10 مئی کے بعد دنیا بھر میں بھارت اور اس کے تیسری بار وزیر اعظم بننے والے نریندر مودی کی جگ ہنسائی ہو رہی ہے جس کے جارحانہ انسانیت سوز رویے کی وجہ سے بھارت کی فوجی طاقت کی پول کھل گئی ہے اور 24 سال سے اقتدار میں رہنے والے مودی کی حرص اقتدار پوری نہیں ہوئی اور مودی کا بی جے پی کے سیاسی مفاد اور اپنے مرنے تک اقتدار میں رہنے کا منصوبہ ہی بے نقاب نہیں ہوا بلکہ گودی بھارتی میڈیا نے دنیا بھر میں جھوٹی خبریں پھیلا کر خود کو ہی ناقابل اعتبار بلکہ رسوا کر لیا ہے اور اس میڈیا اور بھارت کا دنیا بھر میں مذاق اڑایا جا رہا ہے اور بھارتی تجزیہ کاروں نے بھی اس کی خبروں کو جھوٹا بلکہ بکواس تک قرار دے دیا ہے اور اب دنیا دونوں پر اعتبار نہیں کر رہی۔شائننگ انڈیا کا دنیا بھر میں چرچہ کیے جانے والے بھارت میں پاکستانی جوانوں نے بھارت کے 70 فیصد علاقے کو تاریک کرکے دنیا کو دکھا دیا کہ بھارت کی مصنوعی ترقی صرف جھوٹ اور بھارتی فوج صرف چند روز کی جنگ کرنے کے قابل نہیں رہی ہے اور فرانس کے جدید اور مہنگے رافیل جہازوں اور جدید آلات سے لیس بھارتی فضائیہ کی فضائی طاقت دنیا نے دیکھ لی بلکہ رافیل جنگی جہازوں سمیت بھارت کے 6 جہاز پاک فضائیہ کے قابل ترین پائلیٹوں نے تباہ کرکے دنیا میں اپنی بھارت پر بالادستی کا ثبوت دے دیا ہے۔
صرف چار روزہ جنگ میں پاکستانی افواج کی زبردست کامیابی اور بھارت کے مقابلے میں بہترین کارکردگی کو دنیا میں سراہا گیا اور دنیا بھر کے اہم میڈیا اداروں اور اخبارات کی اپنی خبروں میں بھارت کی مصنوعی اور خیالی کامیابی کی کہانیاں عالمی میڈیا کی زبانی دنیا بھر کو اور خود بھارت کے انتہا پسندوں تک پہنچ چکی ہیں مگر بھارت کے متعصب ترین وزیر اعظم مودی نے شرمندگی کا اظہار تو کیا اپنی فوج کی شکست کو بھی تسلیم نہیں کیا بلکہ ادھم پور جا کر اپنی خود ساختہ کامیابی پر شکست خوردہ بھارتی فضائیہ کی کامیابی پر انھیں سراہا اور عقب میں ایک جہاز اور ایس 400 کا صرف ایک حصہ دکھا کر S-400 کی تباہی چھپانے کی مذموم اور بھونڈی کوشش کی اور اپنی شکست کو کامیابی ظاہر کرکے اظہار مسرت کیا جب کہ ناکامی کے آثار خود مودی اور اس کے ناکام فضائی افسروں کے چہروں پر ظاہر تھے جس پر بھارتی میڈیا میں بھی سوال اٹھے ہیں کہ اس جنگ میں اگر بھارت کو کامیابی ملی ہے تو بھارتی فوج کے تمام سربراہوں کے چہرے کیوں لٹکے ہوئے تھے اور جشن پاکستان میں منایا جا رہا تھا جس کے عوام اپنی فوج کی کامیابی پر مٹھائیاں بانٹ رہے تھے اور سب مل جل کر اپنی فوج کی شان دار کامیابی پر ملک بھر میں خوشیاں منا اور فتح پر ریلیاں نکال رہے تھے۔
حکومت پاکستان نے 16 مئی جمعہ کے مبارک روز ملک بھر میں یوم تشکر منایا کیونکہ پاکستان کی بھارت جیسے 6 گنا بڑے دشمن ملک کے خلاف اللہ کی مدد سے ہی ممکن ہوئی تھی کیونکہ بے شک اللہ ان لوگوں کو پسند فرماتا ہے جو اس کی راہ میں صف بستہ ہو کر لڑتے ہیں گویا وہ سیسہ پلائی ہوئی دیوار ہوں۔ وزیر اعظم پاکستان اپنی فوج اور آپریشن بنیان مرصوص کی شان دار کامیابی پر بھارتی وزیر اعظم مودی کی طرح چھپ کر نہیں بیٹھے بلکہ وہ اور آرمی چیف جنرل عاصم منیر روزانہ میڈیا میں نظر آئے اور انھوں نے کامرہ جا کر ایئربیس پر پاک فضائیہ کے فاتح پائلیٹوں کو شاباش دی اور ان کی کارکردگی کو سراہا۔ اس خوشی کے موقع پر ایئرچیف مارشل ظہیر بابر اور نیول چیف نوید اشرف بھی موجود تھے۔
اس سے قبل وزیر اعظم پاکستان آرمی چیف، ایئر چیف اور وفاقی وزیروں کے ہمراہ پسرور کینٹ کے دورے پر بھی گئے اور آپریشن بنیان مرصوص میں غیر معمولی بہادری دکھانے والے فوج کے جوانوں کے پاس بھی گئے اور سب میڈیا میں ایک آواز ہو کر نعرہ تکبیر بلند کرتے نظر آئے اور بزدل بھارت کا وزیر اعظم مودی ادھم پور کے دکھاوے کے دورے کے پاس اپنی شکست خوردہ فوج کے پاس ان کے حوصلے بڑھانے بھی نہیں گیا اور نہ کہیں میڈیا یا محاذوں پر نظر آیا جو اپنے عوام کو مصنوعی کامیابی پر جشن منانے کا کہہ چکا تھا جب کہ بھارت میں شکست پر صف ماتم بچھی تھی۔
مسلمانوں کا دشمن نریندر مودی جو اب دنیا میں سرینڈر مودی کے نام سے بدنام ہو چکا ہے اور اس کی مسلمان دشمن بی جے پی کو ایسے ہی نااہل وزیر اعظم کی ضرورت تھی جو مسلمان دشمنی کے باعث13 سال بھارتی گجرات کا وزیر اعلیٰ رہا جس کی حکومت میں ٹرین میں ایک ہزار مسلمانوں کا کھلے عام قتل عام ہوا تھا جس پر امریکا میں بھی اسے قصائی کہا جاتا تھا اور اس کی امریکا میں داخلے پر پابندی تھی مگر بھارت کے مسلم دشمن انتہا پسندوں نے اسے 2014 میں سیکولر کہلانے والے بھارت کا وزیر اعظم بنا دیا جس کے بعد سے وہ مسلم دشمنی میں اندھا ہو چکا۔ مسلمانوں کا سب سے بڑا قاتل اور قصاب مودی بھارت کو صرف ہندوؤں کا ملک بنانے پر تلا ہوا ہے۔
اپنی عمر کے آخری حصے میں اولاد سے محروم مودی تاحیات وزیر اعظم رہنے کے منصوبے بنا رہا ہے جسے خود اپنے ملک کے ہندوؤں کا بھی احساس نہیں اور بھارتی ہندو بھی مودی کی جنگی جنونیت کا شکار ہیں جو جانتے بھی ہیں کہ بھارت کا مقابلہ ایٹمی قوت کے حامل پاکستان سے ہے جو جنگ کو وسعت بھی دے سکتا تھا۔ بھارتی عوام کو احساس سے محروم مودی کو کہنا چاہے کہ وہ بھارت کی جان چھوڑے مگر وہ چھوڑے گا نہیں جس کی اپنی اولاد نہیں تو وہ دوسروں کی اولادوں کا خیال کیوں کرے گا؟
.ذریعہ: Express News
کلیدی لفظ: دنیا بھر میں کامیابی پر اور بھارت بھارت کا اپنی فوج بھارت کی مودی کی ہے اور اور اس
پڑھیں:
پاکستان کی دہشت گردی کیخلاف جنگ اپنے لئے نہیں، دنیا کو محفوظ بنانے کیلئے ہے. عطا تارڑ
اسلام آباد(اردوپوائنٹ اخبارتازہ ترین-انٹرنیشنل پریس ایجنسی۔16 ستمبر ۔2025 )وفاقی وزیر اطلاعات عطا اللہ تارڑ نے کہا ہے کہ پاکستان کی دہشت گردی کے خلاف جنگ اپنے لئے نہیں بلکہ دنیا کو محفوظ بنانے کے لئے ہے، بھارت کا غیر ذمہ دارانہ رویہ اب کھیلوں کے میدان تک پہنچ چکا ہے،پاکستان نے بھارت کے گمراہ کن پروپیگنڈے کو بے نقاب کیا، بھارت کی بلاجواز جارحیت کا منہ توڑ جواب دیا، جس پر بھارت نے جنگ بندی کی درخواست کی.(جاری ہے)
ان خیالات کااظہار انہوںنے انسٹی ٹیوٹ آف ریجنل اسٹڈیز کے زیر اہتمام تقریب سے خطاب کرتے ہوئے کیا وفاقی وزیر اطلاعات نے کہا کہ چار روزہ جنگ میں پاکستان نے فتوحات کی ایک نئی داستان رقم کی ہے مودی حکومت اور ہندوتوا نظریے کو عبرتناک شکست ہوئی بھارت ایک غاصب اور جارح ملک ہے جو مظلوم بننے کی کوشش کر رہا ہے پہلگام جیسے واقعات کی حقیقت دنیا کے سامنے آشکار ہو چکی ہے پہلگام واقعے کے حوالے سے پاکستان نے آزادانہ تحقیقات کی پیشکش کی تھی. وفاقی وزیر نے کہا کہ پاکستان نے خطے میں پائیدار امن کےلئے ہمیشہ اپنا موثر کردار ادا کیا ہے ہماری دہشت گردی کے خلاف جنگ صرف اپنے لئے نہیں بلکہ دنیا کو محفوظ بنانے کے لئے ہے بین الاقوامی اصولوں سے روگردانی کرنے والا بھارت مظلومیت کا ڈھونگ نہیں رچا سکتا. عطا اللہ تارڑ کا کہنا تھا کہ بھارت کا غیر ذمہ دارانہ رویہ اب کھیلوں کے میدان تک پہنچ چکا ہے عسکری میدان میں شکست کے بعد بھارت اب کھیل کے میدان میں اوچھے ہتھکنڈے استعمال کر رہا ہے انہوں نے کہا کہ پاکستان پرامن بقائے باہمی پر یقین رکھتا ہے. وفاقی وزیرنے کہاکہ پاکستان نے خطے میں امن و استحکام کے لئے کلیدی کردار ادا کیا ہے پاکستان کے لوگ اس تہذیب کا حصہ ہیں جہاں روایات کو اہمیت دی جاتی ہے وفاقی وزیر نے کہا کہ مقبوضہ کشمیر کے عوام کی سیاسی، اخلاقی اور سفارتی حمایت جاری رکھیں گے ہم مسئلہ کشمیر کا اقوام متحدہ کی قراردادوں کے مطابق حل چاہتے ہیں پاکستان خطے میں امن کےلئے اپنا کردار ادا کرتا رہے گا.
پاک بھارت کشیدہ تعلقات کے دوران 67 پاکستانی قیدی رہا، برسوں بعد وطن واپسی