امریکہ سے ممکنہ تصادم کے لیے عراقی مزاحمتی گروہوں کی تیاری کا اعلان
اشاعت کی تاریخ: 23rd, February 2026 GMT
روزنامہ العربی الجدید نے عراقی مزاحمتی رابطہ کمیٹی کے ایک ذمہ دار ذریعے کے حوالے سے دعویٰ کیا ہے کہ بعض مزاحمتی گروہوں نے امریکہ اور ایران کے درمیان کسی بھی ممکنہ فوجی تصادم کی صورت میں عملی شرکت کے لیے آمادگی ظاہر کر دی ہے۔ اسلام ٹائمز۔ علاقائی کشیدگی کے بڑھتے سائے میں ایک نئی پیش رفت سامنے آئی ہے۔ روزنامہ العربی الجدید نے عراقی مزاحمتی رابطہ کمیٹی کے ایک ذمہ دار ذریعے کے حوالے سے دعویٰ کیا ہے کہ بعض مزاحمتی گروہوں نے امریکہ اور ایران کے درمیان کسی بھی ممکنہ فوجی تصادم کی صورت میں عملی شرکت کے لیے آمادگی ظاہر کر دی ہے۔ رپورٹ کے مطابق یہ معاملہ محض بیانات یا میڈیا قیاس آرائیوں تک محدود نہیں رہا، بلکہ متعلقہ گروہوں کے تنظیمی ڈھانچوں کے اندر اس پر باقاعدہ مشاورت اور حکمتِ عملی کی سطح پر غور و خوض کیا گیا ہے۔ ذرائع کا کہنا ہے کہ ممکنہ جنگی منظرنامے کے حوالے سے داخلی سطح پر فیصلے بھی زیرِ بحث آ چکے ہیں۔
اطلاعات کے مطابق حالیہ ہفتوں میں رابطہ کمیٹی کے اجلاسوں اور مباحث کا مرکزی نکتہ یہی رہا ہے کہ اگر واشنگٹن اور تہران کے درمیان کشیدگی کھلی عسکری محاذ آرائی میں تبدیل ہوتی ہے تو ان گروہوں کا مؤقف کیا ہوگا اور عملی طور پر وہ کس نوعیت کا کردار ادا کریں گے۔ تجزیہ کاروں کے نزدیک یہ بیانات ایسے وقت میں سامنے آئے ہیں جب خطے میں سفارتی تناؤ، عسکری نقل و حرکت اور بیانات کی شدت میں اضافہ دیکھا جا رہا ہے۔ تاہم اس رپورٹ کی آزاد ذرائع سے تصدیق تاحال سامنے نہیں آئی، اور مختلف فریقین کی جانب سے اس حوالے سے باضابطہ ردِعمل بھی ابھی واضح نہیں۔
ذریعہ
ذریعہ: Islam Times
کلیدی لفظ: حوالے سے
پڑھیں:
فیفا نے ورلڈ کپ 2026 کی ٹیم آف دی ٹورنامنٹ کا اعلان کر دیا
فیفا نے ورلڈ کپ 2026 کے اختتام پر شاندار کارکردگی دکھانے والے کھلاڑیوں پر مشتمل ٹیم آف دی ٹورنامنٹ کا اعلان کر دیا ہے، جس میں عالمی فٹبال کے کئی نامور ستاروں کو پورے ایونٹ میں بہترین کھیل کی بنیاد پر شامل کیا گیا ہے۔
غیر ملکی خبر رساں ادارے رائٹرز کے مطابق منتخب ٹیم میں ارجنٹائن کے کپتان لیونل میسی، فرانس کے کپتان کیلیان ایمباپے اور ناروے کے اسٹار اسٹرائیکر ایرلنگ ہالینڈ کو فرنٹ لائن کا حصہ بنایا گیا ہے۔
مڈفیلڈ میں ورلڈ کپ کے گولڈن بال کے فاتح اور اسپین کے کپتان روڈری ، انگلینڈ کے جوڈ بیلنگھم اور فرانس کے مائیکل اولیسے کو جگہ دی گئی ہے، جنہوں نے پورے ٹورنامنٹ میں نمایاں کارکردگی کا مظاہرہ کیا۔
دفاعی لائن میں کیپ وردے کے گول کیپر ووزینیا کو منتخب کیا گیا ہے، جبکہ اسپین کے عالمی چیمپئن مارک کوکوریلا اور پیڈرو پورو ، فرانس کے ڈایو اوپامیکانو اور ارجنٹائن کے لیساندرو مارٹینیز بھی دفاع کا حصہ ہیں۔
فیفا کے مطابق ٹیم آف دی ٹورنامنٹ کا انتخاب کھلاڑیوں کی مجموعی کارکردگی، ٹیم پر اثراندازی اور پورے ایونٹ کے دوران مستقل بہترین کھیل کو مدنظر رکھتے ہوئے کیا گیا ہے۔
دوسری جانب فیفا نے ورلڈ کپ کے اختتام پر نئی عالمی رینکنگ بھی جاری کر دی ہے۔ نئی عالمی چیمپئن اسپین ایک درجہ ترقی کے بعد دنیا کی نمبر ایک ٹیم بن گئی، جبکہ رنر اپ ارجنٹائن ایک درجہ تنزلی کے بعد دوسرے نمبر پر چلی گئی۔
رینکنگ میں فرانس تیسرے اور انگلینڈ چوتھے نمبر پر برقرار ہیں، جبکہ برازیل اور مراکش ایک، ایک درجہ ترقی کے ساتھ بالترتیب پانچویں اور چھٹے نمبر پر پہنچ گئے ہیں۔
ادھر کرسٹیانو رونالڈو کی پرتگال دو درجے تنزلی کے بعد ساتویں نمبر پر آ گئی، جبکہ میزبان میکسیکو نے ورلڈ کپ میں عمدہ کارکردگی کی بدولت چار درجے ترقی کرکے ٹاپ ٹین میں جگہ بنا لی۔
ورلڈ کپ کے کوارٹر فائنل تک رسائی حاصل کرنے والی ناروے کی ٹیم نے بھی نمایاں پیش رفت کرتے ہوئے 12 درجے ترقی کی اور عالمی رینکنگ میں 19ویں پوزیشن حاصل کر لی۔
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا