اب صرف جنازے نہیں اٹھائیں گے، ہر حملے کا جواب دیا جائےگا، حکومت کا دہشتگردوں کے خلاف اعلان جنگ
اشاعت کی تاریخ: 23rd, February 2026 GMT
وفاقی وزیر برائے پارلیمانی امور طارق فضل چوہدری نے افغانستان میں حالیہ کارروائیوں کے حوالے سے حکومت کا مؤقف واضح کرتے ہوئے کہا ہے کہ پاکستان اب صرف لاشیں نہیں اٹھائے گا بلکہ ہر حملے کا بھرپور جواب دیا جائے گا اور ایک ایک شہید کے خون کا بدلہ لیا جائے گا۔
مزید پڑھیں: ڈیرہ اسماعیل خان، سیکیورٹی فورسز کی کارروائی، بھارتی حمایت یافتہ 4 دہشتگرد ہلاک
سینیٹ اجلاس میں خطاب کرتے ہوئے طارق فضل چوہدری نے کہاکہ پاکستان نے افغانستان کے 3 صوبوں میں مختلف مقامات کو نشانہ بنایا، جس کے پیچھے واضح پس منظر موجود ہے۔
ان کا کہنا تھا کہ بار بار افغانستان کو سرحد پار سے ہونے والی دراندازی کے بارے میں آگاہ کیا گیا، تاہم دہشتگردی کے واقعات جاری رہے۔
وفاقی وزیر نے کہاکہ افغانستان میں دہشتگردوں کی پناہ گاہیں اور تربیتی مراکز موجود ہیں، اور افغان حکومت نے طالبان کو سرحد پار دھکیلنے کے لیے پاکستان سے 10 ارب روپے طلب کیے، جس کے بدلے پاکستان نے کہاکہ وہ رقم دینے کو تیار ہے بشرطیکہ پاکستان میں مداخلت نہ ہو۔
انہوں نے مزید کہاکہ پاکستان نے افغانستان کے 3 صوبوں میں کارروائی کرتے ہوئے دہشتگرد ٹھکانوں کو نشانہ بنایا۔ ان کے مطابق ترلائی، بنوں اور باجوڑ میں ہونے والے حملوں کے پسِ منظر میں افغانستان کے عناصر شامل ہیں، اور دہشتگردی کا دائرہ کار پورے ملک میں پھیلا ہوا ہے۔
طارق فضل چوہدری نے کہاکہ پاکستان امن پسند ملک ہے لیکن ملکی سلامتی پر کوئی سمجھوتہ نہیں ہوگا۔
وفاقی وزیر کے مطابق پاکستان کی فضائیہ نے انٹیلی جنس معلومات کی بنیاد پر کارروائیاں کیں اور قریباً 100 دہشتگرد مارے گئے۔ ان کارروائیوں کا مقصد دہشت گرد ٹھکانوں کو ختم کرنا اور ملکی دفاع کو مضبوط کرنا تھا۔
مزید پڑھیں: افغانستان میں دہشتگردوں کے 7 ٹھکانوں پر کارروائی میں 70 دہشتگرد ہلاک ہوئے، طلال چوہدری
واضح رہے کہ گزشتہ روز پاکستان نے افغانستان میں دہشتگرد مراکز پر جوابی کارروائی کرتے ہوئے ننگرہار، پکتیکا اور خوست کے 3 صوبوں میں فتنہ الخوارج اور کالعدم تحریک طالبان پاکستان کے 7 مراکز کو نشانہ بنایا، جس کے نتیجے میں متعدد دہشتگرد ہلاک ہوئے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews دہشتگرد دہشتگردی طارق فضل چوہدری وفاقی وزیر وی نیوز.
ذریعہ
ذریعہ: WE News
کلیدی لفظ: دہشتگرد دہشتگردی طارق فضل چوہدری وفاقی وزیر وی نیوز طارق فضل چوہدری افغانستان میں نے افغانستان وفاقی وزیر پاکستان نے کرتے ہوئے نے کہاکہ
پڑھیں:
پنجاب کے وزیر تعلیم رانا سکندر حیات کا اسکولوں میں خود پڑھانے کا اعلان
لاہور : پنجاب کے وزیر تعلیم رانا سکندر حیات نے ٹیچر بننے کا اعلان کردیا۔رانا سکندر حیات نے ستمبر کے پہلے ہفتے سے انگلش اور کیمسٹری سمیت دیگر مضامین کی تدریس کا اعلان کیا۔انہوں نے کہا کہ لاہور میں ستمبر کے پہلے ہفتے سے کلاس کو پڑھاناشروع کروں گا، انگلش اور کیمسٹری میرے پسندیدہ مضمون ہیں لہٰذا ان ہی مضامین سے شروع کروں گا۔وزیر تعلیم نے کہنا ہےکہ پرائمری اسکولوں میں انگلش اور ہائی اسکولوں میں کیمسٹری سے آغاز کروں گا جب کہ انگلش اور کیمسٹری کے علاؤہ دیگرمضامین کی بھی تدریس کروں گا۔انہوں نے مزید کہا کہ ہر ہفتے کسی ایک اسکول میں بغیر پیشگی اطلاع پڑھانے جاؤں گا، اساتذہ کی عزت کرتا ہوں، استاد بن کر فخر محسوس کروں گا۔ان کا کہنا تھا کہ اس اقدام سے تعلیمی معیار کو جانچ کر تدریسی کمزوریاں دور کرنے میں مدد ملے گی۔
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا