جانور خرید کر محفوظ طریقے سے گھر پہنچانا بڑا چیلنج
اشاعت کی تاریخ: 26th, May 2026 GMT
تصویر، اے پی پی
عیدالاضحیٰ پر شہریوں کو جانور کو منڈی سے گھر تک پہنچانے کے مسئلے کا سامنا بھی کرنا پڑتا ہے۔
عیدالاضحیٰ کی تیاریوں کے دوران اکثر شہریوں کو مناسب سواری یا گاڑی کا انتظام کرنے میں دشواری پیش آتی ہے۔
جانور کی خریداری جتنی خوشی کا باعث ہے، اسے محفوظ اور آرام دہ طریقے سے گھر پہنچانا اتنا ہی بڑا چیلنج ہوتا ہے۔
خریداروں کا کہنا ہے کہ بیوپاریوں سے جانور خریدنے کے بعد لوڈر ڈرائیوروں سے الگ بحث کرنی پڑتی ہے۔
لوڈر ڈرائیوروں کا کہنا ہے کہ لوگ مہنگے جانور تو خرید لیتے ہیں لیکن انہیں مناسب کرایہ دینے کے لیے تیار نہیں ہوتے، پیٹرول مہنگا ہے آخر ہم نے بھی گھر کا چولہا جلانا ہے۔
شہری اور رکشہ ڈرائیور دونوں اپنی اپنی مجبوری بیان کرتے ہیں۔ بہرحال، قربانی کے جانور کو گھر پہنچانا ہر سال ایک الگ امتحان بن جاتا ہے۔
.
ذریعہ
ذریعہ: Jang News
پڑھیں:
پنجاب کے وزیر تعلیم رانا سکندر حیات کا اسکولوں میں خود پڑھانے کا اعلان
لاہور : پنجاب کے وزیر تعلیم رانا سکندر حیات نے ٹیچر بننے کا اعلان کردیا۔رانا سکندر حیات نے ستمبر کے پہلے ہفتے سے انگلش اور کیمسٹری سمیت دیگر مضامین کی تدریس کا اعلان کیا۔انہوں نے کہا کہ لاہور میں ستمبر کے پہلے ہفتے سے کلاس کو پڑھاناشروع کروں گا، انگلش اور کیمسٹری میرے پسندیدہ مضمون ہیں لہٰذا ان ہی مضامین سے شروع کروں گا۔وزیر تعلیم نے کہنا ہےکہ پرائمری اسکولوں میں انگلش اور ہائی اسکولوں میں کیمسٹری سے آغاز کروں گا جب کہ انگلش اور کیمسٹری کے علاؤہ دیگرمضامین کی بھی تدریس کروں گا۔انہوں نے مزید کہا کہ ہر ہفتے کسی ایک اسکول میں بغیر پیشگی اطلاع پڑھانے جاؤں گا، اساتذہ کی عزت کرتا ہوں، استاد بن کر فخر محسوس کروں گا۔ان کا کہنا تھا کہ اس اقدام سے تعلیمی معیار کو جانچ کر تدریسی کمزوریاں دور کرنے میں مدد ملے گی۔
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا