اینٹی نارکوٹکس فورس نے ملک بھر میں کارروائیاں کرتے ہوئے 103.872 کلو گرام منشیات برآمد کرلی،8افراد کو گرفتار کر لیا ۔ترجمان اے این ایف کے مطابق اے این ایف نے ملک کے مختلف شہروں اور تعلیمی اداروں کے اطراف منشیات اسمگلنگ کے خلاف کامیاب 7 مختلف کارروائیوں کے دوران ایک نائیجیرین شہری سمیت 8 ملزمان کو گرفتار کر لیا۔ان کارروائیوں میں مجموعی طور پر 103.
872
کلوگرام منشیات برآمد ہوئی جن کی مالیت ایک کروڑ 70 لاکھ روپے سے زائد بتائی گئی ۔انسداد منشیات فورس نے جامعات کے اطراف میں بھی خاص طور پر کارروائیاں کیں۔ جام شورو، سندھ میں ایک یونیورسٹی کے قریب کھڑی گاڑی سے 6 کلوگرام چرس برآمد کی گئی جبکہ موقع سے ایک ملزم کو گرفتار کیا گیا۔ابتدائی تفتیش کے دوران ملزم نے انکشاف کیا کہ وہ یہ منشیات تعلیمی ادارے کے طلبا کو فروخت کرتا تھا۔بین الاقوامی اسمگلنگ کی روک تھام میں بھی اے این ایف کو اہم کامیابیاں حاصل ہوئیں۔ ملتان ایئرپورٹ پر قطر سے آنے والے نائیجیرین شہری کے پیٹ سے 672 گرام کوکین کے 56 کیپسول برآمد کئے گئے، اسی طرح لاہور ایئرپورٹ پر قطر کے راستے اسپین جانے والے مسافر کے سامان میں موجود کپڑوں میں جذب 14.325 کلوگرام منشیات برآمد ہوئی۔دونوں افراد کو گرفتار کر کے تحقیقات کا آغاز کر دیا گیا ۔پشاور کے ورسک روڈ پر واقع ایک کوریئر آفس میں اے این ایف نے کارروائی کرتے ہوئے 4پارسلز سے منشیات برآمد کی۔ پارسلز میں سولر انورٹرز کے اندر چھپائی گئی 6 کلو چرس اور 1.2 کلو افیون شامل تھی جو ملک کے مختلف شہروں کو بھیجی جا رہی تھیں۔شرقپور روڈ، تحصیل فیروزوالہ، ضلع شیخوپورہ میں بھی بڑی کارروائی کرتے ہوئے ملزمان سے 60 کلوگرام چرس، 3 کلو آئس، 3 کلو ہیروئن اور 14.4 کلو افیون برآمد کی گئی۔نیشنل ہائی وے پر حیدرآباد میں ایک ریسٹورنٹ کے قریب گاڑی سے 6 کلو چرس برآمد ہوئی جبکہ کراچی کے علاقے ناتھا خان گوٹھ، ملیر کے قریب موٹر سائیکل سوار 2 افراد سے 3.6 کلوگرام چرس ضبط کی گئی۔ترجمان اے این ایف کے مطابق تمام گرفتار ملزمان کے خلاف انسداد منشیات ایکٹ کے تحت مقدمات درج کر لئے گئے ۔
ذریعہ: Nawaiwaqt
کلیدی لفظ:
منشیات برآمد
اے این ایف
کو گرفتار
پڑھیں:
وزیر آباد: نالہ ایک سے سیلاب میں آنے والا مارٹر گولہ برآمد
وزیر آباد (نامہ نگار) وزیر آباد میں نالہ ایک کے کنارے سے سیلاب میں بہہ کر آنے والا مارٹر گولہ برآمد ہوا، مقامی افراد کی اطلاع پر پولیس تھانہ سوہدرہ موقع پر پہنچ گئی اور مارٹر گولہ کو بم ڈسپوزل سکواڈ کے حوالہ کر دیا گیا۔
سندھ میں سیلاب سے نقصانات؛ حکومت اور جائیکا کا متاثرہ کسانوں کیلیے اقدامات کا اعلان