسک) دبئی میں کم عمر بچے کی جانب سے سڑک پر تفریحی موٹر بائیک چلانے پر 50 ہزار درہم (تقریباً 38 لاکھ پاکستانی روپے) کا جرمانہ عائد کر دیا گیا۔
حکام کے مطابق کم عمر بچے کو الیکٹرک موٹر بائیک سڑک پر چلاتے ہوئے پایا گیا جس کے بعد پولیس نے نہ صرف جرمانہ کیا بلکہ موٹر بائیک کو بھی ضبط کر لیا۔
متعلقہ حکام کا کہنا ہے کہ اماراتی ٹریفک قوانین کے تحت کم عمر افراد کو سڑک پر موٹر بائیک یا گاڑی چلانے کی اجازت نہیں ہے اور خلاف ورزی کی صورت میں سخت قانونی کارروائی عمل میں لائی جاتی ہے۔
قوانین کے مطابق ضبط شدہ گاڑی یا بائیک کو چھڑوانے کے لیے ایک لاکھ درہم تک فیس وصول کی جا سکتی ہے، جس کا مقصد ٹریفک قوانین کی پاسداری کو یقینی بنانا اور سڑکوں پر شہریوں کی حفاظت کو برقرار رکھنا ہے۔
.
ذریعہ
ذریعہ: Daily Mumtaz
کلیدی لفظ: موٹر بائیک
پڑھیں:
کراچی، فیڈرل بی انڈسٹریل ایریا میں پولیس مقابلہ، 2 زخمی ڈاکو گرفتار، چھینی گئی موٹر سائیکل برآمد
کراچی:شہر قائد میں فیڈرل بی انڈسٹریل ایریا پولیس نے مبینہ مقابلے کے بعد زخمی سمیت 2 ڈاکوؤں کو گرفتار کر کے اسلحہ ، شہری سے اسلحہ کے زور پر چھینی گئی موٹرسائیکل اور دیگر سامان برآمد کر لیا ۔
تفصیلات کے مطابق فیڈرل بی انڈسٹریل ایریا پولیس نے راشد منہاس روڈ سہراب گوٹھ پل کے قریب سے مبینہ مقابلے کے بعد زخمی سمیت 2 ڈاکوؤں کو گرفتار کر لیا۔
زخمی حالت میں گرفتار ڈاکو کو طبی امداد کے لیے عباسی شہید اسپتال منتقل کیا گیا۔
ترجمان ایس یس پی ڈسٹرکٹ سینٹرل عمران خان کے مطابق زخمی حالت میں گرفتار ڈاکو کی شناخت شعیب ولد احسان کے نام سے کی گئی جبکہ دوسرے گرفتار ملزم نے اپنا نام رضی الدین ولد سمیع الدین بتایا۔
گرفتار ملزمان سے ایک پستول بمعہ گولیاں ، موبائل فون ، کیش رقم اور موٹرسائیکل برآمد کی گئی۔
ملزمان سے ملنے والی موٹرسائیکل 21 جولائی 2026 کو شاہراہ پاکستان سے شہری سے اسلحہ کے زور پر چھینی گئی تھی ۔
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا