امریکی محکمہ ہوم لینڈ نے 2 اہم ایئرپورٹ سیکیورٹی پروگرامز معطل کردیے، مسافر پریشان
اشاعت کی تاریخ: 22nd, February 2026 GMT
امریکی محکمہ ہوم لینڈ سیکیورٹی نے عارضی طور پر ایئرپورٹ سیکیورٹی پروگرامز ٹی ایس اے پری چیک اور گلوبل انٹری کو معطل کردیا ہے۔
یہ پروگرام رجسٹرڈ مسافروں کو سیکیورٹی لائنز میں تیزی سے گزرنے میں مدد فراہم کرتے ہیں، اور ان کی معطلی سے مسافروں کو مشکلات کا سامنا ہو سکتا ہے۔
مزید پڑھیں: امریکا میں گرفتار خطرناک مجرموں کی فہرست جاری، 89 بھارتی شہری بھی شامل
محکمہ ہوم لینڈ سیکیورٹی کی سیکریٹری کرسٹی نوم نے بیان میں کہاکہ سرکاری بندش کے حقیقی دنیا میں سنجیدہ اثرات مرتب ہوتے ہیں۔
انہوں نے مزید کہاکہ ٹی ایس اے اور سی بی پی اپنے ہوائی اڈوں اور داخلہ مقامات پر عام مسافروں کو ترجیح دے رہے ہیں اور شائستگی یا خصوصی مراعات والے اسکورٹس کو معطل کررہے ہیں۔
جزوی سرکاری بندش 14 فروری سے جاری ہے، جب ڈیموکریٹس اور وائٹ ہاؤس ہوم لینڈ سیکیورٹی کے لیے فنڈنگ کے بل پر متفق نہیں ہو سکے۔
ڈیموکریٹس صدر ڈونلڈ ٹرمپ کی ملک بدر کرنے کی مہم کے لیے ضروری امیگریشن کارروائیوں میں تبدیلی کے مطالبات کررہے ہیں۔
ہوم لینڈ سیکیورٹی کمیٹی میں ڈیموکریٹس نے اس فیصلے پر تنقید کی اور سوشل میڈیا پر کہاکہ انتظامیہ ایسے پروگرامز کو نقصان پہنچا رہی ہے جو سفر کو آسان اور محفوظ بناتے ہیں اور جان بوجھ کر آپ کے سفر کو مشکل بنا رہی ہے۔
ایئرلائنز فار امریکا جو بڑی ایئرلائنز کی نمائندگی کرتی ہے، نے کہا کہ کانگریس کے لیے وقت آ گیا ہے کہ وہ بات چیت کرے اور ایک معاہدہ کرے۔
اس تنظیم نے خدشہ ظاہر کیا کہ مسافر عوام ایک بار پھر سیاسی کھیل کا شکار ہوں گے اور اعلان پر تنقید کرتے ہوئے کہاکہ یہ انتہائی مختصر نوٹس پر جاری کیا گیا، جس سے مسافروں کے پاس منصوبہ بندی کے لیے کم وقت رہا۔
واضح رہے کہ ٹی ایس اے پری چیک اور گلوبل انٹری دونوں امریکا میں ایئرپورٹ سیکیورٹی اور امیگریشن پروگرامز ہیں، جو مسافروں کو سیکیورٹی اور کسٹم لائنز میں تیز اور آسان رسائی فراہم کرنے کے لیے بنائے گئے ہیں۔
ٹی ایس اے پری چیک
• یہ پروگرام امریکی داخلہ کے سفر کے دوران سیکیورٹی چیک کو تیز کرتا ہے۔
• رجسٹرڈ مسافر خاص لائنز سے گزرتے ہیں، جہاں عام سیکیورٹی لائن کی نسبت وقت کم لگتا ہے۔
• اس کے تحت مسافر کو جوتے اتارنے کی ضرورت نہیں۔
• لیپ ٹاپ یا لیکوڈز بیگ سے نکالنے کی ضرورت نہیں۔
• ہلکی جیکٹ وغیرہ اتارنے کی ضرورت نہیں۔
• عام طور پر یہ پروگرام امریکا میں مقامی پروازوں کے لیے استعمال ہوتا ہے۔
گلوبل انٹری
• یہ پروگرام بین الاقوامی مسافروں کے لیے ہے جو امریکا میں داخل ہو رہے ہوں۔
• گلوبل انٹری کے تحت رجسٹرڈ مسافر کسٹم لائنز میں جلدی گزرتے ہیں اور کسٹم افسر کے ساتھ لمبی قطار میں انتظار نہیں کرنا پڑتا۔
مزید پڑھیں: امریکا میں شدید سرمائی طوفان، 10 ہزار پروازیں منسوخ، لاکھوں افراد متاثر
• اس میں ٹی ایس اے پری چیک کی سہولت بھی شامل ہو سکتی ہے، یعنی بین الاقوامی اور ملکی دونوں سفر پر تیز رسائی۔
• پروگرام میں حصہ لینے کے لیے پس منظر کی جانچ پڑتال اور انٹرویو لازمی ہوتا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
امریکی محکمہ ہوم لینڈ ایئرپورٹ سیکیورٹی پروگرامز معطل وی نیوز.
ذریعہ
ذریعہ: WE News
کلیدی لفظ: امریکی محکمہ ہوم لینڈ ایئرپورٹ سیکیورٹی پروگرامز معطل وی نیوز ایئرپورٹ سیکیورٹی ہوم لینڈ سیکیورٹی محکمہ ہوم لینڈ گلوبل انٹری یہ پروگرام مسافروں کو امریکا میں کے لیے
پڑھیں:
ٹرمپ نے سعودی عرب سے سول جوہری معاہدے کو معاہدہ ابراہیمی میں شمولیت سے مشروط کردیا
ٹرمپ نے سعودی عرب سے سول جوہری معاہدے کو معاہدہ ابراہیمی میں شمولیت سے مشروط کردیا WhatsAppFacebookX 0 23 July, 2026 سب نیوز
نیویارک (آئی پی ایس )امریکی صدر ڈونلڈ ٹرمپ نے سعودی عرب سے سول جوہری معاہدے کو معاہدہ ابراہیمی میں شمولیت سے مشروط کردیا۔اپنے سوشل میڈیا اکانٹ پر جاری بیان میں ڈونلڈ ٹرمپ کا کہنا تھا کہ امریکا کے محکمہ توانائی اور سعودی عرب کے درمیان جو سول جوہری معاہدہ طے کیا جا رہا ہے، اس میں کسی بھی قسم کی یورینیم افزودگی کی اجازت نہیں ہوگی۔
ڈونلڈ ٹرمپ کا کہنا تھا کہ یہ معاہدہ صرف پرامن اور غیر فوجی مقاصد کے لیے ہوگا، بالکل ویسا ہی جیسے ایران، متحدہ عرب امارات اور بعض دیگر ممالک کے پاس موجود سول جوہری پروگرام ہیں۔امریکی صدر نے واضح کیا کہ اس معاہدے کی منظوری دی جائے گی لیکن اس کی ایک بنیادی شرط یہ ہوگی کہ سعودی عرب باعزت، کامیاب اور نہایت قابل احترام معاہدہ ابراہیمی میں شامل ہو۔
ٹرمپ کا مزید کہنا تھا کہ امریکا کو پرامن مقاصد کے لیے قائم کیے جانے والے ایسے سول جوہری مراکز پر کوئی اعتراض نہیں، بشرطیکہ ان میں یورینیم کی افزودگی نہ کی جائے۔اسرائیلی وزیراعظم کے دفتر کی جانب سے جاری بیان میں کہا گیا ہے کہ سعودی عرب کا معاہدہ ابراہیمی میں شامل ہونا مشرق وسطی میں امن کے لیے ایک تاریخی پیش رفت ثابت ہوگا۔
ایکس پر جاری بیان میں کہا گیا کہ ایران کے خلاف امریکا اور اسرائیل کی مشترکہ فوجی کارروائی اور ایران کے حمایت یافتہ دہشت گرد نیٹ ورک کو اسرائیل کی جانب سے شدید نقصان پہنچانیکے بعد اب امن کے دائرے کو مزید وسیع کرنیکا ایک نیا موقع پیدا ہوگیا ہے۔ تاہم اسرائیلی وزیراعظم کے دفتر نے امریکا اور سعودی عرب کے درمیان ہونے والے سول جوہری معاہدیکا کوئی ذکر نہیں کیا۔
روزانہ مستند اور خصوصی خبریں حاصل کرنے کے لیے ڈیلی سب نیوز "آفیشل واٹس ایپ چینل" کو فالو کریں۔
WhatsAppFacebookX پچھلی خبرآزاد کشمیر کے شہر میرپور میں 45 روز بعد موبائل فون اور انٹرنیٹ سروس بحال ہونا شروع اگلی خبرصدر ٹرمپ کی پالیسی آنکھ کے بدلے سرکی ہے، ایران کو ہر گزرتی رات کیساتھ بھاری قیمت چکانا ہوگی: مارکو روبیو کا انتباہ پاکستان میں اسمارٹ فون کا استعمال 62 سے بڑھ کر 72 فیصد تک پہنچ گیا، وزیراعظم کو بریفنگ پاکستان کو درپیش خطرات کا باعث بننے والے دہشتگردوں اور ان کے سہولتکاروں کا ہر قیمت پر خاتمہ کیا جائے گا، فیلڈ مارشل سید... صدر ٹرمپ کی پالیسی آنکھ کے بدلے سرکی ہے، ایران کو ہر گزرتی رات کیساتھ بھاری قیمت چکانا ہوگی: مارکو روبیو کا انتباہ آزاد کشمیر کے شہر میرپور میں 45 روز بعد موبائل فون اور انٹرنیٹ سروس بحال ہونا شروع امریکا کی جانب سے ایران پر بمباری کیلئے برطانوی ائیربیس کا استعمال، پاسداران انقلاب کی برطانیہ کو سخت ردعمل کی دھمکی جدہ قونصل خانے میں اہم انتظامی تبدیلی، فرینہ ارشد نے ڈپٹی قونصل جنرل کا عہدہ سنبھال لیاCopyright © 2026, All Rights Reserved
رابطہ کریں ہماری ٹیم
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا