کوہستان؛ گاڑی کھائی میں گرنے سے خواتین و بچوں سمیت خاندان کے 8 افراد جاں بحق
اشاعت کی تاریخ: 1st, May 2025 GMT
لوئر کوہستان میں ایک المناک حادثے کے نتیجے میں خواتین و بچوں سمیت ایک ہی خاندان کے 8 افراد جاں بحق ہو گئے۔
ریسکیو ذرائع کے مطابق گلگت بلتستان کی جانب سفر کرنے والی ایک گاڑی خوفناک حادثے کا شکار ہو گئی۔ حادثہ لوئر کوہستان میں قراقرم ہائی وے پر مٹہ بانڈہ کے مقام پر پیش آیا۔
حادثے کے نتیجے میں گاڑی میں سوار 8 افراد جان کی بازی ہار گئے، جن میں خواتین اور بچے بھی شامل تھے۔ ریسکیو ذرائع کے مطابق جاں بحق افراد کا تعلق راولپنڈی سے بتایا گیا ہے، جن کا تعلق ایک ہی خاندان سے تھا۔
حادثے کی اطلاع ملتے ہی ریسکیو ٹیمیں فوری طور پر وقوع پر پہنچیں اور مقامی افراد کی مدد سے امدادی کارروائی شروع کی۔ لاشوں کو قریبی اسپتال منتقل کیا گیا، جہاں ان کی شناخت کا عمل مکمل کیاگیا۔
دوسری جانب وزیراعلیٰ سندھ سید مراد علی شاہ نے حادثے پر گہرے دکھ کا اظہار کیا ہے۔ اپنے بیان میں انہوں نے کہا کہ انسانی جانوں کا ضیاع انتہائی افسوسناک سانحہ ہے۔ انہوں نے جاں بحق افراد کے لواحقین سے ہمدردی کا اظہار کرتے ہوئے صبر کی دعا کی ہے۔
.ذریعہ: Express News
پڑھیں:
گانچھے، ٹریکٹر حادثے میں 4 مزدور جاں بحق
ریسکیو ذرائع کے مطابق افسوسناک حادثہ گانچھے کے علاقے گلشن کبیر میں پیش آیا جہاں ٹریکٹر کھائی میں جا گیا اور جس کے نتیجے میں چار افراد جاں بحق ہو گئے۔ جاں بحق مزدوروں اور زخمیوں کو کھائی سے نکال لیا گیا ہے۔ اسلام ٹائمز۔ گلگت بلتستان کے ضلع گانچھے میں ٹریکٹر حادثے میں 4 مزدور جاں بحق ہو گئے جبکہ دس زخمی ہیں۔ ریسکیو ذرائع کے مطابق افسوسناک حادثہ گانچھے کے علاقے گلشن کبیر میں پیش آیا جہاں ٹریکٹر کھائی میں جا گیا اور جس کے نتیجے میں چار افراد جاں بحق ہو گئے۔ جاں بحق مزدوروں اور زخمیوں کو کھائی سے نکال لیا گیا ہے۔
پہلگام حملہ: انڈیا میں پاکستان کا سرکاری ’ایکس اکاؤنٹ‘ بلاک کر دیا گیا