ایران پر دباؤ بڑھانے کی حکمت عملی، ٹرمپ کا مبینہ پلان بی حکومت کی تبدیلی پر مبنی
اشاعت کی تاریخ: 23rd, February 2026 GMT
data-id="863a0a8" data-element_type="widget" data-e-type="widget" data-widget_type="theme-post-content.default">
واشنگٹن: مشرقِ وسطیٰ کی بدلتی ہوئی صورتحال کے تناظر میں امریکا کی ایران سے متعلق پالیسی پر نئی بحث چھڑ گئی ہے اور ایک تازہ رپورٹ میں دعویٰ کیا گیا ہے کہ امریکی صدر ڈونلڈ ٹرمپ نے ایران کے خلاف مبینہ متبادل حکمت عملی یعنی پلان بی پر غور شروع کر دیا ہے، جس کا مقصد موجودہ ایرانی حکومت کو تبدیل کرنا بتایا جا رہا ہے۔
عالمی میڈیا رپورٹس کےمطابق ٹرمپ نے کہا ہے کہ اگر محدود حملوں پر مشتمل ابتدائی حکمت عملی مطلوبہ نتائج نہ دے سکی تو واشنگٹن انتظامیہ ایک وسیع فوجی مہم شروع کر سکتی ہے، اس ممکنہ کارروائی کا ہدف ایران کی اعلیٰ قیادت، بالخصوص سپریم لیڈر آیت اللہ خمینی کا کردار اور موجودہ سیاسی نظام کو ختم کرنا ہو سکتا ہے۔
ذرائع کے حوالے سے کہا گیا ہے کہ ابتدائی پلان اے کے تحت امریکا محدود نوعیت کے حملوں کے ذریعے تہران پر دباؤ ڈال کر اسے جوہری پروگرام سے متعلق امریکی مطالبات ماننے پر آمادہ کرنا چاہتا ہے، اگر ایران نے سخت مؤقف برقرار رکھا تو سال کے آخر تک زیادہ وسیع پیمانے کی فوجی کارروائی پر غور کیا جا سکتا ہے، ممکنہ ابتدائی حملوں میں پاسدارانِ انقلاب کے مراکز، فوجی کمانڈ اینڈ کنٹرول نظام، بیلسٹک میزائل تنصیبات اور حساس جوہری ڈھانچوں کو نشانہ بنایا جا سکتا ہے۔
ادھر سفارتی محاذ پر بھی سرگرمیاں جاری ہیں اور امریکا و ایران کے نمائندوں کے درمیان مذاکرات کا ایک اور دور جنیوا میں متوقع ہے۔
ذریعہ
ذریعہ: Jasarat News
پڑھیں:
پاسداران انقلاب کی برطانیہ کو امریکا کی مدد پر فوجی بیسز نشانہ بنانے کی دھمکی
ایرانی پاسداران انقلاب نے برطانیہ کو دھکمی دی ہے کہ اگر ایران پر امریکا اور اسرائیل کے حملوں میں ملوث ہوئے تو جارحیت کے استعمال ہونے والے کسی بھی بیس پر ہمارے حملے جائز ہوں گے اور برطانیہ کو اپنے ماضی کو مزید خراب نہ کرے۔
ایرانی میڈیا کی رپورٹ کے مطابق پاسداران انقلاب نے بیان میں کہا کہ برطانیہ نے ایران پر حالیہ امریکا اور اسرائیل کے حملوں میں بڑا کردار ادا کیا ہے لہٰذا ہم برطانوی حکومت جو ہمارے خطے کے لوگوں کی تقدیر خراب کرنے کی بنیادی وجہ ہے، کو تنبیہ کر رہے ہیں کہ وہ اپنے ماضی پر مزید بوجھ مت ڈالیں۔
پاسداران انقلاب نے کہا کہ امریکی بحری فورسز بحیریہ ہند میں فعال ہے مگر ان کے کروز میزائل کا ذخیرہ ختم ہوگیا ہے اور اسی لیے وہ انگلینڈ آر اے ایف فیئرفورڈ سے بی ون بمبار استعمال کرنا شروع کردیا ہے۔
بیان میں کہا گیا کہ حملہ آور امریکی فوج جنگ کے آغاز کے بعد بحر ہند میں موجود اپنے بحری جہازوں سے کروز میزائل داغنے پر انحصار کر رہی تھی مگر ان جہازوں کے میزائلوں کا ذخیرہ ختم ہونے کے بعد کل برطانیہ کے فیرفورڈ فضائی اڈے سے پرواز کرنے والے بی ون طیاروں کے استعمال پر مجبور ہو گئی ہے۔
پاسداران انقلاب نے زور دیتے ہوئے کہا کہ جیسا کہ وزارت خارجہ کے عہدیداروں نے بھی واضح کیا ہے کہ ایرانی سرزمین کے خلاف استعمال ہونے والا کوئی بھی بیس ہمارے لیے نشانہ بنانے کے جائز ہدف ہوگا۔
مزید کہا گیا کہ برطانیہ کا اسلامی ممالک کی تقسیم، ان ممالک میں بڑے پیمانے پر قتل عام، آمرانہ حکومتوں کے قیام اور سب سے بڑھ کر فلسطین پر قبضے کو منظم کرنے اور اس کی سرپرستی کرتے ہوئے اسرائیل کے قیام جیسے سانحے کو جنم دینے کا ایک سیاہ ریکارڈ ہے۔
خیال رہے کہ پاسداران انقلاب کی جانب سے برطانیہ کو دھمکی ایک ایسے وقت میں دی گئی ہے جب ایران اور امریکا کے درمیان لڑائی اپنے عروج پر ہے دونوں اطراف سے ایک دوسرے کی تنصیبات پر حملے کیے جا رہے ہیں۔
برطانیہ پہلے ہی نئے قانون کے تحت پاسداران انقلاب کو قومی سلامتی کے لیے خطرہ قرار دے چکا ہے جبکہ ایران نے اس اقدام کو جارحانہ قرار دیتے ہوئے جواب میں اسی طرح کا اقدام کرنے کا عزم ظاہر کر دیا ہے۔
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا