بھارتی پراکسیز نے نابالغ فاطمہ بلوچ کو پاکستان کے خلاف لانچ کردیا، حقائق آشکار
اشاعت کی تاریخ: 26th, May 2025 GMT
پاکستان بار ہا یہ واضح کر چکا ہے کہ پاکستان میں ہونے والی دہشتگردی میں بھارت ملوث ہے، حال ہی میں سانحہ جعفر ایکسپریس اور خضدار میں اسکول بس پر ہونے والے حملے میں بھارت کے ملوث ہونے کے شواہد بھی پاکستان کی جانب سے سامنے لائے گئے ہیں۔ تاہم دشمن باز نہیں آرہا اور اب معصوم ذہنوں پر وار کرکے پاکستان کے خلاف نفرت پھیلائی جارہی ہے، جس کے چشم کشا حقائق سامنے آگئے ہیں۔
پاکستان اور بھارت کے درمیان ہونے والی جنگ کے بعد دشمن شکست کے زخم چاٹ رہا ہے۔ ڈی جی آئی ایس پی آر لیفٹیننٹ جنرل احمد شریف چوہدری اس حوالے سے واضح کہہ چکے ہیں کہ اب انڈیا اپنی پراکسیز کے ذریعے متحرک ہوگا۔
یہ بھی پڑھیں فتنۃ الخوارج کی نام نہاد شریعت کا پول کھل گیا، کان کنی کے کاروبار پر 5 فیصد بھتہ طلب
پاکستان نے اقوام متحدہ سمیت عالمی برادری سے مطالبہ کیا ہے کہ بھارت کی جانب سے پاکستان میں دہشتگردی کرانے کا نوٹس لیا جائے۔
ملک بھر خصوصاً صوبہ بلوچستان میں بھارت کے حمایت یافتہ دہشتگرد متحرک ہو چکے ہیں، اور خضدار میں ہونے والا دہشتگرد حملہ اسی کی ایک کڑی ہے، جس میں معصوم طلبا و طالبات کو نشانہ بنایا گیا۔
’بھارت اپنی پراکسیز کے ذریعے پاکستان کے ریاستی اداروں کے خلاف نفرت پھیلانے لگا‘بھارت جہاں براہِ راست پاکستان میں دہشتگردی کروا رہا ہے وہیں عوام کے دلوں میں پاکستانی افواج اور ریاستی اداروں کے خلاف نفرت پھیلانے کے لیے بھی متحرک ہے اور میڈیا سمیت سوشل میڈیا پر پاکستان کے خلاف پروپیگنڈا کیا جارہا ہے۔
پاک فوج کے ترجمان نے بلوچ یکجہتی کمیٹی (بی وائی سی) کو واضح الفاظ میں بھارت کی پراکسی قرار دیتے ہوئے کہا ہے کہ دہشتگردوں کے ساتھ کوئی رعایت نہیں ہوگی۔
سرکاری ذرائع کے مطابق بھارت اور اس کی پراکسیز کی جانب سے بلوچستان کی ایک نابالغ لڑکی فاطمہ بلوچ جس کی عمر محض 12 سال ہے، کو ریاستی اداروں کے خلاف لانچ کیا ہے۔
’نابالغ فاطمہ بلوچ کے ’پلانٹڈ‘ بیانات کو بھارت نواز اکاؤنٹس سے شیئر کیا جاتا ہے‘ذرائع نے بتایا کہ نابالغ فاطمہ بلوچ کی جانب سے ریاست اور اداروں کے خلاف جو بیان دلوائے جاتے ہیں وہ بھارت نواز سوشل میڈیا اکاؤنٹس اور بلوچ گمنام اکاؤنٹس پر شیئر کیے جاتے ہیں، اور پھر کہا جاتا ہے کہ پاکستان میں انسانی حقوق کی خلاف ورزی ہورہی ہے۔
سرکاری ذرائع نے بتایا کہ بھارت اور اس کی پراکسیز کی جانب سے ایسے ہتھکنڈے استعمال کرنے کا مقصد پاکستان کا امیج دنیا میں خراب کرنا، اور انسانی حقوق کی تنظیموں کی حمایت حاصل کرنا ہے۔
ذرائع نے بتایا کہ نابالغ بچی کو ورغلا کر پاکستانی اداروں کے خلاف پروپیگنڈا کرانے سے یہ بات واضح ہوگئی ہے کہ بلوچ یکجہتی کمیٹی عوامی حقوق کے نام پر دشمن کی آلہ کار ہے۔
’بھارت اور اس کی پراکسیز کا مقصد بچوں کے ذہنوں میں پاکستان کے خلاف زہر گھولنا ہے‘سرکاری ذرائع نے کہاکہ ان عناصر کا مقصد بچوں کے ذہنوں میں پاکستان کے خلاف زہر گھولنا ہے تاکہ ملک کو کمزور کیا جا سکے۔
بلوچ یکجہتی کمیٹی کے بھارتی پراکسی ہونے کا سب سے بڑا ثبوت یہ ہے کہ پاکستان میں ہونے والی دہشتگردی کی ان کی جانب سے مذمت نہیں کی جاتی۔
یہ بھی پڑھیں بھارتی انتہاپسندوں کا بلوچستان میں مداخلت کا بڑا ثبوت سامنے آگیا
پاکستان کی سیاسی و عسکری قیادت یہ عزم کر چکی ہے کہ بلوچستان سمیت ملک بھر میں ہونے والی دہشتگردی کا خاتمہ کیا جائےگا۔ فیلڈ مارشل سید عاصم منیر نے حال ہی میں اپنے ایک خطاب کے دوران کہا تھا کہ تم 1500 بندے پاکستان کا کچھ نہیں بگاڑ سکتے، جو دہشتگردوں کے لیے واضح پیغام ہے کہ پاکستان فتنہ الہندوستان اور فتنہ الخوارج کے سامنے نہیں جھکے گا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews بھارتی پراکسیز بھارتی حمایت یافتہ دہشتگردی بھارتی دہشتگردی پاکستان کے خلاف نفرت حقائق آشکار ریاستی ادارے فتنہ الہندوستان نابالغ فاطمہ بلوچ لانچ وی نیوز.ذریعہ: WE News
کلیدی لفظ: بھارتی پراکسیز بھارتی حمایت یافتہ دہشتگردی بھارتی دہشتگردی پاکستان کے خلاف نفرت حقائق ا شکار ریاستی ادارے فتنہ الہندوستان نابالغ فاطمہ بلوچ لانچ وی نیوز نابالغ فاطمہ بلوچ پاکستان کے خلاف اداروں کے خلاف ہے کہ پاکستان کے خلاف نفرت پاکستان میں کی جانب سے ہونے والی میں بھارت میں ہونے
پڑھیں:
’را‘ ایجنٹ کی گرفتاری: بھارت کی پاکستان کے خلاف پروپیگنڈا مہم ناکام
پاکستان کی خفیہ ایجنسیوں نے بھارت کی خفیہ ایجنسی ’را‘ کے لیے کام کرنے والے جاسوس کو گرفتار کرکے بھارت کی بڑی پروپیگنڈا مہم ناکام بنا دی۔
وفاقی وزیر اطلاعات و نشریات عطا اللہ تارڑ نے وزیر مملکت برائے داخلہ طلال چوہدری کے ہمراہ پریس کانفرنس کرتے ہوئے بتایا ہے کہ پاکستان کی ایجنسیوں نے ایک ایسے شخص کو گرفتار کر لیا ہے جسے بھارتی خفیہ ایجنسی ’را‘ نے پاکستان کے اندر جاسوسی اور پروپیگنڈا سرگرمیوں پر مجبور کیا تھا۔
مزید پڑھیں: آپریشن سندور میں رسوائی کے بعد بھارت کی ایک اور سازش ناکام، جاسوسی کرنے والا ملاح گرفتار، اعتراف جرم کرلیا
انہوں نے بتایا کہ گرفتار ملزم اعجاز ملاح کا تعلق ٹھٹھہ ضلع کی تحصیل شاہ بندر سے ہے اور وہ پیشے کے اعتبار سے ماہی گیر ہے۔ اسے ستمبر کے مہینے میں کھلے سمندر میں مچھلیاں پکڑتے ہوئے بھارتی کوسٹ گارڈ نے گرفتار کیا۔
وزرا کے مطابق گرفتاری کے بعد مذکورہ شخص کو نامعلوم مقام پر رکھا گیا جہاں بھارتی حکام نے اسے مخصوص خفیہ مقاصد کے لیے دھمکیاں دے کر اور لالچ دے کر پاکستان واپس بھیجا، تاکہ وہ اُن کی ہدایات کے مطابق اطلاعاتی سرگرمیاں انجام دے۔
پاکستانی اداروں نے بھارتی جاسوسی کی ایک اور کوشش ناکام بنا دی! اعجاز ملاح کا اعترافی بیان منظرِ عام پر!
“ہم مچھلی پکڑنے گئے تھے تو بھارتی ایجنسیوں نے ہمیں گرفتار کر لیا۔ بھارتی ایجنٹ ‘اشوک’ نے مجھے کہا کہ میں پاکستان کی آرمی، نیوی اور رینجرز کی وردیاں، موبائل سمز، پاکستانی سگریٹ،… pic.twitter.com/AscjZPT5AJ
— WE News (@WENewsPk) November 1, 2025
پریس کانفرنس میں بتایا گیا کہ اعجاز ملاح کو ہدایت دی گئی کہ وہ پاکستان کی مسلح افواج اور نیم فوجی اداروں کی وردیاں جن میں پاک بحریہ، پاک فوج اور سندھ رینجرز کی یونیفارمز شامل ہیں کے علاوہ زونگ سم کارڈز، پاکستانی کرنسی، سیگریٹ، لائٹرز اور ماچس سمیت دیگر اشیا اکٹھی کرے۔
ان کا کہنا تھا کہ یہ تمام سامان بھارت کی جانب سے پاکستان کے خلاف جھوٹے پروپیگنڈا اور گمراہ کن مہم میں استعمال ہونا تھا، جس کا مقصد عالمی سطح پر پاکستان کی ساکھ خراب کرنا تھا۔
انہوں نے کہاکہ پاکستانی انٹیلی جنس اداروں نے جیسے ہی اعجاز ملاح کی جانب سے ان اشیا کی خریداری کی کوشش کا سراغ لگایا، اسے خفیہ نگرانی میں لے لیا۔ بعد ازاں وہ سمندر کے راستے بھارت واپس جانے کی کوشش کے دوران حراست میں لیا گیا اور تمام متعلقہ مواد بھی برآمد کر لیا گیا۔
اس واقعے نے ایک بار پھر ثابت کردیا ہے کہ بھارت پاکستان کے خلاف جھوٹی کہانیاں گھڑنے اور جھوٹے ثبوت تیار کرنے کی سازشوں میں مصروف ہے، تاکہ عالمی رائے عامہ کو گمراہ کیا جا سکے اور پاکستان کے بیانیے کو نقصان پہنچایا جا سکے۔
مزید پڑھیں: ناگالینڈ میں علیحدگی کی تحریک زور پکڑ گئی، بھارتی حکومت کی مشکلات میں اضافہ
یہ امر بھی قابل ذکر ہے کہ یہ کوئی پہلا واقعہ نہیں ہے۔ اس سے قبل جون 2025 میں بھی کراچی پولیس نے 4 ایسے ماہی گیروں کو گرفتار کیا تھا جو بھارتی خفیہ ایجنسی ’را‘ کے لیے جاسوسی میں ملوث تھے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews پاکستانی خفیہ ایجنسیاں پروپیگنڈا مہم ناکام را ایجنٹ وی نیوز
اپر کوہستان مالیاتی اسکینڈل: گرفتار پولیس اہلکار 13 روزہ جسمانی ریمانڈ پر نیب کے حوالے