جنوبی افریقہ کے ہاتھوں عبرتناک شکست، ٹی20 ورلڈ کپ میں بھارت کی بقا خطرے میں
اشاعت کی تاریخ: 23rd, February 2026 GMT
ٹی20 ورلڈ کپ کے دفاعی چیمپیئن بھارت کرکٹ ٹیم کو سپر ایٹس مرحلے میں جنوبی افریقہ کرکٹ ٹیم کے ہاتھوں 76 رنز کی بڑی شکست کے بعد سیمی فائنل تک رسائی کے لیے سخت چیلنج کا سامنا ہے۔
یہ بھی پڑھیں: ٹی 20 ورلڈ کپ: بھارت کو جنوبی افریقہ کے ہاتھوں ہزیمت آمیز شکست
یہ میچ نریندر مودی اسٹیڈیم میں کھیلا گیا جہاں 80 ہزار شائقین نے اپنی ٹیم کی ناقص کارکردگی دیکھی اور مایوسی کا اظہار کیا، جنوبی افریقہ نے پہلے بیٹنگ کرتے ہوئے 20 اوورز میں 7 وکٹوں کے نقصان پر 187 رنز بنائے، جس کے جواب میں بھارتی ٹیم صرف 111 رنز بنا کر 18.
بھارتی بیٹنگ لائن مضبوط بولنگ کے سامنے مکمل طور پر ناکام رہی، جبکہ جنوبی افریقہ کے فاسٹ بولر مارکو یانسن نے 3.5 اوورز میں 22 رنز دے کر 4 وکٹیں حاصل کیں اور میچ کا پانسہ پلٹ دیا۔ اسپنر کیشو مہاراج نے بھی 24 رنز دے کر 3 کھلاڑی آؤٹ کیے۔
یہ بھی پڑھیں: ’اب تو زمبابوے اور ویسٹ انڈیز سے بھی ڈر لگ رہا ہے‘، جنوبی افریقہ کے ہاتھوں شکست پر بھارتی صحافی ٹیم پر پھٹ پڑے
بھارتی کپتان سوریا کمار یادو کی قیادت میں ٹیم کی بیٹنگ ابتدا سے ہی دباؤ کا شکار رہی اور پاور پلے میں متعدد اہم وکٹیں گنوانے کے باعث ٹیم سنبھل نہ سکی۔ اس شکست کے بعد بھارت کا نیٹ رن ریٹ منفی 3.8 ہو گیا ہے، جس کے باعث سیمی فائنل تک پہنچنے کے لیے باقی دونوں میچز میں واضح کامیابی ضروری ہو گئی ہے۔
بھارت کو اگلے مرحلے میں مضبوط حریفوں زمبابوے کرکٹ ٹیم اور ویسٹ انڈیز کرکٹ ٹیم کے خلاف میدان میں اترنا ہے، جہاں کسی بھی مزید ناکامی کی صورت میں دفاعی چیمپیئن کا سفر قبل از وقت ختم ہوسکتا ہے۔
یہ بھی پڑھیں: ’سپر 8 میچ تو ہم ہی جیتیں گے‘،اشتہار شرمندگی میں بدل گیا، بھارت کی شکست کے بعد ویڈیو ڈیلیٹ
کرکٹ ماہرین کے مطابق اس شکست نے نہ صرف بھارتی ٹیم کی کمزوریاں بے نقاب کر دی ہیں بلکہ ایونٹ میں اس کے مستقبل کو بھی غیر یقینی بنا دیا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news بھارت ٹی20 ورلڈ کپ
ذریعہ
ذریعہ: WE News
کلیدی لفظ: بھارت ٹی20 ورلڈ کپ جنوبی افریقہ کے کے ہاتھوں کرکٹ ٹیم ورلڈ کپ
پڑھیں:
فیفا ورلڈ کپ دیکھنے کیلیے کینیڈا جانیوالے 175 غیر ملکیوں نے سیاسی پناہ مانگ لی
فیفا ورلڈ کپ دیکھنے کے لیے وزٹ ویزہ پر کینیڈا پہنچنے والے درجنوں افراد نے اسائلم کی درخواستیں دائر کر دیں۔
کینیڈا میں ورلڈ کپ کے 13 میچ منعقد ہوئے جن کے لیے حکام نے مجموعی طور پر 26 ہزار سیاحتی ویزے جاری کیے تھے۔ ہزاروں درخواستوں میں سے 50 فیصد سے زائد مسترد کر دی گئی تھیں۔
کینیڈین حکام کے مطابق اب تک 175 افراد سیاسی پناہ کی درخواستیں جمع کرا چکے ہیں جن کا جائزہ امیگریشن اور مہاجرین سے متعلق قوانین کے تحت لیا جائے گا۔
حکام نے یہ واضح نہیں کیا کہ درخواست گزاروں میں کتنے کھلاڑی شامل ہیں، تاہم دستیاب اعداد و شمار کے مطابق گھانا کے 25 جبکہ مصر اور کولمبیا کے 15، 15 شہریوں نے اسائلم کی درخواستیں دی ہیں۔ حکام کا کہنا ہے کہ اس تعداد میں مزید اضافہ بھی ہو سکتا ہے۔
اس سے قبل کینیڈین حکومت خبردار کر چکی تھی کہ فیفا ورلڈ کپ کے لیے جاری کیے گئے سیاحتی ویزے کینیڈا میں مستقل قیام یا سیاسی پناہ حاصل کرنے کا ذریعہ نہیں ہیں اور ہر درخواست کا فیصلہ صرف ملکی قوانین کے مطابق کیا جائے گا۔
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا