ایک اور مشہور ہالی ووڈ جوڑے کے درمیان علیحدگی ہوگئی
اشاعت کی تاریخ: 15th, January 2025 GMT
ہالی ووڈ کی ایک اور مشہور اسٹار جوڑی جوڑی نے علیحدگی اختیار کرلی ہے۔ گلوکارہ اور فیشن ڈیزائنر جیسیکا سمپسن اور ایرک جانسن نے 10 سالہ شادی کے بعد علیحدگی کا اعلان کر دیا ہے۔
غیر ملکی میڈیا کے مطابق دونوں کے درمیان ایک دوسرے پر اعتماد کے مسائل ان کی علیحدگی کی وجہ بنے۔ ایک ذرائع نے غیر ملکی میڈیا ادارے کو بتایا کہ جیس اور ایرک کے درمیان اعتماد کا فقدان تھا۔ دونوں ایک دوسرے پر یقین نہیں کرتے تھے اور شک کی وجہ سے وہ ایک صفحے پر نہیں تھے، جس کی وجہ سے ان کے تعلقات میں دراڑ پڑی اور علیحدگی کا فیصلہ لیا۔
View this post on InstagramA post shared by Jessica Simpson (@jessicasimpson)
جیسیکا سمپسن نے ایک میگزین سے بات کرتے ہوئے اپنی طلاق کی تصدیق کی اور کہا کہ وہ اور ایرک علیحدہ رہ رہے ہیں لیکن اپنی اولاد کو اولین ترجیح دے رہے ہیں۔
انہوں نے کہا، ’ایرک اور میں ایک مشکل صورتحال سے گزر رہے ہیں۔ ہمارے بچے سب سے اہم ہیں، اور ہم ان کے لیے بہترین فیصلے کرنے کی کوشش کر رہے ہیں۔ ہم محبت اور تعاون کے لیے شکر گزار ہیں اور اس دوران نجی معاملات کا احترام چاہتے ہیں۔‘
View this post on InstagramA post shared by Jessica Simpson (@jessicasimpson)
نومبر میں ایک ذرائع نے بتایا تھا کہ جیسیکا اپنے نئے میوزک پراجیکٹس کے سلسلے میں لاس اینجلس اور نیشویل میں وقت گزار رہی تھیں، جبکہ ایرک زیادہ تر ایل اے میں بچوں کے ساتھ موجود تھے۔
یاد رہے کہ جیسیکا اور ایرک نے 2010 میں ڈیٹنگ شروع کی، اسی سال منگنی کی جس کے بعد 2014 میں شادی کے بندھن میں بندھ گئے، ان کے تین بچے ہیں جن کی کسٹڈی کا فیصلہ ابھی باقی ہے۔
.
ذریعہ: Express News
پڑھیں:
اسرائیل کے فضائی حملوں میں جاں بحق افراد کی تعداد 86 ہوگئی؛ ایران
اسرائیل کے ایران پر فضائی حملے میں اعلی فوجی عہدیداروں اور جوہری سائنس دانوں سمیت عام شہری بھی جاں بحق ہوئے جب کہ 340 سے زائد زخمی ہیں۔
ایرانی میڈیا کے مطابق اسرائیلی حملوں میں سب سے زیادہ جانی نقصان تہران میں ہوا جہاں ایران کی جوہری، عسکری اور اسٹریٹیجک تنصیبات کو نشانہ بنایا گیا۔
تہران سمیت دیگر شہروں میں جاں بحق ہونے والوں کی تعداد 78 ہوگئی جب کہ 341 افراد زخمی ہیں۔ جن میں سے درجنوں کی حالت نازک بتائی جا رہی ہے۔
جس کے باعث جانی نقصان میں مزید اضافے کا خدشہ ہے۔ دوسری جانب اسرائیل مزید حملوں کی بھی دھمکی دی ہے۔
ایران کی نیم سرکاری نور نیوز نے اطلاع دی کہ اسرائیلی حملے دہائیوں میں ایران کی سرزمین پر ہونے والی سب سے شدید بمباری ہے۔
فارس نیوز ایجنسی نے تصدیق کی ہے کہ پاسداران انقلاب (IRGC) کے سربراہ میجر جنرل حسین سلامی تہران میں واقع مرکزی ہیڈکوارٹر پر حملے میں جاں بحق ہوگئے۔
جاں بحق ہونے والوں میں ایرانی فوج کے ڈپٹی کمانڈر جنرل غلام علی رشید، معروف جوہری سائنسدان فریدون عباسی اور محمد مہدی طہرانچی بھی شامل ہیں۔
اسی طرح اسرائیل نے نطنز میں واقع احمدی روشن نیوکلیئر تنصیب کو بھی نشانہ بنایا گیا جہاں پروفیسر احمد رضا ذوالفقاری جاں بحق ہوگئے۔
ایران کے سپریم لیڈر آیت اللہ علی خامنہ ای کے سینئر مشیر علی شمخانی بھی شدید زخمی حالت میں اسپتال منتقل کیے گئے ہیں۔
ادھر اسرائیلی فوج کا کہنا ہے کہ فضائی حملوں نے ایرانی زمین سے زمین تک مار کرنے والے درجنوں میزائل لانچرز، گوداموں اور اہم فوجی تنصیبات کو تباہ کیا۔
اسرائیلی نیوز چینل 12 کے مطابق ایرانی فضائیہ کے زیر استعمال تہران کے مہرآباد ایئرپورٹ اور بوشہر ایئرپورٹ پر بھی حملے کیے گئے۔
اسرائیلی حملوں کے دائرہ کار میں شمال مغربی شہر تبریز اور جنوب مغربی شہر کرمانشاہ بھی شامل تھے۔
مشہد مقدس، ایم ڈبلیو ایم کے زیراہتمام شہادت امام باقر علیہ السلام اور رہبر کبیر کی برسی کی تقریب