مقبوضہ کشمیر میں قابض بھارتی فوج کے درندوں کے ہاتھوں المناک سانحہ کنن پوشپورہ کے 35سال مکمل
اشاعت کی تاریخ: 23rd, February 2026 GMT
اسلام آباد (نیوز ڈیسک) مقبوضہ کشمیر میں قابض بھارتی فوج کے ہاتھوں پیش آنے والے المناک سانحہ کنن پوشپورہ کو 35 سال مکمل ہو گئے، تاہم یہ تاریخ کا وہ زخم ہے جو آج تک مندمل نہیں ہو سکا۔ 22 اور 23 فروری 1991 کی تاریک درمیانی شب مقبوضہ وادی کے ضلع کپواڑہ کے علاقے کنن پوشپورہ میں عزتوں کو پامال کیا گیا اور انسانی تاریخ کا ایک سیاہ باب رقم ہوا۔
رپورٹس کے مطابق قابض بھارتی فورسز نے کنن پوشپورہ گاؤں کی سینکڑوں خواتین کو اجتماعی عصمت دری کا نشانہ بنایا۔ اس دلخراش سانحے کے عینی شاہد عثمان علی ہاشم نے بتایا کہ 22 اور 23 فروری کی درمیانی شب بھارتی فوج نے بندوق کی نوک پر مردوں کو گھروں سے نکال کر باہر جمع کیا اور نشے میں دھت فوجیوں نے علاقے کا محاصرہ کر کے خواتین پر ظلم و جبر کیا۔
عینی شاہد کے مطابق قابض بھارتی فوج نے مقبوضہ وادی کی ماؤں، بہنوں اور بیٹیوں کو اجتماعی عصمت دری کا نشانہ بنایا، مگر 35 سال گزر جانے کے باوجود ریاستی سرپرستی میں ہونے والے اس ظلم کا شکار خواتین کو انصاف نہیں مل سکا۔
ذرائع کے مطابق اس گھناؤنے واقعے کا مقصد مقامی آبادی میں خوف و ہراس پھیلانا تھا تاکہ حقِ خودارادیت اور پاکستان سے وابستگی کی آواز کو دبایا جا سکے۔ کنن پوشپورہ جیسے سانحات اس بات کا ثبوت ہیں کہ ہزاروں کشمیری نوجوان اپنے نظریے، شناخت اور پاکستان سے الحاق کی خاطر ظلم و جبر کا سامنا کرتے آ رہے ہیں۔
کشمیری خواتین نے آزادی کی خاطر بے مثال صبر اور قربانی کی داستانیں رقم کی ہیں، مگر ان کے حوصلے آج بھی بلند ہیں۔ کنن پوشپورہ کی مائیں، بہنیں اور بیٹیاں آج بھی انصاف کی منتظر ہیں، جبکہ عالمی ضمیر اس المناک سانحے پر خاموش تماشائی بنا ہوا ہے۔
.
ذریعہ
ذریعہ: Daily Mumtaz
کلیدی لفظ: قابض بھارتی کنن پوشپورہ بھارتی فوج
پڑھیں:
آزاد کشمیر میں ڈیڑھ ماہ بعد انٹرنیٹ سروس بحال ہونا شروع
فائل فوٹوآزاد کشمیر میں ڈیڑھ ماہ بعد انٹرنیٹ سروس بحال ہونا شروع ہوگئی، میرپور ڈویژن میں انٹرنیٹ سروس جزوی طور پر بحال ہوئی۔
ذرائع کا کہنا ہے کہ وفاقی حکومت کی ہدایت پر پی ٹی اے نے انٹرنیٹ سروس کی بحالی کا عمل شروع کیا، آزاد کشمیر میں 5 جون سے انٹرنیٹ سروس معطل تھی۔
آزاد کشمیر میں امن و امان کی صورتحال کے باعث انٹرنیٹ سروس بند کی گئی تھی، چئیرمین پیپلز پارٹی بلاول بھٹو زرداری نے حکومت سے انٹرنیٹ بحال کرنے کا مطالبہ کیا تھا۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار