مسجد الحرام میں وہیل چیئر خدمات کے لیے 5 ہزار 200 اہلکاروں کی تربیت مکمل
اشاعت کی تاریخ: 23rd, February 2026 GMT
مسجد الحرام اور مسجد نبویؐ کے امور کی دیکھ بھال کرنے والے سرکاری ادارے نے رمضان المبارک کے دوران مسجد الحرام میں وہیل چیئر کے ذریعے معاونت فراہم کرنے والے کارکنوں کی تربیت کے پروگرام کا پہلا مرحلہ مکمل کر لیا۔
یہ بھی پڑھیں: پاکستان، سعودی عرب سمیت اسلامی ممالک کی اسرائیل میں تعینات امریکی سفیر کے بیان کی شدید مذمت
سرکاری خبر رساں ادارے کے مطابق میرا مہمان پروگرام زائرین کو فراہم کی جانے والی سہولیات کے معیار کو بہتر بنانے اور مسجد الحرام میں عملی کارکردگی کو مؤثر بنانے کی کوششوں کا حصہ ہے۔
اس پروگرام کا مقصد جدید عملی طریقہ کار کو فروغ دینا ہے تاکہ عبادت گزاروں کے تجربے کو بہتر بنایا جا سکے، حفاظتی معیار بلند ہوں، خطرات میں کمی آئے اور رش کے دنوں میں ہجوم کو منظم انداز میں سنبھالا جا سکے۔
مزید پڑھیے: سعودی عرب نے سابق امریکی سینٹکام کمانڈر کو کنگ عبدالعزیز میڈل سے نواز دیا
پہلے مرحلے کے دوران 12 دن میں مجموعی طور پر 49 تربیتی نشستیں منعقد کی گئیں، جن میں 24 صبح اور 25 شام کے اوقات میں ہوئیں۔ ان نشستوں سے وہیل چیئر خدمات انجام دینے والے 5 ہزار 200 افراد نے استفادہ کیا۔
ادارے کے مطابق تربیت میں ابلاغی صلاحیتوں، پیشہ ورانہ طرزِ عمل اور نظم و ضبط پر خصوصی توجہ دی گئی جبکہ عملی مشق کو بھی شامل رکھا گیا تاکہ خدمات کے معیار کو مزید بہتر بنایا جا سکے۔
مزید پڑھیں: سعودی عرب: رمضان میں کھجوروں کی طلب میں اضافہ
بیان میں کہا گیا کہ یہ اقدام مسجد الحرام میں خدمات کے نظام کو مؤثر بنانے کی جانب ایک اہم پیش رفت ہے جو عبادت گزاروں کے روحانی تجربے کو بہتر بنانے اور خدمت کے جذبے کو فروغ دینے کے عزم کی عکاسی کرتا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
مسجد الحرام مسجد الحرام میں وہیل چیئر خدمات مسجد نبوی.
ذریعہ
ذریعہ: WE News
کلیدی لفظ: مسجد الحرام مسجد نبوی مسجد الحرام میں وہیل چیئر
پڑھیں:
دبئی ایئرپورٹ پر اے آئی امیگریشن سسٹم متعارف، 3.4 سیکنڈ میں کلیئرنس
دبئی: دبئی ایئرپورٹ اے آئی امیگریشن سسٹم کے ذریعے مسافروں کے لیے سفر کو مزید تیز اور آسان بنانے کی جانب ایک اہم قدم اٹھا لیا گیا ہے۔ مصنوعی ذہانت (AI) پر مبنی جدید بارڈر کنٹرول نظام کی آزمائش کامیاب رہی ہے، جس کے تحت مسافر صرف 3.4 سیکنڈ میں امیگریشن کا مرحلہ مکمل کر سکتے ہیں۔
دبئی کی جنرل ڈائریکٹوریٹ آف آئیڈینٹیٹی اینڈ فارنرز افیئرز (GDRFA) کے مطابق اس جدید نظام میں اے آئی سے لیس بایومیٹرک کیمرے بیک وقت 10 مسافروں کی شناخت کرنے کی صلاحیت رکھتے ہیں۔
بغیر پاسپورٹ دکھائے امیگریشن کلیئر
نئے سسٹم کے تحت “ریڈ کارپٹ لین” استعمال کرنے والے رجسٹرڈ مسافروں کو پاسپورٹ یا بورڈنگ پاس دکھانے کی ضرورت نہیں ہوگی۔ انہیں صرف اپنا چہرہ کھلا رکھ کر بایومیٹرک کیمرے پر موجود سبز اشارے کی طرف دیکھنا ہوگا، جس کے بعد شناخت کا عمل خودکار طور پر مکمل ہو جائے گا۔
ابتدائی مرحلے میں کن مسافروں کے لیے؟
ابتدائی طور پر اس جدید سسٹم کا آغاز دبئی ایئرپورٹ کے ٹرمینل 3 پر فرسٹ کلاس اور بزنس کلاس کے مسافروں کے لیے کیا گیا تھا، تاہم کامیاب آزمائش کے بعد اب اس سہولت کو مزید آنے والے مسافروں تک توسیع دی جا رہی ہے۔
اعداد و شمار کے مطابق 2025 کے دوران 5 لاکھ 28 ہزار سے زائد مسافروں نے دبئی کے “اسمارٹ کوریڈور” سے استفادہ کیا، جبکہ گزشتہ سال 2 کروڑ 60 لاکھ سے زیادہ مسافروں نے اسمارٹ گیٹس کے ذریعے سفر کیا۔
کن افراد کو یہ سہولت حاصل ہوگی؟
حکام کے مطابق متحدہ عرب امارات اور خلیجی ممالک کے شہری، یو اے ای کے رہائشی اور بایومیٹرک پاسپورٹ رکھنے والے ویزا آن ارائیول مسافر اس سہولت سے خودکار طور پر فائدہ اٹھا سکیں گے۔ تاہم 1.2 میٹر سے کم قد رکھنے والے بچوں کے لیے یہ نظام فی الحال دستیاب نہیں ہوگا۔
دبئی ایئرپورٹس کے چیف ایگزیکٹو پال گریفتھس کا کہنا ہے کہ اس جدید ٹیکنالوجی کا مقصد سیکیورٹی کو برقرار رکھتے ہوئے امیگریشن کے عمل کو زیادہ تیز، آسان اور مؤثر بنانا ہے۔ ان کے مطابق مستقبل میں دبئی ایئرپورٹ اے آئی امیگریشن سسٹم تمام مسافروں کے لیے دستیاب ہوگا، جس سے ہوائی سفر کا تجربہ مزید بہتر ہونے کی توقع ہے۔
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا