کراچی میں فائرنگ کے واقعات میں اضافہ، 2 افراد ہلاک
اشاعت کی تاریخ: 23rd, February 2026 GMT
کراچی کے علاقے بلدیہ اتحاد ٹائون میں نامعلوم ملزمان نے فائرنگ کرکے ایک شخص کو قتل کردیا، پرانا گولیمار سے ایک شخص کی لاش ملی جسے فائرنگ کرکے قتل کیا گیا۔تفصیل کے مطابق پیرکی صبح اتحاد ٹائون تھانے کے علاقے بلدیہ میں مستانہ چوک کے قریب موٹر سائیکل سوار نامعلوم مسلح ملزمان نے موٹرسائیکل سوار افراد پرفائرنگ کردی اور موقع پر سے فرارہوگئے، فائرنگ سے موٹر سائیکل کی عقبی سیٹ پر بیٹھا شخص سرپرگولی لگنے سے موقع پرجاں بحق ہوگیا جس کی لاش قانونی کارروائی کیلئے سول اسپتال منتقل کی گئی۔ مقتول کی شناخت 35 سالہ عبدالمتین ولد حبیب اللہ کے نام سے کی گئی، مقتول کا آبائی تعلق کوہاٹ سے تھا، ایس ایچ او اتحاد ٹاون نفیس الرحمان نے بتایا کہ مقتول عبدالمتین اتحاد ٹاوں کا رہائشی اورگاڑی کی ڈینٹنگ کی دکان پرکام کرتا تھا۔ انہوں نے بتایا کہ ڈینٹنگ کی دکان کے مالک عابد نے مقتول عبدالمتین کواسکے گھر سے اٹھایا تاکہ وہ جلدی دکان کھول لیں اوررمضان کی وجہ شام میں جلد کام مکمل کرکے دکان بند کردیں، مقتول عبدالمتین دکان کے مالک عابد کے ساتھ دکان جا رہا تھا کہ عقب سے ایک 125 موٹر سائیکل سوار 2 ملزمان آئے اورانہوں نے عبدالمتین کے سرپر گولی ماری اور موقع پر سے فرارہوگئے۔ایس ایچ او نے بتایا کہ عبدالمتین سر پرگولی لگنے سے موقع پرجاں بحق ہوگیا، پانچ سے چھ سال قبل مقتول عبدالمتین اوراس کے بھائیوں کا کسی سے جھگڑا ہوا تھا اورجھگڑے کے دوران ایک شخص قتل ہوگیا تھا، مقتول عبدالمتین تین سال تک کوہاٹ جیل میں بھی رہا ہے اورگزشتہ ایک سال سے وہ کراچی اتحاد ٹاون میں رہائش پذیرتھا۔انہوں نے بتایا کہ ابتدائی تفتیش کے دوران فائرنگ کا واقعہ ذاتی دشمنی کا شاخسانہ معلوم ہوتا ہے، اس حوالے سے مزید تفتیش کی جا رہی ہے۔ادھر پاک کالونی تھانے کے علاقے پرانا گولیمارلیاری ایکسپریس وے شیریں بیکری والی گلی چرچ کے سامنے پلاٹ سے ایک شخص کی لاش ملی جسے فائرنگ کرکے قتل کیا گیا تھا، مقتول کی لاش قانونی کارروائی کیلئے سول اسپتال منتقل کی گئی جہاں مقتول کی شناخت 38 سالہ طارق ولد نورمحمد کے نام سے ہوئی۔ایس ایچ او پاک کالونی اسد الہی کے مطابق پولیس کو کسی نے 15 پر کال کرکے واقعے کی اطلاع دی تھی جس پر پولیس موقع پرپہنچی، مقتول نشے کا عادی تھا اورماضی میں منشیات فروخت بھی کرتا تھا۔
.
ذریعہ
ذریعہ: Nawaiwaqt
کلیدی لفظ: مقتول عبدالمتین نے بتایا کہ ایک شخص کی لاش
پڑھیں:
علامہ ساجد علی نقوی سے علامہ جواد نقوی کی ملاقات، شہید امت کانفرنس میں شرکت کی دعوت دی
ملاقات میں امتِ مسلمہ کے اتحاد، موجودہ حالات میں قومی و ملی ذمہ داریوں اور پروگرام کی تیاری و اہداف پر تبادلۂ خیال کیا گیا۔ مزید برآں علامہ سید جواد نقوی نے 13 جون مینارِ پاکستان ’’شہیدِ اُمت کانفرنس‘‘ میں شرکت اور تعاون کی دعوت بھی پیش کی اور اس پروگرام کو ملتِ اسلامیہ کے اتحاد، بیداری اور استقامت کا اہم ذریعہ قرار دیا۔ اسلام ٹائمز۔ تحریک بیداری امت مصطفیٰ کے سربراہ اور اتحاد امت فورم کے رہنما علامہ سید جواد نقوی نے شیعہ علماء کونسل پاکستان کے سربراہ علامہ سید ساجد علی نقوی صاحب سے ملاقات کی اور ان کی اہلیہ کے انتقال پر تعزیت و تسلیت، فاتحہ خوانی اور دعائے مغفرت کی۔ علامہ سید جواد نقوی نے علامہ سید ساجد علی نقوی کیساتھ 13 جون کو مینارِ پاکستان لاہور میں منعقد ہونے والی ’’شہیدِ اُمت کانفرنس‘‘ کے حوالے سے بھی گفتگو کی۔ ملاقات میں امتِ مسلمہ کے اتحاد، موجودہ حالات میں قومی و ملی ذمہ داریوں اور پروگرام کی تیاری و اہداف پر تبادلۂ خیال کیا گیا۔ مزید برآں علامہ سید جواد نقوی نے 13 جون مینارِ پاکستان ’’شہیدِ اُمت کانفرنس‘‘ میں شرکت اور تعاون کی دعوت بھی پیش کی اور اس پروگرام کو ملتِ اسلامیہ کے اتحاد، بیداری اور استقامت کا اہم ذریعہ قرار دیا۔
وزارت آئی ٹی نے 1.67 ارب روپے سے زاید کے فنڈز طلب کرلیے