حکومت کا اسپینش ریزیڈنٹ کارڈ کے حصول میں مدد کرنیکا فیصلہ
اشاعت کی تاریخ: 23rd, February 2026 GMT
data-id="863a0a8" data-element_type="widget" data-e-type="widget" data-widget_type="theme-post-content.default">
260223-08-4
اسلام آباد(آن لائن) حکومت نے پاکستانیوں کیلیے اسپینش ریزیڈنٹ کارڈ کے حصول میں مکمل سپورٹ کی یقین دہانی کرائی ہے اور فیصلہ کیا گیا ہے کہ اس کارڈ کے خواہشمندافراد کے دستاویزات کی تصدیق کے عمل کو تیز کیا جائے گا تاکہ درخواست گزاروں کو مشکلات کا سامنا نہ کرنا پڑے۔ اسپینش ریزیڈنٹ کارڈ سے متعلق اعلی سطح کا خصوصی اجلاس ہواجس میں کئی اہم فیصلے کیے گئے۔ وفاقی وزیر داخلہ محسن نقوی اور وفاقی وزیر اوورسیز پاکستانیز سالک حسین نے اجلاس کی صدارت کی۔ اجلاس میں وزارت داخلہ کی جانب سے بیرون ملک مقیم پاکستانیوں کو قانونی تحفظ اور سہولتوں کی فراہمی کے عزم کا اعادہ کیا گیا۔ا سپین میں پاکستان کے سفیر ڈاکٹر ظہور احمد نے اسپینش ریزیڈنٹ کارڈ پر تفصیلی بریفنگ دی اور بتایا کہ یہ پالیسی سیاسی پناہ حاصل کرنے والوں کیلیے نہیں ہے، کریکٹر سرٹیفکیٹ اور دیگر مطلوبہ دستاویزات کی فراہمی لازمی قرار دی گئی ہے، اہل افراد کو ابتدائی طور پر ایک سال کیلیے ریذیڈنٹ کارڈ جاری کیا جائے گا۔ وزیر داخلہ محسن نقوی نے کہا کہ درخواست گزاروں کو ہر سطح پر مکمل سہولت فراہم کی جائے۔وفاقی وزیر چودھری سالک حسین نے کہا کہ ہزاروں پاکستانیوں کو لیگل اسٹیٹس ملنا خوش آئند ہے۔
ذریعہ
ذریعہ: Jasarat News
کلیدی لفظ: اسپینش ریزیڈنٹ کارڈ
پڑھیں:
اسحاق ڈار ایس سی او وزرائے خارجہ اجلاس کیلئے کرغزستان پہنچ گئے
دفتر خارجہ کے ترجمان کے مطابق نائب وزیراعظم ایس سی او وزرائے خارجہ کے غیر رسمی عشائیے میں شرکت کریں گے اور رکن ممالک کے اپنے ہم منصبوں سے باہمی دلچسپی کے امور پر تبادلہ خیال کریں گے۔ اسلام ٹائمز۔ نائب وزیراعظم اور وزیر خارجہ سینیٹر محمد اسحاق ڈار شنگھائی تعاون تنظیم (ایس سی او) کے وزرائے خارجہ کونسل کے اجلاس میں شرکت کے لیے کرغزستان کے شہر چولپون آتا پہنچ گئے۔ ترجمان دفتر خارجہ کے مطابق چولپون آتا پہنچنے پر کرغزستان کے نائب وزیر خارجہ کیرات تورسنکولوف نے نائب وزیراعظم کا استقبال کیا۔ اس موقع پر کرغزستان میں پاکستان کے سفیر التمش وزیر اور ایس سی او کے لیے قومی رابطہ کار ڈاکٹر محمد فیصل بھی موجود تھے۔ ترجمان نے بتایا کہ نائب وزیراعظم ایس سی او وزرائے خارجہ کے غیر رسمی عشائیے میں شرکت کریں گے اور رکن ممالک کے اپنے ہم منصبوں سے باہمی دلچسپی کے امور پر تبادلہ خیال کریں گے۔ دفتر خارجہ کے ترجمان کے مطابق ملاقاتوں میں کل ہونے والے ایس سی او وزرائے خارجہ کونسل کے اجلاس کے ایجنڈے پر بھی بات چیت کی جائے گی۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار