بورڈ آف پیس امن نہیں، دہشت گردی کیلئے تشکیل دیا گیا، عبدالقدیر خاموش
اشاعت کی تاریخ: 23rd, February 2026 GMT
سرپرست جمعیت اہل حدیث کی علماء کے وفد سے گفتگو میں کہنا تھا کہ فلسطین فلسطینی عوام کا ہے، امن بورڈ کی نہیں، ضرورت اسرائیلی قبضہ چھڑانے کی ہے، اس سے زیادہ ظلم، منافقت کیا ہوگی کہ امن بورڈ میں کوئی فلسطینی نمائندہ شامل نہیں، درندہ اسرائیل شامل ہے، امریکی صدر ٹرمپ سے خیر کی توقع رکھنا خود فریبی کے مترادف ہے۔ اسلام ٹائمز۔ جمعیت اہل حدیث پاکستان کے سرپرست اور اے آر ڈی کے سابق سیکرٹری جنرل قاضی عبدالقدیر خاموش نے کہا ہے کہ بورڈ آف پیس امن نہیں، دہشت گردی اور غنڈہ گردی کے لیے تشکیل دیا گیا ہے، جس کا کوئی جواز ہے اور نہ ہی کوئی دلیل۔ فلسطین فلسطینی عوام کا ہے، امن بورڈ کی نہیں، ضرورت اسرائیلی قبضہ چھڑانے کی ہے۔ اس سے زیادہ ظلم، بدمعاشی اور منافقت کیا ہوگی کہ امن بورڈ میں کوئی فلسطینی نمائندہ شامل نہیں، لیکن جابرو ظالم اور دنیا کا خونخوار درندہ اسرائیل شامل ہے۔ انہوں نے کہا امریکی صدر ٹرمپ سے خیر کی توقع رکھنا خود فریبی کے مترادف ہے، حیرت ہے کہ ہمارے حکمران بہت خوش ہیں کہ ٹرمپ ان کی ہر تقریر میں تعریفیں کرتا ہے، لیکن خوف ہے کہ پاکستانی قوم کو دو افراد وزیراعظم اور فیلڈ مارشل کی تعریفوں کی کیا قیمت ادا کرنا پڑے گی۔
علماء کے وفد سے گفتگو کرتے ہوئے انہوں نے کہا پاکستان کے عوام فلسطینی بھائیوں کے ساتھ ہیں، بورڈ آف پیس میں شمولیت بانی پاکستان قائداعظم محمد علی جناح کے نظریات اور ریاستی پالیسی کے نہ صرف خلاف ہے بلکہ انسانیت اور انسانی حقوق کی دھجیاں اڑانے کے مترادف ہے۔ ان کا کہنا تھا اقوام متحدہ کے چارٹر کے مطابق کسی مقبوضہ علاقے کے شہریوں کو قابض فوج کے خلاف مسلح جدوجہد کا اختیار ہے، اس لئے حماس کو کسی صورت غیر مسلح نہیں کیا جا سکتا۔ اسرائیل مقبوضہ فلسطین ہے، فلسطینیوں کی سرزمین پر قبضہ کیا گیا، انہیں اپنی سرزمین کا قبضہ واپس لینے کا حق حاصل ہے۔ افسوس تو ہے ان مسلم حکمرانوں پر جنہوں نے فلسطینیوں کی کھل کر امداد نہیں کی، صرف بیان بازی سے کام لیتے رہے۔ قاضی عبدالقدیر خاموش نے کہا ہمیں ہر صورت فلسطینی عوام کے ساتھ کھڑا ہونا ہوگا، ورنہ تاریخ معاف نہیں کرے گی۔
ذریعہ
ذریعہ: Islam Times
کلیدی لفظ: نے کہا
پڑھیں:
صدر مملکت ، وزیر اعظم وفاقی وزیر داخلہ اور وزیر اعلیٰ سندھ کا بھارتی سپانسرڈ دہشتگردوں کے خلاف آپریشنز پر سیکورٹی فورسز کی ستائش
سٹی 42:صدر مملکت ، وزیر اعظم وفاقی وزیر داخلہ اور وزیر اعلیٰ سندھ نے بھارتی سپانسرڈ دہشتگردوں کے خلاف آپریشنز پر سیکورٹی فورسز کی ستائش کی
وزیراعلیٰ سندھ سید مراد علی شاہ نے بلوچستان میں 17 بھارتی حمایت یافتہ دہشتگردوں کی ہلاکت پر سیکیورٹی فورسز کو خراج تحسین پیش کرتے ہوئے کہا ملک دشمن عناصر کو سختی سے کچلا جائے گا۔سیکیورٹی فورسز کی قربانیوں کو ہمیشہ یاد رکھا جائے گا۔پوری قوم کو اپنے جوانوں پر فخر کرتی ہے۔آخری دہشتگرد کے خاتمے تک آپریشن جاری رہے گا۔وفاقی وزیرداخلہ محسن نقوی نے بلوچستان کے مختلف اضلاع میں بھارتی سپانسرڈ دہشتگردوں کے خلاف کامیاب آپریشنز پر سکیورٹی فورسز کی ستائش کی ۔ وزیرداخلہ محسن نقوی نے 17 بھارتی سپانسرڈ دہشتگردوں کو جہنم واصل کرنے پر سکیورٹی فورسز کی پیشہ وارانہ صلاحیتوں کو سراہا ۔ محسن نقوی نے کہا سکیورٹی فورسز نے بروقت کارروائیاں کرکے بلوچستان میں بھارتی سپانسرڈ دہشتگردوں کے مذموم عزائم کو ناکام بنایا۔ 17 بھارتی سپانسرڈ دہشتگردوں کو عبرتناک انجام تک پہنچانے پر سکیورٹی فورسز کو خراج تحسین پیش کرتا ہوں۔ پوری قوم کو سکیورٹی فورسز کے بہادر سپوتوں پر مان ہے ۔ دہشتگردی کے خلاف قوم سکیورٹی فورسز کے شانہ بشانہ کھڑی ہے۔
پاکستان آسٹریلیا دوسرا ون ڈے، قذافی اسٹیڈیم میں سیکیورٹی و ٹریفک انتظامات مکمل
وزیراعظم محمد شہباز شریف نے بلوچستان میں کامیاب انسدادِ دہشت گردی کارروائیوں پر سیکیورٹی فورسز کو خراجِ تحسین پیش کیا ۔ انہوں نے بلوچستان کے مختلف اضلاع میں کامیاب انٹیلی جنس بیسڈ آپریشنز پر سیکیورٹی فورسز کی پیشہ ورانہ صلاحیتوں اور بہادری کو سراہا۔ وزیراعظم نے بھارتی سرپرستی میں سرگرم 17 فتنتہ الھندوستان کے دہشت گردوں کو ہلاک کرنے پر سیکیورٹی فورسز کو خراج تحسین پیش کرتے ہوئے کہا قوم اپنی بہادر افواج اور قانون نافذ کرنے والے اداروں کی قربانیوں اور خدمات کو قدر کی نگاہ سے دیکھتی ہے۔دہشت گردی کے خلاف جنگ میں سیکیورٹی فورسز کی کامیابیاں پوری قوم کے عزم اور اتحاد کی عکاس ہیں، بھارتی سرپرستی میں سرگرم دہشت گرد عناصر کے ناپاک عزائم کو ہر قیمت پر ناکام بنایا جائے گا۔پاکستان سے دہشت گردی کے مکمل خاتمے تک انسدادِ دہشت گردی کی کارروائیاں جاری رہیں گی۔دہشت گردی کے ناسور کے مکمل خاتمے کے لیے حکومت سیکیورٹی فورسز اور قانون نافذ کرنے والے اداروں کے شانہ بشانہ کھڑی ہے۔پاکستان کے امن، استحکام اور ترقی کے خلاف ہر سازش کو ناکام بنایا جائے گا۔
غیر ملکی خاتون کے مبینہ اغوا کیس میں نیا موڑ، پولیس تفتیش میں اہم انکشافات
صدرِ مملکت آصف علی زرداری نے بلوچستان میں فتنۂ الہندوستان کے خلاف کامیاب کارروائیوں پر سیکیورٹی فورسز کو خراجِ تحسین پیش کیا ۔ صدرِ مملکت نے مستونگ، نوشکی، زہری، خضدار اور کیچ میں دہشت گردوں کے خلاف مؤثر کارروائیوں میں 17 دہشت گردوں کی ہلاکت کو سراہا ۔ صدر مملکت نے کہا ملک سے بیرونی سرپرستی میں ہونے والی دہشتگردی کے ناسور کا جڑ سے خاتمہ کیا جانا اولین ترجیح ہے۔فتنۂ ہندوستان اور اس کے سہولت کاروں کے مذموم عزائم کبھی کامیاب نہیں ہوں گے
نجی کمپنیاں گندم کے مقابلے میں آٹا دوگنی قیمت پر فروخت کرنے لگیں، کارروائی کا مطالبہ
وزارت آئی ٹی نے 1.67 ارب روپے سے زاید کے فنڈز طلب کرلیے