پہلا ون ڈے: پاکستان نے آسٹریلیا کے خلاف ٹاس جیت کر فیلڈنگ کا فیصلہ کر لیا
اشاعت کی تاریخ: 30th, May 2026 GMT
پاکستان (Pakistan) اور آسٹریلیا کے درمیان تین ایک روزہ میچوں کی سیریز کے پہلے مقابلے میں قومی ٹیم نے ٹاس جیت کر پہلے فیلڈنگ کرنے کا فیصلہ کیا ہے۔
راولپنڈی کرکٹ اسٹیڈیم میں کھیلے جا رہے اس میچ میں قومی کپتان شاہین شاہ آفریدی نے ٹاس کے بعد کہا کہ یہ دن پاکستان کرکٹ کے لیے خاص اہمیت کا حامل ہے کیونکہ قومی ٹیم ون ڈے کرکٹ کی تاریخ کا اپنا ہزارواں میچ کھیل رہی ہے۔
شاہین آفریدی نے کہا کہ اس تاریخی میچ میں پاکستان کی قیادت کرنا ان کے لیے باعثِ فخر ہے۔ ان کا کہنا تھا کہ پوری ٹیم اس یادگار موقع کی اہمیت سے آگاہ ہے اور کھلاڑی بہترین کارکردگی کا مظاہرہ کرتے ہوئے فتح حاصل کرنے کے لیے بھرپور کوشش کریں گے۔
مزید پڑھیں؛بابراعظم پاکستان کی ون ڈے کرکٹ میں ریڑھ کی ہڈی کی مانند ہیں، شاہین آفریدی
قومی ٹیم کی قیادت شاہین شاہ آفریدی کر رہے ہیں، جبکہ دیگر کھلاڑیوں میں صاحبزادہ فرحان، معاذ صداقت، بابر اعظم، غازی غوری (وکٹ کیپر)، سلمان علی آغا، عبدالصمد، شاداب خان، عرفات منہاس، حارث رؤف اور ابرار احمد شامل ہیں۔
نوجوان آل راؤنڈر عرفات منہاس اس میچ کے ذریعے اپنے ون ڈے کیریئر کا آغاز کر رہے ہیں، جس سے ان کے لیے یہ مقابلہ مزید یادگار بن گیا ہے۔
.
ذریعہ
ذریعہ: Daily Mumtaz
کلیدی لفظ: کے لیے
پڑھیں:
تیزی سے بڑھتی آبادی ملک کیلئے سب سے بڑا چیلنج ہے: وزیراعظم
وزیراعظم شہباز شریف نے تیزی سے بڑھتی آبادی کو ملک کے لیے چیلنج قرار دے دیا۔وزیراعظم شہبازشریف کی زیرصدارت ملک میں بہبود آبادی کے حوالے سے جائزہ اجلاس ہوا جس میں وزیراعظم نے نیشنل پاپولیشن کونسل کا اجلاس جلد از جلد بلانے کی ہدایت کی۔شہباز شریف نے کہا کہ تیزی سے بڑھتی ہوئی آبادی ملک کے لیے سب سے بڑا چیلنج ہے، آبادی پر قابو پانے کیلئے اقدامات اور بہبود آبادی کو قومی فریضہ سمجھا جانا چاہیے۔وزیراعظم کا کہنا تھا کہ آبادی میں توازن ہی پائیدار قومی ترقی کی ضمانت ہے، آبادی کی منصوبہ بندی کو قومی ترقی اور معاشی استحکام سے ہم آہنگ کرنے کی ضرورت ہے، بہبود آبادی اقدامات سے متعلق صوبوں کے ساتھ روابط اور ہم آہنگی مزید بہتر بنائی جائے، بڑھتی ہوئی آبادی پر قابو پانے کے مؤثر عوامی آگہی مہم کا کلیدی کردار ہے۔
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا