علی امین گنڈاپور کیخلاف کارروائی کی باتیں من گھڑت ہیں: بیرسٹر گوہر
اشاعت کی تاریخ: 22nd, February 2026 GMT
data-id="863a0a8" data-element_type="widget" data-e-type="widget" data-widget_type="theme-post-content.default">
پاکستان تحریک انصاف کے چیئرمین بیرسٹر گوہر نے کہا ہے کہ سابق وزیر اعلیٰ خیبرپختونخوا علی امین گنڈاپور کے خلاف کسی قسم کی کارروائی کا کوئی فیصلہ نہیں کیا گیا۔
اپنے بیان میں انہوں نے واضح کیا کہ علی امین گنڈاپور سے متعلق تادیبی اقدام کی خبریں بے بنیاد ہیں اور پارٹی کی جانب سے ایسا کوئی فیصلہ زیر غور نہیں۔ ان کا کہنا تھا کہ علی امین گنڈاپور کو مشورہ دیا گیا ہے کہ جماعت اندرونی اختلافات کی متحمل نہیں ہو سکتی۔
انہوں نے مزید کہا کہ علی امین گنڈاپور نے ویڈیو پیغام میں معذرت کر کے وسعتِ قلبی کا مظاہرہ کیا اور اس وقت پارٹی کی اولین ترجیح بانی پی ٹی آئی عمران خان کی رہائی ہونی چاہیے۔
یاد رہے کہ علی امین گنڈاپور نے ایک بیان میں کہا تھا کہ عوامی مقبولیت کے باوجود عمران خان کو جیل سے رہا نہیں کروا سکے، یا تو نیت درست نہیں یا کسی کے ہاتھوں استعمال ہو رہے ہیں۔ بعد ازاں انہوں نے اپنے الفاظ پر معذرت کرتے ہوئے کہا کہ اگر ان کے غصے سے کسی کی دل آزاری ہوئی تو وہ معافی چاہتے ہیں، تاہم ان کا ردعمل جائز تھا کیونکہ ابھی تک یہ مطالبہ بھی پورا نہیں ہو سکا کہ عمران خان کو ان کا ذاتی معالج فراہم کیا جائے۔
ذریعہ
ذریعہ: Jasarat News
کلیدی لفظ: کہ علی امین گنڈاپور
پڑھیں:
کراچی، ہل پارک کے اطراف میں غیر قانونی تعمیرات کے خلاف آپریشن، پلاٹس مسمار
کراچی:شہر قائد میں ہل پارک کے اطراف پہاڑی علاقے کو کاٹ کر کی جانے والی غیرقانونی تعمیرات کے خلاف رات گئے بڑا آپریشن کیا گیا جس میں ہیوی مشینری کی مدد سے متعدد تعمیرات کو مسمار کر دیا گیا۔
میئر کراچی بیرسٹر مرتضیٰ وہاب کی ہدایت پر شروع ہونے والی اس کارروائی کے دوران متنازعہ پلاٹ پر بنی باؤنڈری وال سمیت کئی غیرقانونی ڈھانچے گرا دیے گئے۔ کارروائی ڈائریکٹر انکروچمنٹ شیر علی کی نگرانی میں محکمہ لینڈ کے عملے نے انجام دی۔
ترجمان کے ایم سی کے مطابق ہل پارک کے اطراف سے تمام غیرقانونی تعمیرات کا خاتمہ کر دیا گیا ہے اور علاقے کو تجاوزات سے مکمل طور پر صاف کر دیا گیا ہے۔
دوسری جانب میئر کراچی نے سیکریٹری وزارت ہاؤسنگ اینڈ ورکس کو خط لکھ کر پلاٹ نمبر 39 جی فور بلاک 6 کا مکمل ریکارڈ طلب کر لیا ہے۔
ذرائع کے مطابق مذکورہ پلاٹ کے حوالے سے پی ای سی ایچ ایس کی جانب سے لیز دینے کے دعوے سامنے آ رہے ہیں جس پر مزید جانچ پڑتال جاری ہے۔
انتظامیہ کا کہنا ہے کہ شہر میں غیرقانونی تعمیرات کے خلاف بلاامتیاز کارروائی جاری رہے گی تاکہ سرکاری و محفوظ علاقوں پر قبضے کی کسی بھی کوشش کو روکا جا سکے۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ