ٹورنٹو: لینڈنگ کے دوران الٹنے والی ڈیلٹا ایئرلائنز کی پرواز کے مسافروں کو کتنا معاوضہ ملے گا؟
اشاعت کی تاریخ: 20th, February 2025 GMT
ڈیلٹا ایئرلائنز گزشتہ پیر کو ٹورنٹو پیئرسن انٹرنیشنل ایئرپورٹ پر کریش لینڈنگ کے بعد ڈیلٹا کنکشن فلائٹ 4819 پر سوار ہر مسافر کو 30 ہزار ڈالر معاوضے کی پیشکش کی ہے۔
ایئر لائن نے بدھ کو ادائیگی کی تصدیق کرتے ہوئے کہا کہ ادائیگی کے اس فیصلہ کے ساتھ کوئی شرط عائد نہیں کی گئی ہے اور اس سے مسافروں کے قانونی حقوق متاثر نہیں ہوتے ہیں۔
یہ بھی پڑھیں: کینیڈا میں مسافر طیارہ لینڈنگ کے دوران الٹ گیا، متعدد مسافر زخمی
ڈیلٹا کی علاقائی ذیلی کمپنی اینڈیورایئرکے تحت آپریٹ کی جانے والی پرواز، منیاپولس کے سینٹ پال ایئرپورٹ سے 76 مسافروں اور عملے کے 4 ارکان کے ساتھ روانہ ٹورنٹو کے لیے روانہ ہوئی جہاں لینڈنگ پر بومبارڈیئر سی آر جے طیارے کو سخت دشواری کا سامنا کرنا پڑا۔
جس کے نتیجے میں طیارہ الٹنے سے قبل اس کا دایاں پر زمین سے ٹکرایا، جس کے اثر سے ساختی نقصان ہوا، جس میں دونوں پروں اور دم کے حصے کا نقصان بھی شامل ہے، جبکہ ملبے سے شعلے اور دھواں اٹھنے لگا۔
مزید پڑھیں: ڈیلٹا ایئر لائن حادثہ: کمپنی پر صنفی کوٹے کو فوقیت دینے کا الزام
ایئرپورٹ پر حادثے کے ڈرامائی منظر کے باوجود، تمام مسافر اور عملہ محفوظ رہا جبکہ ابتدائی طور پر 21 مسافروں کو اسپتال میں داخل کیا گیا جہاں بدھ تک صرف ایک ہی مسافر کو طبی نگہداشت کے تحت قیام کرنا پڑا۔
ڈیلٹا کے سی ای او ایڈ باسٹین نے پرواز کے عملے کے فوری ردعمل کی تعریف کرتے ہوئے کہا کہ انہوں نے بہادری سے بلکہ توقع کے مطابق اپنے فرائض سرانجام دیے۔
مزید پڑھیں: بحری جہاز ٹکرانے سے بالٹی مور کا پل تباہ، ہلاکتوں کا خدشہ
کینیڈا کے ٹرانسپورٹیشن سیفٹی بورڈ نے امریکی ایوی ایشن ریگولیٹرز بشمول نیشنل ٹرانسپورٹیشن سیفٹی بورڈ اور فیڈرل ایوی ایشن ایڈمنسٹریشن کے تعاون سے حادثے کی تحقیقات کا آغاز کر دیا ہے۔
تفتیش کاروں نے فلائٹ ڈیٹا اور کاک پٹ وائس ریکارڈرز کو تجزیہ کے لیے برآمد کر لیا ہے۔ہوابازی کے ماہرین نے قیاس کیا ہے کہ کراس ونڈز، پائلٹ کی چال، یا ممکنہ مکینیکل مسائل نے حادثے میں نمایاں کردار ادا کیا۔
مزید پڑھیں: بوئنگ کے تیار کردہ جہازوں میں آئے روز تکنیکی خرابیاں کیوں پیدا ہو رہی ہیں؟
سرکاری طور پر حادثے کی وجہ کا تعین نہیں کیا جاسکا ہے اور مکمل رپورٹ کو حتمی شکل دینے میں مہینوں یا سال بھی لگ سکتے ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
امریکی ایوی ایشن ریگولیٹرز ایئرپورٹ ٹورنٹو ڈیلٹا ایئر لائنز ڈیلٹا ایئرلائن فیڈرل ایوی ایشن ایڈمنسٹریشن کریش لینڈنگ نیشنل ٹرانسپورٹیشن سیفٹی بورڈ.ذریعہ: WE News
کلیدی لفظ: ایئرپورٹ ٹورنٹو ڈیلٹا ایئر لائنز ڈیلٹا ایئرلائن کریش لینڈنگ ایوی ایشن
پڑھیں:
ایئر انڈیا کی پرواز تکنیکی مسئلے کے شبہ پر بحفاظت ہانگ کانگ ایئرپورٹ لوٹ آئی
ہانگ کانگ سے نئی دہلی جانے والی ایئر انڈیا کا بوئنگ 787-8 ڈریم لائنر طیارہ پیر کے روز پرواز کے دوران تکنیکی مسئلے کے شبہ پر احتیاطی تدبیر کے طور پر ہانگ کانگ واپس لوٹ آیا، اس بات کی تصدیق برطانوی خبر رساں ادارے نے اپنے قابل اعتماد اور واقع سے براہِ راست واقف ذریعے کے توسط سے کی ہے۔
مذکورہ واقعہ ایسے وقت پیش آیا ہے جب چند روز قبل ایئر انڈیا کی ایک اور بوئنگ ڈریم لائنر پرواز، جو لندن جا رہی تھی، بھارتی شہر احمد آباد میں پرواز کے فوراً بعد گر کر تباہ ہو گئی تھی، جس میں 242 میں سے 241 افراد ہلاک ہو گئے تھے۔
یہ بھی پڑھیں: احمد آباد میں ایئر انڈیا کا طیارہ کریش، امریکی اسٹاک مارکیٹ میں بوئنگ کمپنی کے شیئرز گر گئے
ذرائع کے مطابق پیر کے روز ہانگ کانگ سے اڑان بھرنے والی پرواز اے آئی 315 اس وقت واپس لوٹ آئی جب پائلٹ کو فضا میں کسی ممکنہ تکنیکی خرابی کا شک ہوا، طیارے کو ہانگ کانگ انٹرنیشنل ایئرپورٹ پر دوپہر 1 بجے کے قریب ہنگامی لینڈنگ کے لیے تیار کیا گیا، جہاں طیارہ 1:15 بجے بحفاظت لینڈ کر گیا۔
ایئرپورٹ اتھارٹی ہانگ کانگ کے ترجمان کے مطابق ایئرپورٹ کی سرگرمیاں اس واقعے سے متاثر نہیں ہوئیں، پرواز نے دوپہر 12:20 بجے ہانگ کانگ سے اڑان بھری اور تقریباً ایک گھنٹے بعد واپس لینڈ کیا، فلائٹ ٹریکنگ ویب سائٹ ایئرنیو ریڈار کے مطابق طیارہ 22 ہزار فٹ کی بلندی تک پہنچا تھا، جس کے بعد اس نے نیچے آنا شروع کر دیا۔
مزید پڑھیں: بم کی اطلاع پر ایئر انڈیا پرواز کی تھائی لینڈ کے سیاحتی جزیرے پرہنگامی لینڈنگ
حادثے کا شکار ہونے والی گزشتہ پرواز کے بعد ایئر انڈیا اور بوئنگ دونوں کے لیے یہ ایک نیا چیلنج بن کر سامنے آیا ہے، خاص طور پر ایسے وقت میں جب ایئر انڈیا اپنے بیڑے کو جدید بنانے اور بوئنگ اپنی ساکھ بحال کرنے کی کوششوں میں مصروف ہیں۔
بوئنگ اور ایئر انڈیا دونوں کی جانب سے اس تازہ واقعے پر تاحال کوئی باضابطہ بیان جاری نہیں کیا گیا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
احمدآباد ایئر انڈیا ایئرنیو ریڈار بوئنگ پائلٹ تکنیکی مسئلے ڈریم لائنر فلائٹ ٹریکنگ لندن ہانگ کانگ ہنگامی لینڈنگ
دریاؤں اور آبی ذخائر میں پانی کی صورتحال پر رپورٹ جاری