بھارتی فورسز مقبوضہ کشمیر میں جنسی تشدد کو ایک جنگی ہتھیار کے طور پر استعمال کر رہی ہیں، غلام محمد صفی
اشاعت کی تاریخ: 22nd, February 2026 GMT
انہوں نے کہا کہ 22 اور 23 فروری 1991ء کی درمیانی شب کو ضلع کپواڑہ کے جڑواں دیہات کنن اور پوشپورہ میں پیش آنے والا المناک واقعہ برصغیر کی تاریخ کا وہ سیاہ ترین باب ہے جس نے انسانی ضمیر کو جھنجھوڑ کر رکھ دیا ہے۔ اسلام ٹائمز۔ کل جماعتی حریت کانفرنس کی آزاد جموں و کشمیر شاخ نے غیور کشمیری عوام کی سات دہائیوں پر محیط بے مثال جدوجہد بالخصوص 2019ء کے بعد سے بھارتی سامراج کے بڑھتے ہوئے مظالم کے خلاف دکھائی جانے والی استقامت کو زبردست خراجِ تحسین پیش کیا ہے۔ ذرائع کے مطابق کل جماعتی حریت کانفرنس کی آزاد جموں و کشمیر شاخ کے کنوینر غلام محمد صفی نے ایک بیان میں کہا کہ قابض بھارتی فورسز نے وادیِ کشمیر میں تحریک حقِ خودارادیت کو سبوتاڑ کرنے کے لیے جہاں جبر و استبداد کے تمام ہتھکنڈے آزمائے، وہیں جنسی تشدد کو ایک جنگی ہتھیار کے طور پر استعمال کر کے انسانیت کے ماتھے پر کلنک کا ٹیکہ لگایا ہے۔ انہوں نے کہا کہ 22 اور 23 فروری 1991ء کی درمیانی شب کو ضلع کپواڑہ کے جڑواں دیہات کنن اور پوشپورہ میں پیش آنے والا المناک واقعہ برصغیر کی تاریخ کا وہ سیاہ ترین باب ہے جس نے انسانی ضمیر کو جھنجھوڑ کر رکھ دیا ہے۔ اس لرزہ خیز رات کو بھارتی افواج نے لگ بھگ 100 سے زائد عفت مآب خواتین کی اجتماعی آبرو ریزی کر کے نہ صرف اخلاقیات کی تمام حدیں پار کیں بلکہ بین الاقوامی قوانین اور انسانی حقوق کے چارٹر کی دھجیاں اڑا دیں۔
انہوں نے کہا کہ اس وحشیانہ واقعے کو تین دہائیاں بیت جانے کے باوجود بھی مظلوم مائیں، بہنیں اور بیٹیاں انصاف کے حصول کے لیے در بدر ٹھوکریں کھا رہی ہیں جو نام نہاد بھارتی جمہوریت کے چہرے پر ایک بدنما داغ اور عالمی برادری کی خاموشی پر ایک بڑا سوالیہ نشان ہے۔ انہوں نے کہا کہ مقبوضہ جموں و کشمیر میں صنفِ نازک کے ساتھ یہ گھنائونا سلوک محض اتفاقی نہیں بلکہ ایک منظم ریاستی پالیسی کا حصہ ہے تاکہ کشمیریوں کے حوصلے توڑ کر انہیں اپنی جائز اور مبنی برحق جدوجہد سے دستبردار ہونے پر مجبور کیا جا سکے۔حریت رہنما نے کہا کہ قابض انتظامیہ علاقے میں آبادی کا تناسب تبدیل کرنے، کشمیریوں کے گھروں کو بلڈوز کرنے، جائیدادوں کو ضبط کرنے اور آزادی پسند طبقے کو معاشی طور پر مفلوج کرنے کے لیے ملازمتوں سے برطرف کرنے جیسے غیر آئینی اقدامات پر اتر آئی ہے جو جنیوا کنونشن کی کھلی خلاف ورزی ہے۔ انہوں نے اقوامِ متحدہ، عالمی برادری اور انسانی حقوق کے علمبرداروں سے اپیل کی کہ وہ مقبوضہ ریاست میں جاری اس انسانی المیے کا فوری نوٹس لیں، بھارت کو ان غیر انسانی اور غیر جمہوری ہتھکنڈوں سے روکیں اور کشمیری عوام کو ان کا بنیادی اور ناقابلِ تنسیخ حقِ خودارادیت دلانے کے لیے اپنی اخلاقی ذمہ داری پوری کریں تاکہ خطے میں پائیدار امن کا قیام ممکن ہو سکے۔
ذریعہ
ذریعہ: Islam Times
کلیدی لفظ: انہوں نے کہا کہ کے لیے
پڑھیں:
چیمپئنز لیگ جیتنے کی خوشی تشدد میں بدل گئی، پیرس میں جلاؤ گھیراؤ اور پولیس سے جھڑپیں
یورپی چیمپئنز لیگ میں پی ایس جی کی کامیابی کے بعد فرانس کے دارالحکومت پیرس میں جشن پرتشدد ہنگاموں میں تبدیل ہو گیا۔ مظاہرین اور پولیس کے درمیان جھڑپوں، جلاؤ گھیراؤ اور توڑ پھوڑ کے واقعات میں متعدد افراد زخمی ہوئے، جبکہ پولیس نے 400 سے زائد افراد کو حراست میں لے لیا۔
یورپی چیمپئنز لیگ کے فائنل میں پی ایس جی کی فتح کے بعد فرانس کے دارالحکومت پیرس میں جشن کا ماحول بدامنی اور تشدد میں تبدیل ہو گیا، جہاں مشتعل افراد نے جلاؤ گھیراؤ، توڑ پھوڑ اور پولیس کے ساتھ جھڑپوں کا سلسلہ شروع کر دیا۔
میڈیا رپورٹس کے مطابق شہر کے مختلف علاقوں میں مظاہرین نے بوتل بم پھینکے، متعدد دکانوں پر حملے کیے اور سڑکوں پر موجود کچرے کے ڈبوں سمیت دیگر اشیا کو آگ لگا دی۔ ہنگامہ آرائی کے دوران درجنوں گاڑیوں کو بھی نقصان پہنچایا گیا۔
مظاہرین اور پولیس کے درمیان ہونے والی جھڑپوں میں کم از کم سات پولیس اہلکار زخمی ہوئے۔ بعض شرپسند عناصر نے آتش بازی کا رخ آسمان کے بجائے پولیس اہلکاروں کی جانب کر دیا، جس کے باعث کشیدگی میں مزید اضافہ ہوا۔
فرانسیسی پولیس نے کارروائی کرتے ہوئے 400 سے زائد افراد کو گرفتار کر لیا۔ حکام کے مطابق گرفتار افراد کے قبضے سے تیزاب سے بھری بوتلیں اور دیگر خطرناک مواد بھی برآمد کیا گیا ہے۔
حکام کو پہلے ہی ممکنہ ہنگامہ آرائی کا خدشہ تھا، جس کے پیش نظر پیرس میں 22 ہزار سے زائد پولیس اہلکار تعینات کیے گئے تھے۔ اس کے باوجود شہر کے مختلف حصوں میں جلاؤ گھیراؤ اور پرتشدد واقعات کو مکمل طور پر روکنا ممکن نہ ہو سکا۔
واضح رہے کہ پیرس سینٹ جرمین (PSG) نے چیمپئنز لیگ کے فائنل میں آرسنل کو شکست دے کر ٹائٹل اپنے نام کیا، جس کے بعد ہزاروں شائقین جشن منانے کے لیے سڑکوں پر نکل آئے۔ تاہم بعض مقامات پر یہ جشن بدامنی اور تشدد میں تبدیل ہو گیا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ