ہم نوجوانوں کو مرغی یا انڈے نہیں، لیپ ٹاپ اور تعلیم دیں گے، احسن اقبال
اشاعت کی تاریخ: 31st, May 2025 GMT
لاہور:وفاقی وزیر منصوبہ بندی و ترقی احسن اقبال نے لاہور میں ایک تقریب سے خطاب کرتے ہوئے کہا کہ ملک کی ترقی میں نوجوانوں کا کردار کلیدی ہے، اس لیے حکومت انہیں مرغی، انڈے یا کٹہ نہیں بلکہ لیپ ٹاپ اور اعلیٰ تعلیم فراہم کرے گی۔
انہوں نے کہا کہ ہم پہلے بھی وژن 2025 پیش کر چکے ہیں، جس میں طالبعلموں کے لیے خصوصی مواقع رکھے گئے تھے۔ ہمارا مقصد نوجوانوں کو معیاری تعلیم اور تکنیکی سہولیات مہیا کرکے ملکی معیشت میں فعال کردار ادا کرنے کے قابل بنانا ہے۔
احسن اقبال نے کہا کہ پاکستان کی معاشی کارکردگی کو بین الاقوامی مالیاتی ادارے آئی ایم ایف نے بھی سراہا ہے، جبکہ 10 مئی کے بعد ایک مضبوط اور توانا پاکستان کا تاثر ابھرا ہے۔
انہوں نے مزید کہا کہ ترقیاتی منصوبوں کو پائیدار بنانے کے لیے ٹیکس محصولات میں اضافہ ناگزیر ہے تاکہ قومی سطح پر جاری منصوبوں کی تکمیل یقینی بنائی جا سکے۔
وفاقی وزیر نے وژن 2025 کو ایک بار پھر نوجوانوں کی ترقی کا مرکز قرار دیا اور کہا کہ ہم اپنے مستقبل کے معماروں کو جدید دور سے ہم آہنگ تعلیم اور مہارتیں فراہم کرنے کے لیے پرعزم ہیں۔
Post Views: 4.ذریعہ: Daily Mumtaz
کلیدی لفظ: کہا کہ
پڑھیں:
ضمنی الیکشن جیتنے پر حنا ارشد ورائچ کو پیشگی مبارکباد دیتا ہوں، احسن اقبال
نارووال میں میڈیا سے گفتگو کرتے ہوئے احسن اقبال کا کہنا تھا کہ مسلم نون کی کامیابی دراصل اس بات کا ثبوت ہے، پاکستان کے عوام مسلم لیگ نون کی قیادت پر پاکستان کی ترقی، دفاع کیلئے بھرپور اعتماد کر رہے ہیں، اس الیکشن میں پی ٹی آئی کی شکست اس بات کا ثبوت ہے۔ اسلام ٹائمز۔ وفاقی وزیر پلاننگ اینڈ ڈیویلپمنٹ احسن اقبال نے کہا ہے کہ حنا ارشد ورائچ کو ضمنی الیکشن جیتنے پر پیشگی مبارکباد پیش کرتا ہوں۔ پنجاب کے علاقے نارووال میں میڈیا سے گفتگو کرتے ہوئے احسن اقبال کا کہنا تھا کہ مسلم نون کی کامیابی دراصل اس بات کا ثبوت ہے، پاکستان کے عوام مسلم لیگ نون کی قیادت پر پاکستان کی ترقی، دفاع کیلئے بھرپور اعتماد کر رہے ہیں، اس الیکشن میں پی ٹی آئی کی شکست اس بات کا ثبوت ہے۔
انہوں نے مزید کہا کہ پاکستان کی عوام کو منفی تخریبی سیاست سے کوئی دلچسپی نہیں ہے، وہ چاہتے ہیں ملک امن استحکام کا سفر جاری رکھے۔پاکستان نے جس طرح بھارت کا غرور 3 دن میں خاک میں ملایا ہے، پاکستانی قوم کا بہادر مسلح افواج و وزیراعظم شہباز شریف پر اعتماد مزید بڑھا دیا ہے۔
وفاقی وزیر کا کہنا تھا کہ عوام کی محبت کا عملی ثبوت آج سیالکوٹ کا الیکشن ہے، مسلم لیگ نون ہی پاکستان کی ترقی کی جماعت ہے، پاکستان کے عوام سمجھدار ہو گئے ہیں، سوشل میڈیا کا جادو تھا جس سے لوگوں کو ورغلایا گیا۔ احسن اقبال کا مزید کہنا تھا کہ پی ٹی آئی کے سوشل میڈیا نے کچھ دیر کے لئے لوگوں کو گمراہ کیا لوگ باخبر ہو گئے ہیں، ہندوستان کا میڈیا اور پی ٹی آئی کا سوشل میڈیا یہ دونوں آپس میں کزن ہیں۔
ڈیجیٹل پاکستان کی جانب بڑا قدم، بٹ کوائن مائننگ اور اے آئی ڈیٹا سینٹرز کیلئے 2000میگاواٹ بجلی مختص