ایس سی او ملک میں مواصلاتی رابطے بہتر بنانے کیلئے سرگرم عمل
اشاعت کی تاریخ: 23rd, February 2026 GMT
اسلام آباد (نیوز ڈیسک) سپیشل کمیونیکیشنز آرگنائزیشن (ایس سی او) ملک میں مواصلاتی رابطے بہتر بنانے کے لیے سرگرمِ عمل ہے اور بالخصوص دور دراز اور پہاڑی علاقوں میں جدید سہولیات کی فراہمی کے لیے مسلسل کوششیں کر رہی ہے۔ ایس سی او کی کاوشوں سے آزاد کشمیر اور گلگت بلتستان کے عوام جدید مواصلاتی سہولیات سے مستفید ہو رہے ہیں۔
وادیٔ اشکومن کے علاقے ہاسِس میں ایس سی او کی جانب سے 4G سروس کی فراہمی نے علاقے کی تقدیر بدل دی ہے۔ مقامی افراد کا کہنا ہے کہ پہلے فری لانسنگ سے وابستہ افراد کو کام کے لیے گلگت یا راولپنڈی جانا پڑتا تھا، تاہم اب وہ اپنے ہی علاقے سے آن لائن کام کر سکتے ہیں۔
شہریوں کے مطابق بیرونِ ملک کام کرنے والے افراد بھی 4G سروس کی بدولت اپنے اہلِ خانہ سے مسلسل رابطے میں رہتے ہیں۔ مقامی لوگوں کا کہنا ہے کہ ایس سی او کا انٹرنیٹ نہ صرف تیز رفتار ہے بلکہ نیٹ ورک بھی قابلِ اعتماد ہے، جس سے وہ انتہائی مطمئن ہیں۔
علاقہ مکینوں نے بتایا کہ بہتر مواصلاتی سہولیات کے باعث آن لائن کام کے مواقع بڑھے ہیں جس سے معاشی حالات میں بھی بہتری آئی ہے۔ مقامی افراد نے مواصلات کے شعبے میں ایس سی او کی خدمات کو سراہتے ہوئے حکام کا شکریہ ادا کیا ہے اور امید ظاہر کی ہے کہ مزید علاقوں تک بھی ایسی سہولیات جلد فراہم کی جائیں گی۔
.
ذریعہ
ذریعہ: Daily Mumtaz
کلیدی لفظ: ایس سی او
پڑھیں:
کوئٹہ، سرکاری دفاتر میں ایجنٹس کیخلاف ایف آئی اے کی کارروائی، 14 افراد گرفتار
ڈائریکٹر ایف آئی اے بلوچستان کے مطابق ملزمان مبینہ طور پر برتھ سرٹیفکیٹس، قومی شناختی کارڈز، پاسپورٹس اور دیگر سرکاری دستاویزات کے حصول کیلئے غیر قانونی طریقے سے سہولت فراہم کرتے اور شہریوں سے رقوم وصول کرتے تھے۔ اسلام ٹائمز۔ وفاقی تحقیقات ادارے ایف آئی ای نے کوئٹہ شہر میں مختلف وفاقی اداروں کے مبینہ ایجنٹس کے خلاف بڑے پیمانے پر کریک ڈاؤن کرتے ہوئے 14 افراد کو گرفتار کرلیا ہے۔ ڈائریکٹر ایف آئی اے بلوچستان بہرام مندوخیل کے مطابق کارروائی کے دوران نادرا، سوئی سدرن گیس کمپنی، پاسپورٹ آفس اور میٹروپولیٹن کارپوریشن سے متعلق مبینہ ایجنٹس کو حراست میں لیا گیا ہے، جو شہریوں کو مختلف سرکاری امور میں غیر قانونی سہولت کاری فراہم کرنے میں ملوث تھے۔ انہوں نے بتایا کہ گرفتار ملزمان مبینہ طور پر برتھ سرٹیفکیٹس، قومی شناختی کارڈز، پاسپورٹس اور دیگر سرکاری دستاویزات کے حصول کے لئے غیر قانونی طریقے سے سہولت فراہم کرتے اور شہریوں سے رقوم وصول کرتے تھے۔
ڈائریکٹر ایف آئی اے نے کہا کہ گرفتار ملزمان سے تفتیش جاری ہے اور ابتدائی تحقیقات کی روشنی میں ان کے نیٹ ورک میں شامل دیگر افراد کی نشاندہی کی جا رہی ہے۔ امید ہے کہ مزید گرفتاریاں بھی عمل میں آئیں گی۔ بہرام مندوخیل نے کہا کہ ایف آئی اے سرکاری اداروں میں بدعنوانی، جعلسازی اور غیر قانونی سہولت کاری کے خاتمے کے لئے کارروائیاں جاری رکھے گی اور قانون شکنی میں ملوث عناصر کے خلاف بلاامتیاز کارروائی کی جائے گی۔
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا