امریکی، برطانوی، فرانسیسی میڈیا اور ماہرین پاکستان کی دفاعی صلاحیتوں کے معترف
اشاعت کی تاریخ: 12th, May 2025 GMT
لاہور ( ڈیلی پاکستان آن لائن ) پاکستان کی جانب سے بھارتی جارحیت کے دفاع اور جوابی کارروائی میں جنگی کمالات دکھانے پر امریکہ، برطانیہ اور فرانس جیسے جدید ممالک کے صحافتی ادارے اور ماہرین پاکستان کی جنگی صلاحیتوں کے معترف ہو گئے۔
نجی ٹی وی دنیا نیوز کے مطابق برطانوی جریدے ٹیلی گراف نے پاکستان کی موثر دفاعی حکمت عملی کو سراہتے ہوئے لکھا کہ رافیل جیسے جدید بھارتی طیاروں کی تباہی بھارت کے لئے تضحیک آمیز شکست ہے، پاکستان کی فضائیہ فضاوں کی حکمران ہے۔ٹیلی گراف کے مطابق پاکستانی طیاروں نے ہوا سے ہوا میں مار کرنے والے جدید میزائل استعمال کرتے ہوئے 5 بھارتی جنگی طیارے مار گرائے اور پاکستان نے رافیل جیسے مہنگے بھارتی طیارے گرا کر نہ صرف اپنی فضائی برتری ثابت کر دی بلکہ عالمی سطح پر عسکری ماہرین کو حیران کر دیا۔
بی بی سی نے اپنی رپورٹ میں لکھا کہ بھارت کی حکمت عملی ناکام رہی اور پاکستان کو فوجی محاذ پر برتری حاصل ہوئی جبکہ بھارت فیصلہ کن ضرب لگانے میں ناکام رہا، پاکستان کی فضائی طاقت بھارت کیلئے چیلنج ہے، اربوں خرچ کر کے بھی بھارت کو کوئی فائدہ نہیں ہوا۔
برطانیہ کے تاریخ دان اور دفاعی مطالعہ کے ماہر مائیکل کلارک نے کہا ہے کہ پاکستان اور بھارت کے درمیان ’ساکھ‘ کی جنگ تھی، پاکستان نے بھارت کے ساتھ جنگ میں جو ہتھیار استعمال کئے، ان سے بھارت حیران ضرور ہوا ہوگا، بھارت کو پاکستان کی تکنیکی صلاحیتوں اور جنگ میں استعمال کئے گئے ملٹری ہارڈویئر پر حیرت ہوئی ہوگی، پاکستان کی مسلح افواج کو خطے میں کافی اثرورسوخ حاصل ہے۔
بھارت کی اپوزیشن جماعت کانگریس سے تعلق رکھنے والے رکن پارلیمنٹ و بین الاقوامی شہرت یافتہ مصنف ششی تھرور نے پاک فوج کی طاقت کو تسلیم کرتے ہوئے کہا ہے کہ پاکستان ایک بہت بڑی فوج والا ملک ہے، کچھ دوستوں سے سنا ہے کہ پاکستان کے پاس جدید ترین ہتھیار ہیں، میں نہیں سمجھتا مودی حکومت کو مزید کسی مہم جوئی کا آغاز کرنا چاہئے۔
بین الاقوامی ملٹری جریدے دی نیشنل انٹریسٹ نے بھی پاک فوج کی برتری کو تسلیم کرتے ہوئے لکھا کہ پانچ بھارتی جنگی طیاروں کو مار گرانا پاکستان کی زبردست کامیابی ہے، پاک فضائیہ نے بھارتی افواج کی کئی خامیوں کو اجاگر کیا، رافیل طیاروں کا نقصان بھارت کی عسکری ساکھ کیلئے دھچکا ہے۔
فرانسیسی اخبار لی موندے کی صحافی سوفی لاندریں کے مطابق پاکستانی فضائیہ کی کامیابی کی ایک بڑی وجہ ا±ن کے پائلٹوں کی اعلیٰ تربیت اور جنگی تجربہ ہے، پاکستانی پائلٹ طویل عرصے سے افغان سرحد کے ساتھ واقع قبائلی علاقوں میں دہشت گردی کے خلاف فضائی کارروائیوں میں مصروف رہے ہیں جبکہ بھارت نے عمومی طور پر پرامن حالات میں کام کیا ہے۔
امریکی نشریاتی ادارے سی این این کے انٹرنیشنل ڈپلومیٹک ایڈیٹر نک رابرٹسن نے ٹی وی انٹرویو میں بتایا کہ بھارتی حملے کے بعد پاکستان نے بھارت پر نہ رکنے والے میزائلوں کی بارش کردی، پاکستانی میزائل حملوں کے بعد بھارت مذاکرات کی میز پر آنے پر مجبور ہوا اور پاکستان میزائلوں کی وجہ سے بھارت جنگ بندی کی طرف بڑھا۔
پھینٹیاں لائیاں نے انڈیا نو پھینٹیاں لائیاں نے , چٹیاں کلائیاں وے گانے کی زبردست پیروڈی
مزید :.ذریعہ: Daily Pakistan
کلیدی لفظ: پاکستان کی کہ بھارت بھارت کی
پڑھیں:
حارث رؤف پر ہوا جرمانہ محسن نقوی اپنی جیب سے ادا کریں گے، بھارتی میڈیا کا دعویٰ
انٹرنیشنل کرکٹ کونسل (آئی سی سی) کی جانب سے قومی کرکٹ ٹیم کے فاسٹ بولر حارث رؤف پر کیے گئے جرمانے کی ادائیگی سے متعلق بھارتی میڈیا کا اہم دعویٰ سامنے آیا ہے۔
بھارتی نیوز ویب سائٹ نے پاکستانی نجی ٹی وی کا حوالہ دیتے ہوئے دعویٰ کیا ہے کہ پاکستان کرکٹ بورڈ کے چئیرمین محسن نقوی ذاتی طور پر حارث رؤف پر ہوئے جرمانے کی ادائیگی کریں گے۔
خیال رہے میچ ریفری نے حارث رؤف کو آئی سی سی کوڈ آف کنڈکٹ کی خلاف ورزی کا مرتکب قرار دیتے ہوئے ان پر میچ فیس کا 30 فیصد جرمانہ عائد کیا ہے۔
جبکہ ایشیا کپ کے سپر فور مرحلے میں قومی ٹیم کے اوپنر صاحبزادہ فرحان کے جشن منانے کے انداز پر اُنہیں آئی سی سی کی طرف سے صرف وارننگ دی گئی تھی۔
واضح رہے کہ بھارتی کرکٹ بورڈ (بی سی سی آئی) نے آئی سی سی اور میچ ریفری اینڈی پائیکرافٹ کے سامنے پاکستان کے دونوں کھلاڑیوں، صاحبزادہ فرحان اور حارث رؤف، کے خلاف شکایات درج کروائی تھیں۔
دبئی انٹرنیشنل اسٹیڈیم میں کھیلے گئے میچ میں بھارت نے پاکستان کو چھ وکٹوں سے شکست دی تھی۔ دورانِ میچ فرحان نے نصف سنچری مکمل کرنے کے بعد اپنے مخصوص انداز میں گن فائر کا جشن منایا تھا جبکہ فاسٹ بولر حارث رؤف نے میچ کے دوران وکٹ لینے کے بعد اور باؤنڈر لائن کے قریب فیلڈنگ کرتے ہوئے بھارتی تماشائیوں کی ہوٹنگ کا جواب دیتے ہوئے طیارہ تباہ ہونے (0-6) کا اشارہ کیا تھا۔
بعد ازاں پی سی بی نے بھی آئی سی سی کے سامنے بھارتی کپتان سوریہ کمار یادو کے خلاف دو شکایات درج کروائی تھیں۔ پی سی بی کے مطابق 14 ستمبر کو گروپ اسٹیج میچ کے بعد سوریہ کمار نے پہلگام واقعے کو سیاسی رنگ دیا تھا، جو ضابطہ اخلاق کی خلاف ورزی میں شامل تھا۔
ای ایس پی این کرک انفو کے مطابق آئی سی سی نے بھارتی کپتان کو ضابطہ اخلاق کی خلاف ورزی کا مرتکب قرار دیتے ہوئے ان پر بھی میچ فیس کا 30 فیصد جرمانہ عائد کیا۔ سوریہ کمار نے اپنے دفاع میں ”قصور وار نہ ہونے“ کی درخواست دی، لیکن میچ ریفری رچی رچرڈسن نے اسے مسترد کردیا۔
مزید یہ کہ پی سی بی نے آئی سی سی سے مطالبہ کیا تھا کہ سوریہ کمار پر ”لیول 4“ کی سزا عائد کی جائے، جو ضابطہ اخلاق کی سب سے سخت شق مانی جاتی ہے۔
Post Views: 1
اداکارہ مریم نفیس نے چیئرمین پی سی بی سے اپیل کردی۔