’اب واپسی کا راستہ نہیں ملے گا‘، مودی کے بیان پر پاکستانی صارفین کا شدید ردعمل
اشاعت کی تاریخ: 27th, May 2025 GMT
بھارتی وزیر اعظم نریندر مودی نے ایک بار پھر پاکستان کو دھمکی دیتے ہوئے کہا ہے کہ ’سُکھ چین کی زندگی جیو، روٹی کھاؤ، ورنہ میری گولی تو ہے ہی‘۔
مودی نےریاست گجرات کے شہر بھج میں ایک تقریر میں کہا کہ ’پاکستان کو دہشتگردی کی بیماری سے نجات دلانے کے لیے پاکستان کے عوام کو آگے آنا ہوگا، پاکستان کے نوجوانوں کو آگے آنا ہوگا۔ سکھ چین کی زندگی جیو، روٹی کھاؤ۔ ورنہ میری گولی تو ہے‘۔
مودی کی ایک بار پھر پاکستان کو دھمکی۔۔۔
سکھ چین کی زندگی جیو روٹی کھاؤ ورنہ میری گولی تو ہے ہی۔۔۔ pic.
— Shafqat Ali (@ShafqatAli125) May 26, 2025
بھارتی وزیراعظم نریندر مودی کے بیان پر جہاں پاکستان نے شدید ردعمل کا اظہار کرتے ہوئے اسے اشتعال انگیز، غیر ذمہ دارانہ اور اقوام متحدہ کے منشور کی صریح خلاف ورزی قرار دیا ہے وہیں سوشل میڈیا صارفین بھی اس پر تنقید کر رہے ہیں۔
وسیم عباس نے نریندر مودی کو مخاطب کرتے ہوئے لکھا کہ آپ ہمت کریں پھر ہم آپ کو بتائیں گے، انہوں نے مزید کہا کہ ابھی تک آپ نے سبق نہیں سیکھا۔
تو ہمت کر پھر تجھے بتاتے ہیں
ابھی تک تم نے سبق نہیں سیکھا @narendramodi https://t.co/8SFATW920I
— Waseem Abbas????????✌️ (@WA_Says92) May 26, 2025
ایک صارف نے مودی کو مخاطب کرتے ہوئے لکھا کہ پاکستانی نوجوانوں نے آپ کی گیدڑ بھبکیوں کا جواب بنیان المرصوص کی صورت میں دیا تھا۔ اب کی بار تم نے گولی چلائی تو جواب گولی سے بڑھ کر دیں گے۔
نریندر مودی کی ایکبار پھر پاکستان کو دھمکی
ابکی بار نوجوانوں کو نشانہ بنایا ہے
یہ پاکستانی نوجوان ہیں تمھاری گیدڑ بھبکیوں کا جواب پاکستانی نوجوانوں نے دیا
یہ بنیان المرصوص کی صورت میں دیا
ابکی بار تم نے گولی چلائی تو جواب گولی سے بڑھ کر دینگے
جیسے 26 کا جواب 360 کی صورت دیا تھا pic.twitter.com/En9Nvpi5hj
— Political Prism (@PoliticalPrism_) May 26, 2025
ایک ایکس صارف نے لکھا کہ تم صرف بول سکتے ہو، ہم عمل کرتے ہیں۔ اب اگر ایک قدم بڑھایا تو واپسی کا راستہ نہیں ملے گا۔
تم صرف بول سکتے ہو، ہم عمل کرتے ہیں۔
اب اگر ایک قدم بڑھایا تو واپسی کا رستہ نہ ملے گا۔ ????????????
— Waseem (@w08759134) May 26, 2025
ثاقب خان نے لکھا کہ پاکستان کا ہر جوان ایک فوجی ہے۔ اب گنتی آپ کی ہو گی، جواب ہمارا۔
Tayyar ho jao Modi ji, Pakistan ka har jawan ek fauj hai. 26 ka 360 bhool gaye? Ab ginti aapki hogi, jawab hamara. #PakistanZindabad
— Saqib khan (@Saqib_786786) May 26, 2025
پاکستان کے سابق وزیراطلاعات فواد چوہدری نے کہا کہ مودی نے انتہائی توہین آمیز تقریرکی ہے، ان کا مزید کہنا تھا کہ آپ نے پہلے بھی گولی چلا کر دیکھا آپ کا جبڑا ٹوٹا اب ایسی حرکت کی تو انڈیا کی کمر ٹوٹے گی۔
انتہائ توہین آمیز تقریر، آپ نے پہلے بھی گولی چلا کر دیکھا آپ کا جبڑا ٹوٹا اب ایسی حرکت کی تو Endia کی کمر ٹوٹے گی۔۔ #IndiaPakWar pic.twitter.com/ED4a1ghSf0
— Ch Fawad Hussain (@fawadchaudhry) May 26, 2025
ایک صارف نے مودی کے بیان پر کہا کہ ان کو پہلی دفعہ مکمل تسلی نہیں ہوئی۔
مودی نے پاکستان میں موجود اپنی پراکسی یوتھیوں کو مخاطب کر کے ہدایات دیں کہ ملک میں انتشار مچاؤ اور باقی پاکستانی عوام کو گولی مارنے کی دھمکی دی ہے
مودی کو پہلی دفعہ مکمل تسلی نہی ہوئی ہے pic.twitter.com/K03D65cNm7
— RAShahzaddk (@RShahzaddk) May 26, 2025
یاد رہے کہ 7 مئی کو پاکستان پر بھارتی حملے میں 40 پاکستانی شہری شہید ہوئے تھے۔ اس کے بعد پاکستان نے 10 مئی کو آپریشن بنیان المرصوص کی صورت بھارت کو جواب دیا تو چند ہی گھنٹے بعد بھارتی فوج کی ترجمان کرنل صوفیہ قریشی نے پریس کانفرنس میں تصدیق کی تھی کہ پاکستان نے 26 بھارتی تنصیبات کو نشانہ بنایا ہے۔ کرنل صوفیہ نے یہ بھی کہا تھا کہ بھارت مزید لڑائی نہیں چاہتا۔ اس کے کچھ گھنٹے بعد امریکی صدر ڈونلڈ ٹرمپ نے جنگ بندی کا اعلان کیا تھا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
آپریشن بنیان المرصوص مودی
ذریعہ
ذریعہ: WE News
کلیدی لفظ: آپریشن بنیان المرصوص بنیان المرصوص پاکستان کو لکھا کہ کی صورت کہا کہ
پڑھیں:
سینٹ پیٹرزبرگ انٹرنیشنل اکنامک فورم، پاکستانی اعلیٰ سطحی وفد شرکت کریگا
سینٹ پیٹرزبرگ روس کا سب سے بڑا اور عالمی سطح پر اہم اقتصادی ایونٹ، سینٹ پیٹرزبرگ انٹرنیشنل اکنامک فورم 2026ء کل 3 جون سے روس کے تاریخی شہر سینٹ پیٹرزبرگ میں شروع ہو رہا ہے، جس میں دنیا بھر کے 130 سے زائد ممالک کے حکومتی، کاروباری اور اقتصادی راہنما شرکت کریں گے، پاکستان بھی فورم میں اعلیٰ سطحی وفد کے ساتھ شرکت کر رہا ہے۔ اسلام ٹائمز۔ پاکستانی وفد کی قیادت وفاقی وزیر توانائی (پیٹرولیم ڈویژن) علی پرویز ملک کریں گے، وفد میں وزیراعظم کے معاون خصوصی برائے صنعت و پیداوار ہارون اختر، روس میں پاکستان کے سفیر فیصل نیاز ترمذی، سفارتخانے کی وزیر تجارت و سرمایہ کاری شبانہ ممتاز، قونصلر حبیب منیر، سیکنڈ سیکرٹری جوشوا ایڈون آرتھر اور سینٹ پیٹرزبرگ میں پاکستان کے اعزازی قونصل جنرل عبدالرؤف رند بھی شامل ہیں۔ 4 روزہ فورم میں عالمی معیشت، توانائی، تجارت، سرمایہ کاری، ڈیجیٹل ٹیکنالوجی، مصنوعی ذہانت، صنعتی ترقی، ٹرانسپورٹ، خوراک اور بین الاقوامی اقتصادی تعاون سمیت متعدد اہم موضوعات پر اعلیٰ سطحی اجلاس، مباحثے اور کاروباری ملاقاتیں منعقد ہوں گی۔
روسی صدر ولادیمیر پوتن فورم کے مرکزی پلینری اجلاس سے خطاب کریں گے، جبکہ دنیا کے مختلف ممالک سے تعلق رکھنے والے حکومتی راہنما، وزراء، سرمایہ کار، صنعتکار اور بین الاقوامی تنظیموں کے نمائندے بھی فورم میں شریک ہوں گے۔ پاکستانی وفد کی شرکت کو روس اور پاکستان کے درمیان اقتصادی اور تجارتی تعلقات کے فروغ کے لیے اہم قرار دیا جا رہا ہے، توقع ہے کہ فورم کے دوران پاکستانی نمائندے روسی حکام، سرمایہ کاروں اور کاروباری شخصیات کے ساتھ ملاقاتیں کریں گے، جن میں توانائی، پیٹرولیم، صنعت، تجارت اور سرمایہ کاری کے شعبوں میں تعاون بڑھانے کے امکانات پر بات چیت ہوگی۔ مبصرین کے مطابق پاکستان اس وقت توانائی، معدنیات، انفراسٹرکچر اور صنعتی شعبوں میں بیرونی سرمایہ کاری کے حصول پر خصوصی توجہ دے رہا ہے جبکہ روس کے ساتھ اقتصادی تعاون کے نئے مواقع تلاش کرنا بھی حکومتی ترجیحات میں شامل ہے۔
فورم میں شرکت پاکستان کو نہ صرف روس بلکہ دیگر ممالک کے سرمایہ کاروں اور کاروباری اداروں کے ساتھ براہ راست رابطوں کا موقع فراہم کرے گی، ماہرین کا کہنا ہے کہ ایسے بین الاقوامی پلیٹ فارمز پاکستان کے لیے سرمایہ کاری، برآمدات اور اقتصادی شراکت داریوں کے فروغ میں اہم کردار ادا کر سکتے ہیں۔واضح رہے کہ سینٹ پیٹرزبرگ انٹرنیشنل اکنامک فورم 3 سے 6 جون تک جاری رہے گا اور اسے روس کا سب سے بڑا بین الاقوامی اقتصادی فورم تصور کیا جاتا ہے، اس سال فورم کا موضوع "عملی مکالمہ ایک مستحکم مستقبل کی جانب"رکھا گیا ہے، جس میں عالمی معیشت کو درپیش چیلنجز اور مستقبل کے مواقع پر خصوصی توجہ دی جائے گی۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ