ایشوریا رائے نے ریکھا کو ’ماں‘ کہہ کر پکارا، ویڈیو وائرل
اشاعت کی تاریخ: 21st, April 2025 GMT
ایشوریا رائے بچن جو بالی ووڈ کی صفِ اول کی اداکاراؤں میں شمار ہوتی ہیں ان کی ایک ویڈیو وائرل ہو رہی ہے جس میں وہ ریکھا کو ’ماں‘ کہہ کر پکار رہی ہیں۔
ویڈیو وائرل ہوئی تو صارفین نے اس پر مختلف تبصرے کیے۔ جہاں کئی صارفین نے ایشوریا کے اس انداز کو سراہا وہیں چند صارفین کا کہنا تھا کہ یہ صرف کمیرے کے سامنے اداکاری کی گئی ہے۔
View this post on Instagram
A post shared by Entertainment Hub (@im_xiddi)
یہ پہلا موقع نہیں ہے جب ایشوریا نے ریکھا کو ’ماں‘ کہہ کر پکارا ہو بلکہ اس سے قبل 22ویں اسٹار اسکرین ایوارڈز پر ایشوریا کو فلم ’جذبہ‘ میں عمدہ اداکاری پر ایوارڈ دیا گیا جو ریکھا نے انہیں دیا۔ جس پر ایشوریا نے اسٹیج پر کہا، ’ماں کے ہاتھوں یہ ایوارڈ حاصل کرنا میرے لیے باعثِ فخر ہے‘۔ جس پر ریکھا نے محبت بھرا جواب دیا کہ، ’میری خواہش ہے آئندہ بھی میں تمہیں اسی طرح ایوارڈ دیتی رہوں‘۔
ریکھا اور ایشوریا کے درمیان یہ خاص تعلق برسوں پرانا ہے۔ ریکھا نے ایک بار ایشوریا کے نام ایک نہایت جذباتی اور محبت بھرا خط بھی تحریر کیا تھا، جو 2016 میں فیمینا میگزین میں شائع ہوا، بالکل اس وقت جب ایشوریا کی فلم ’اے دل ہے‘ مشکل ریلیز ہونے والی تھی۔ یہ خط ایشوریا کے فلمی کیریئر کے 20 سال مکمل ہونے پر لکھا گیا تھا، اور اس میں ریکھا نے ایشوریا کے ساتھ اپنی پہلی ملاقات کی یادیں تازہ کیں۔
خط کا آغاز ریکھا نے ان الفاظ سے کیا: ’میری ایش‘، جو ان دونوں کے تعلق کی گہرائی کا واضح اظہار تھا۔
یہ بھی پڑھیں: جیا بچن کی کس بات پر ایشوریا رائے سب کے سامنے آبدیدہ ہو گئیں؟
خط میں ریکھا نے لکھا کہ وہ عورت جو اپنی روح سے ہم آہنگ ہو، وہ کسی بہتے ہوئے دریا کی مانند ہوتی ہے۔ رکتی نہیں، بہاؤ سے ہٹتی نہیں، اور جہاں جانا چاہتی ہے، وہاں بغیر کسی بناوٹ کے پہنچتی ہے۔ جب وہ اپنی منزل پر پہنچتی ہے تو مکمل طور پر اپنے اصل میں ہوتی ہے۔
انہوں نے کہا کہ لوگ شاید یہ بھول جائیں کہ تم نے کیا کہا یا کیا کیا، لیکن وہ کبھی نہیں بھول پائیں گے کہ تم نے انہیں کیسا محسوس کروایا۔ تم ایک جیتی جاگتی مثال ہو کہ ہمت تمام خوبیوں کی بنیاد ہے، کیونکہ اس کے بغیر کوئی بھی خوبی دیرپا نہیں ہو سکتی۔
ریکھا نے خط میں مزید لکھا کہ تم نے زندگی کے ہر لمحے کو شعور اور شکرگزاری کے ساتھ جیا۔ تم نے وہ راستے چُنے جن سے تمہیں عشق تھا، اور پھر انہیں اتنی خوبصورتی سے نبھایا کہ دیکھنے والے تمہارے سحر میں گرفتار ہو گئے۔ تم مکمل ہو، خود میں کافی ہو۔ کسی کو کچھ ثابت کرنے کی ضرورت نہیں۔ زندگی ان لمحوں سے ناپی جاتی ہے جو ہمیں حیران کر دیتے ہیں، نہ کہ صرف سانسوں کی گنتی سے۔
یہ بھی پڑھیں: ریکھا اور امیتابھ بچن کے افیئر پر جیا بچن کیا کہتی ہیں؟
ایشوریا کے لیے لکھے گئے خط میں ریکھا نے مزید کہا کہ تم نے وقت کی سختیوں سے گزر کر خود کو نئے انداز میں جنم دیا، بالکل اس پرندے کی طرح جو خاکستر سے اٹھ کر دوبارہ بلند ہو جاتا ہے۔ وہ چاند سی معصوم چہرے والی لڑکی، جسے میں نے پہلی بار دیکھا تھا، آج بھی میرے دل کو اسی شدت سے چھو لیتی ہے۔
ریکھا نے مزید کہا کہ تم نے ہر کردار میں اپنی جان ڈال دی، لیکن تمہارا سب سے خوبصورت کردار وہ ہے جو تم نے بطور ماں ادا کیا، محبت دیتی رہو، روشنی پھیلاتی رہو، اور اپنا وہ جادو بکھیرتی رہو جو تمہاری پہچان بن چکا ہے۔
خط کے آخر میں انہوں نے ایشوریا رائے کو دعائیں دیتے ہوئے لکھا کہ میرے دل سے تمہارے لیے بہت دعائیں ہیں۔ جیتی رہو، مجھے تم سے محبت ہے۔ ’ریکھا ماں‘
واضح رہے کہ ایشوریا رائے میگا اسٹار امیتابھ بچن کے بیٹے اور مشہور اداکار ابھیشیک بچن کی شریکِ حیات ہیں۔ حالیہ دنوں میں ان کے ازدواجی رشتے کے حوالے سے مختلف چہ مگوئیاں گردش کر رہی ہیں، جن میں کہا جا رہا ہے کہ یہ رشتہ مشکلات کا شکار ہے اور ایشوریا ممکنہ طور پر طلاق لے لیں گی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
ابھیشیک بچن امیتابھ بچن ایشوریا رائے ایشوریا رائے طلاق بالی ووڈ جیا بچن ریکھا.ذریعہ: WE News
کلیدی لفظ: ابھیشیک بچن امیتابھ بچن ایشوریا رائے ایشوریا رائے طلاق بالی ووڈ جیا بچن ریکھا ایشوریا رائے ایشوریا کے ریکھا نے کہ تم نے
پڑھیں:
عمرشاہ کی انتقال سے پہلے اپنے بھائی احمد کے ہمراہ چاچو سے فرمائش کی آخری ویڈیو وائرل
ڈیرہ اسماعیل خان ( اُردو پوائنٹ اخبارتازہ ترین۔ 16 ستمبر2025ء ) پاکستان کے ننھے سوشل میڈیا سٹار احمد شاہ کے چھوٹے بھائی عمر شاہ کے انتقال کے بعد ان کی آخری ویڈیو وائرل ہوگئی۔ تفصیلات کے مطابق عمر شاہ کی آخری وائرل ویڈیو احمد شاہ کے تصدیق شدہ سوشل میڈیا اکاؤنٹس پر 7 دن پہلے شیئر کی گئی، اپنی زندگی کی اس آخری ویڈیو میں عمر کو اپنے بڑے بھائی احمد شاہ کے ساتھ سکول یونیفارم میں دیکھا جاسکتا ہے، یہ ویڈیو عمر اور احمد کے چچا کی جانب سے بنائی گئی جس میں دونوں بھائیوں کو سکول سے چھٹی کے بعد اپنے کزن کے ساتھ دیکھا گیا۔ ویڈیو میں دیکھا جاسکتا ہے کہ عمر شاہ نے اپنے چاچو سے سکول کیلئے نیا بیگ دلانے کی فرمائش کی، اسی دوران احمد کی طرف سے سپورٹس کیلئے گرین کلر کے یونیفارم کی فرمائش کی گئی، ننھے عمر کے انتقال کے بعد احمد شاہ کے اکاؤنٹ پر پوسٹ کی جانے والی ان کی یہ آخری ویڈیو اب سوشل میڈیا پر زیرگردش ہے، جس پر صارفین کی جانب سے عمر شاہ کی اچانک موت پر دکھ کا اظہار کیا جارہا ہے۔(جاری ہے)
View this post on Instagram
خیال رہے کہ پاکستان کے مشہور ننھے سٹار احمد شاہ کے چھوٹے بھائی عُمر شاہ انتقال کرچکے ہیں، احمد شاہ کے تصدیق شدہ سوشل میڈیا اکاؤنٹس سے یہ خبر سامنے آئی، اس حوالے سے کی جانے والی پوسٹ میں کہا گیا کہ ’ہمارے خاندان کا ننھا چمکتا ستارہ عمر شاہ خالقِ حقیقی سے جا ملا، عمر شاہ کی مغفرت اور اہلِ خانہ کے لیے صبر کی دعا کریں‘۔ اہل خانہ نے بتایا کہ ’عمر شاہ کو فوڈ پوائزنگ ہوئی اور اس دوران پھیپھڑوں میں پانی بھرگیا جس کے نتیجے میں سانس کی نالی میں رکاوٹ کی وجہ سے گزشتہ رات عمر شاہ کی طبیعت اچانک خراب ہوئی جس پر ہسپتال لے جایا گیا تاہم وہ جانبر نہ ہوسکے‘، اس سے پہلے گزشتہ برس جولائی میں عمر کی آنکھوں میں موتیا کی وجہ سے ان کی سرجری بھی ہوئی تھی۔
یادگار آپریشن سومنات میں پاک بحریہ نےبھارتی مواصلاتی نظام تباہ کیاتھا، وزیراعظم کایوم بحریہ پر پیغام